حمله فحص مجانى لعربيات متسوبيشى فى توكيل دايموند موتورز

**bassem_sams** · 10-10-2011 01:13 PM

المشاركة الأصلية كتبت بواسطة abcdefghi

I went to buy a spare part from them but they told me no discount if you want to buy it only

شكرا لحضرتك انك شاركتنا بالمعلومه دى بس انا هكتبها بالعربى علشان تبقى اوضح
الأستاذ abcdefghi مشكور اتصل بتوكيل جديد و سألهم انوا عايز يشترى قطع غيار فقلولوا لو هتشترى قطع غيار فقط يبقى من غير خصم
انا عايز بردوا اخوة يعملوا زيوا و يتصلوا و يسألوا على احتياجاتهم لأنها بتختلف من شخص لأخر و يشاركنا بها زى ما حدث علشان نستفيد ونقدر نقيم توكيل جديد فى انتظار مشاركتكم

**medociv** · 11-10-2011 02:19 PM

متشكرين جدا جدا يا باسم

**Dawns_Mist** · 11-10-2011 02:42 PM

ألف شكر يا باشا ... أنا فعلا اتصلت بفرع المنصورة و حددت معاد معاهم .. و قالولي فعلا الفحص مجاني و الخصومات 10 % على القطع و 15% على المصنعية ....
هنروح بقى و نشوف المعاملة و الشغل هناك عامل إزاي .. يارب يكونوا على مستوى المسئولية و الكفائة ..

شكرالصاحب الموضوع ..

**salah_86** · 12-10-2011 12:20 AM

انا روحت انهاردة توكيل المصيلحى اللى فى قليوب بس معجبنيش بصراحة لانهم اخدو العربية ورفعوها ومفكش حتى العجل وقالى العربية محتاجة تيل فرامل امامى طيب عرف منين اذا كان هو مفكش العجل خالص ثانيا اى حد كان موجود كانوا بيقولو عربية حضرتك محتاجة 2 جلبة مقص امامى واسبراى بواب بس انا اخدت منهم ورقة باسعار قطع الغيار وقلت اروح المصرية اسال على اسعار قطع الغيار والمفاجاة كانت ان المصرية اغلى بكتير
يعنى فلتر الهوا فى المصلحيى عامل 186 لكن فى المصرية 250 والبوجيهات فى المصرية 130 انما فى المصيلحى ب112 وقررت ساعتها اروح اشترى قطع الغيار من المصيلحى واركبها برة فى مركز صيانة انا بتعامل معاه بس لما رحت المصيلحى وجيت اخد قطع الغيار لقيت تيل الفرامل رصاصى مش اخضر مع العلم ان الاصلى اللى كان فى العربية لونة اخضر ومكتوب علية صنع فى اليابان وحتى ماركة فيها س انا مش فاكرها بصراحة قلقت ومشيت ومرضيتش اخد حاجة غير لما استشيركم الاول لانى هدفع مبلغ مش اى كلام فياريت حد يفيدنى ولا اروح المركز الرئيسى ولا اعمل ايه ؟

**ahmed_bq** · 12-10-2011 10:13 AM

الناس اللي بتسأل عن العربيات القديمه كريستاله ومكوه وغيرها ... التوكيل اكد ان اي حاجه ميتسوبيشي فحصها مجانا وفيه خصم على المصنعيه 15% والقطع الغيار 10% وطبعا بعد الفحص ممكن متغيرش اي حاجه خالص ... ولازم تلحق تحجز عشان يا مكتر اللانسرات في مصر .. ولو معندكش مشكله روح اطمن واغسل العربيه والعبلك جيمين بلاي ستيشن وروح :)

**mr_vampire** · 12-10-2011 12:58 PM

المشاركة الأصلية كتبت بواسطة ahmed_bq

الناس اللي بتسأل عن العربيات القديمه كريستاله ومكوه وغيرها ... التوكيل اكد ان اي حاجه ميتسوبيشي فحصها مجانا وفيه خصم على المصنعيه 15% والقطع الغيار 10% وطبعا بعد الفحص ممكن متغيرش اي حاجه خالص ... ولازم تلحق تحجز عشان يا مكتر اللانسرات في مصر .. ولو معندكش مشكله روح اطمن واغسل العربيه والعبلك جيمين بلاي ستيشن وروح :)

ده فعلاااااااااااااا مصر قبل 25 غير بعد 25

طب ماتيجو ياشباب اللانسر نعمل مصلحة ونعمل مقابلة هناك عندهم ةعلي حسابهم

ونستفيد بالمكان والمشاريب وكمان نعمل دورة بلاي ستيشن لحد مايخلصو فحص عربياتنا. ونبقي احنا اللي علمناهم اول واخر مرة تعملو حملة مجانية تاني

.

**mohammedabdallh** · 12-10-2011 01:16 PM

المشاركة الأصلية كتبت بواسطة mr_vampire

ده فعلاااااااااااااا مصر قبل 25 غير بعد 25:b4_388: طب ماتيجو ياشباب اللانسر نعمل مصلحة ونعمل مقابلة هناك عندهم ةعلي حسابهم

ونستفيد بالمكان والمشاريب وكمان نعمل دورة بلاي ستيشن لحد مايخلصو فحص عربياتنا. ونبقي احنا اللي علمناهم اول واخر مرة تعملو حملة مجانية تاني

.

فعلا تفكير مصرى
بس فكرة حلوه

**bassem_sams** · 12-10-2011 01:35 PM

المشاركة الأصلية كتبت بواسطة dawns_mist

ألف شكر يا باشا ... أنا فعلا اتصلت بفرع المنصورة و حددت معاد معاهم .. و قالولي فعلا الفحص مجاني و الخصومات 10 % على القطع و 15% على المصنعية ....
هنروح بقى و نشوف المعاملة و الشغل هناك عامل إزاي .. يارب يكونوا على مستوى المسئولية و الكفائة ..

شكرالصاحب الموضوع ..

ان شاء الله تروح و تنبسط و تبقى صيانه خير و تبقى راضى عنا بأذن الله و تبقى طمنا على مستوى خدمه هناك بحيث لو مش جيد نخبر فرع رئيسى فيحسنوه

**bassem_sams** · 12-10-2011 01:47 PM

المشاركة الأصلية كتبت بواسطة salah_86

انا روحت انهاردة توكيل المصيلحى اللى فى قليوب بس معجبنيش بصراحة لانهم اخدو العربية ورفعوها ومفكش حتى العجل وقالى العربية محتاجة تيل فرامل امامى طيب عرف منين اذا كان هو مفكش العجل خالص ثانيا اى حد كان موجود كانوا بيقولو عربية حضرتك محتاجة 2 جلبة مقص امامى واسبراى بواب بس انا اخدت منهم ورقة باسعار قطع الغيار وقلت اروح المصرية اسال على اسعار قطع الغيار والمفاجاة كانت ان المصرية اغلى بكتير
يعنى فلتر الهوا فى المصلحيى عامل 186 لكن فى المصرية 250 والبوجيهات فى المصرية 130 انما فى المصيلحى ب112 وقررت ساعتها اروح اشترى قطع الغيار من المصيلحى واركبها برة فى مركز صيانة انا بتعامل معاه بس لما رحت المصيلحى وجيت اخد قطع الغيار لقيت تيل الفرامل رصاصى مش اخضر مع العلم ان الاصلى اللى كان فى العربية لونة اخضر ومكتوب علية صنع فى اليابان وحتى ماركة فيها س انا مش فاكرها بصراحة قلقت ومشيت ومرضيتش اخد حاجة غير لما استشيركم الاول لانى هدفع مبلغ مش اى كلام فياريت حد يفيدنى ولا اروح المركز الرئيسى ولا اعمل ايه ؟

ان اسعار دايموند ارخص ده حاجه افضل لحضرتك و كمان تأكد انها قطع غيار اصليه متشكش فى موضوع ده و افضل تروح توكيل فى فرع رئيسى انا روحت و انبسطت من مستوى خدمه لكن سعر مصنعيه معجبنيش كان غالى و احكلهم على حصل فى مصيلحى علشان يبقوا عارفين و يبلغوا بالنسبه للفنى اللى قالك انه تيل عايز يتغير من غير ما يفك كاوتش ممكن يكون عرف نتيجه ان عربيه حضرتك جنط مش طاسه فبيبان فرامل فقالك لكن لا يصح الا صحيح لازم يفك كاوتش و يشوف تيل و طنابير اخبرها ايها و ينظفها و بعدين يروش سبراى ده اللى حصل معايا فى توكيل
بالنسبه لنوع تيل اصلى ده افضل و اوعى تسترخص لأنه رخيص بيصفر بسرعه و مش حلو للطنابير و احيانا ناس اول ماتدوس فرامل تسمع صوت خبط بالنسبه لنوع اصلى فى منه نوعين اخضر و رصاصىاو اسود و دة صورة له فى موضوع ده
http://www.nilemotors.net/Nile/69634-2007.html