إستطلاع : هل أنت فخور لكونك مصرى؟

**abou_ruqi** · 07-10-2011 03:48 PM

المشاركة الأصلية كتبت بواسطة shaddadfalcon1

امال مين اللي بيحب البلد لما كل الناس دي بتكرهها ومش طايقه تعيش فيها
مين اللي هيبني البلد ويتقدم بيها

اعتقد الاستطلاع المفروض هل تحب المصريين ولا لآ

مصر لازم تتحب ويمفعش حد يكرهها لكن المصريين هما اللي ممكن يتكرههو

الناس بتحب اليابان عشان اليابانيين واللي بيعملوه وبيركوهو السعوديه اللي هي بلد الرسول بسبب افعال السعوديين

طيب ما هو ده اللي الناس بتقولوه ! بس الاختلاف هل الحكومة اللي وحشه لوحدها والا هي والشعب؟

**Khaled Online** · 07-10-2011 04:13 PM

المشاركة الأصلية كتبت بواسطة abou_ruqi

طيب ما هو ده اللي الناس بتقولوه ! بس الاختلاف هل الحكومة اللي وحشه لوحدها والا هي والشعب؟

السلام عليكم
ازيك يا أبو رقية يا حبيبنا؟ :)

السؤال إجابته يعرفها كل اللي يجاوب على السؤال ده: الحكومة متاخدة من الشعب ولا مستوردينلنا حكومة من برة؟

**abou_ruqi** · 07-10-2011 04:15 PM

المشاركة الأصلية كتبت بواسطة Honda4ever

السلام عليكم
ازيك يا أبو رقية يا حبيبنا؟ :)

السؤال إجابته يعرفها كل اللي يجاوب على السؤال ده: الحكومة متاخدة من الشعب ولا مستوردينلنا حكومة من برة؟

مستوردة من المنوفية ، بتسال ليه ؟

**KHALED AYMAN** · 07-10-2011 04:38 PM

المشاركة الأصلية كتبت بواسطة eng_volto

حضرتك عندك كام سنه ؟

20

**Ralliart** · 07-10-2011 04:49 PM

بكرهها من كل قلبي والاسباب باينه
التراب والرمل والنيل والحوارات دي في زيها واحسن منها في بلاد كتير واكيد ده مش سبب لحب او كره بلد معينة ،البلد بتتقاس بالناس اللي فيها ومهما حاولت تعيش بمثالية واحترام دمك هيفضل يتحرق الى ما لا نهاية وهتضيع عمرك كله بتحب في سراب من غير ما يكون ليك لازمة في الحياة لان الشعب مش عايز يتغير وبيعتبر وساخته جزء من تراثه اللي الايادي الخارجية بتحاول تجرده منه
لما بتخيل لو كان ابويا فضل في مصر ومسافرش اعارة يقبض فيها 20 ضعف مرتبه هنا (زي دورة حياة الكائن المصري الطبيعي) كان زماني عايش تحت الارض
البلد دي عمر ما كان ليها ولا هيبقى ليها فضل عليا بالعكس هي ضرتني وبتضرني كل يوم من اول الاكل والشرب الملوثين لحد التعليم الزبالة ،احبها ليه !!!

**Khaled Online** · 07-10-2011 05:03 PM

المشاركة الأصلية كتبت بواسطة abou_ruqi

مستوردة من المنوفية ، بتسال ليه ؟

ده سؤال بلاغي يا باشا

وكمان اللي من المنوفية دول اسمهم العائلة المالكة
إنما الحكومة ما هم من خريجي الجامعات (وكان في وزير خريج auc تقريبا) ودكاترة الجامعة و"صفوة" رجال الأعمال
والمحافظين بيكونوا لواءات متحالين عالمعاش
واللي ماسكين الأحياء برضه من الرتب الي عالمعاش
والمستشارين والقضاة منين؟
والدكاترة (الأطباء) الاستشاريين بتوع المستشفيات الخاصة منين؟
وضباط الشرطة وأمن الدولة منين؟
وأمناء وضباط المرور منين؟

**abou_ruqi** · 07-10-2011 05:11 PM

المشاركة الأصلية كتبت بواسطة Honda4ever

ده سؤال بلاغي يا باشا

وكمان اللي من المنوفية دول اسمهم العائلة المالكة
إنما الحكومة ما هم من خريجي الجامعات (وكان في وزير خريج auc تقريبا) ودكاترة الجامعة و"صفوة" رجال الأعمال
والمحافظين بيكونوا لواءات متحالين عالمعاش
واللي ماسكين الأحياء برضه من الرتب الي عالمعاش
والمستشارين والقضاة منين؟
والدكاترة (الأطباء) الاستشاريين بتوع المستشفيات الخاصة منين؟
وضباط الشرطة وأمن الدولة منين؟
وأمناء وضباط المرور منين؟

كل دول من المنوفية

يا عم بهزر معاك ، انا فاهم سؤالك ، انت شايف ان الحكومة وحشة علشان طلعة من شعب وحش . . . . اقف معانا في الطابور بقه

**misoalex** · 07-10-2011 05:17 PM

المشاركة الأصلية كتبت بواسطة abou_ruqi

ولا واحد . الوحش جوة وحش برة برده
مشفتش حد اتغير
يعني اللي كان بيشرب بانجو في مصر بيشرب ماريجوانا بره وبتاع النسوان جوة زي ماهو بره وهكذا

لا مش قصدى كده خالص والا اللى مش بيصلى جوه مصر حيبقى بيصلى بره بقى هههههههه

انا قصدى على النظافه النظام كسر الاشارات رمى الزباله فى الشارع وهكذا

وعلى فكره سواء بيعمل كده برضاه او غصب عنه المهم انه التزم وده لان النظام هناك كده

**aminibrahim** · 07-10-2011 05:18 PM

المشاركة الأصلية كتبت بواسطة misoalex

مهو ده اللى انا اقصده بالظبط

لو النظام والدوله كلها ماشيه كويس الشعب غصب عنه حيبقى كويس

البلطجى مش حيلاقى ليه مكان وسطينا اما حيتعدل او حيهاجر
مش المحترم هو اللى يهاجر والبلطجى معشش فيها

انا شغال مع طالينه
لما بيجو مصر وبيشوفوا شئ مش مظبوط علي طول بيعملو زيه لانهم هناك في قانون حاكمهم

يعني لو في قانون عندنا بيحكم المصري ها يبقي احسن انسان

**misoalex** · 07-10-2011 05:23 PM

المشاركة الأصلية كتبت بواسطة ralliart

بكرهها من كل قلبي والاسباب باينه
التراب والرمل والنيل والحوارات دي في زيها واحسن منها في بلاد كتير واكيد ده مش سبب لحب او كره بلد معينة ،البلد بتتقاس بالناس اللي فيها ومهما حاولت تعيش بمثالية واحترام دمك هيفضل يتحرق الى ما لا نهاية وهتضيع عمرك كله بتحب في سراب من غير ما يكون ليك لازمة في الحياة لان الشعب مش عايز يتغير وبيعتبر وساخته جزء من تراثه اللي الايادي الخارجية بتحاول تجرده منه
لما بتخيل لو كان ابويا فضل في مصر ومسافرش اعارة يقبض فيها 20 ضعف مرتبه هنا (زي دورة حياة الكائن المصري الطبيعي) كان زماني عايش تحت الارض
البلد دي عمر ما كان ليها ولا هيبقى ليها فضل عليا بالعكس هي ضرتني وبتضرني كل يوم من اول الاكل والشرب الملوثين لحد التعليم الزبالة ،احبها ليه !!!

المشكله ان فيه ناس فاكره ان البلد دى ملكنا احنا
التراب والنيل والشوارع مش ملكنا وممكن يتغيرو فى لحظه

ساعتها اللى بيحبها عشان كده حيفضل يحبها برضه ؟؟؟؟؟؟؟؟؟؟

الخلاصه البلد دى مش ملكنا ملك اللى معاه القوه والسلاح

الموضوع: إستطلاع : هل أنت فخور لكونك مصرى؟

LinkBack

أدوات الموضوع

عرض

-

-

-

-

-

-

المواضيع المتشابهه

شوف العالم بيقول علينا اية (فخور اني مصري)

فخور انى راكب بيجو

أنا مصرى أبن مصرى وليا الشرف

الكلمات الدلالية لهذا الموضوع

المفضلات

المفضلات

ضوابط المشاركة