الموضوع: إستطلاع : هل أنت فخور لكونك مصرى؟

المشاركة الأصلية كتبت بواسطة tutankhamoun

زمان و أنا صغير كنت بقول ده أنا مصري أنا اللي جدودي عملوا الحضارة و الأهرامات و خلافه

و لما بدأت أسافر و أخرج بره البلد
لقيت أني أنسان في الأول و في الآخر و مصر ما هي إلا مكان أعيش فيه زيها زي أي بلد تانية و يمكن في الوقت الحالي أقل من بلاد كتير .

فأنا مش فخور بجنسية معينة و لست فخورا بأني مصري لذاتي المصري و مولدي المصري .
و لكن مصر هي بلدي و أحبها و سأدافع عنها دائما بكل ما أملك حسب الضرر الواقع عليها أو على أهلها اللي هما أهلي .

توت باشا حبيب قلبى ....
حضرتك قلت جملة ناس كتير بتقولها وهى :
أنا مش فخور أنى مصرى بس أنا بحب مصر ....
طب تيجى أزاااااااااى ؟ هل ينفع أقول مثلآ :
أنا مش بأفتخر بأبويا بس أنا بحبة ....
اللى بيحب حد لازم يفتخر بية ....
يا أبيض يا أسود ....

المشاركة الأصلية كتبت بواسطة osama.m

لا طبعا
السبب : مش شايف فيها حاجة تخليني فخور !!

أنت جبت من الأخر يامعلم ....
مشاركة قصيرة بس واضحة وصريحة ....
من غير لف و دوران وكلام كتير و هرى ملوش أى معنى ....
وبصراحة عندك حق لأن المصرى النهاردة معندوش أى حاجة فى بلدة ممكن يفتخر بيها ....

هايفتخر بأية يا حسرة .....
بالتعليم ....
ولا بالصحة ....
ولا الأقتصاد ....
ولا الزراعة ....
ولا الصناعة ....
ولا الرياضة ....
ولا الثقافة ....
ولا البحث العلمى ....
ولا العدالة الأجتماعية ....
ولا بالشوارع النظيفة ....
ولا بالأمن و الأنضباط ....
ولا بالوظايف و المرتبات ....

لأ دة أنا نسيت أقول لكم صحيح أن مصر أخدت المركز الأول على مستوى العااااالم ....
عارفين فى أية ؟
فى نسبة الوفيات الناتجة عن حوادث الطرق ....

مبارك اللة ينتقم منة مسبلناش حاجة عشان نفتخر بيها ....
كان قاعد بيخرب فى البلد و أحنا بنسقف لة ونقولة :
علشان كدة أحنا أختارناك ....
لك اللة يامصر ....

طيب خليني اسأل الناس اللي مش بتحب مصر ولا فخوره بيها:

هل عندكم استعداد تحبو مصر وتخلوها فخوره بيكم؟؟

لما بكون عند الاهرامات بكون فرحانة اوى انى مصرية وان الاجانب دول موجودين علشان خاطر يشوفوا الحضارة دى يعنى احنا المفروض كويسين
لكن لمااشوف الزبالة اللى موجودة فى كل مكان ومستوى التعليم والصحة والفقر وصل لحد فين والعشوائيات واهانة المصريين المتغربين برة مصر وكمان المصريين اللى جواها بكره مصريتى

المشاركة الأصلية كتبت بواسطة abogogo

الحمد لله بحب مصر وبفتخر بيها احنا احسن من بلاد تنيا كتير وحتى البلاد اللى انت بتبص ليها وكأنها المدينة الفاضلة لها عيوبها ايضا وعمرك ماهتحس بالبلد الا لما تتغرب حتى لو كنت مرتاح في الغربه هتعرف يعني ايه مصر والله الكلام ده حقيقي مش انشاء وعن تجربة

عارف يا abogogo أعز صديق ليا فى حياتى وأنا صغير كان واحد مصرى بس عاش فى أمريكا مدة طويلة ....
و رجع مصر عشان حوار بلدنا وأهلنا و الكلام اللى بيخلينا ندمع دة ....
قعد مع أهلة فى مصر 3 سنين 3 سنين مفيش غيرهم ....
ماستحملوش وقالوا جاااااى ورجعوا على أمريكا ....
ومن ساعتها ماشوفتوش تااااانى ....
عارف أن كل بلد فيها عيوب ....
بس عيوب بلدنا ....
لا تحتمل ....