الموضوع: حمله فحص مجانى لعربيات متسوبيشى فى توكيل دايموند موتورز

يا جماعه انا اللي هقولو ده وجهة نظري الشخصية لما روحت هناك ... وكل الناس اللي اتعرفت عليهم هناك تقريبا نفس وجهة النظر...

المكان نظيف وشيك وبتقدر تشوف عربيتك والمكان اللي فيه الصيانه ومكان الصيانه بردو كويس ونظيف ... انا هحكيلكو اللي حصل معايا من كمية هرجلة وعك وقلة خبرة منهم

اولا انا كنت حاجز الساعه 9.30 الصبح .. روحت في المعاد وقابلت البشمهندس اللي هيستلم العربيه اللي مش عارف مكنش نايم ولا كان شارب حاجه ولا قليل التركيز لان اللي حصل كالاتي:

قولتلو عايز اعمل الفحص الشامل المجاني ده وعايز بعده اشوف ممكن اغير ايه دا غير اني هعمل صيانه 80 الف بس مش كلها لاني فيه حجات عملتها بره.. والاكيد اني هغير تيل فرامل امامي ... قاللي مفيش تييل .. قولتلو غريبه طب عايز اغير فلتر بنزين قاللي مفيش فلتر بنزين .. قولتلو عايز جوان فتحت السقف قاللي لا لا مش موجود .. قولتلو مش ده دايموند التوكيل :) قاللي ايوه قولتلو اومال عندكو ايه وانا عربيتي بومه مغرقه شوارع مصر يعني .. المهم رسينا في الاخر على تغيير زيت الفتيس بس وقاللي هيكلف 165 جنيه !!! قولتلو غريبه ده كده شويه هما كام ليتر قاللي 4 وسويه فالفولين .. قولتلو اللي اعرفه انه لو نزلته وشفطته مظبوط بياخد حوالي 8 او 9 لتر .. قاللي لا لا هوا كده.

وهوا بيستلم العربيه قاللي مياه الراديتير زياده عن المنسوب في القربه قولتلو نقصها .. قولتلو فيه حبة فروق كده في الكساحات والعتب ابقى روقهم قاللي ماشي ... ودخلت قعدت في الاستراحه.. الكلام ده كان تقريبا 10 يعني تأخير نص ساعه قولت ماشي عادي.

وانا بستفقد المكان روحت لمكتب قطع الغيار بقولو مينفعش تشييك عند المخازن بتوع الناس اللي تبعكو بحيث اعدي عليهم عشان مأجز النهارده وناوي اظبط العربيه ... المفاجأه بقى انهم عندهم تيل فرامل وبيقولو مش عندنا هههههه ومين اللي قالك وراحلو وازاي واحنا عندنا .. تقريبا موصلهمش اختراع الكومبيوتر لسه .. وبقولو التيل الاخضر والا الرصاصي .. قالو منعرفش بس تقريبا الرصاصي .. النكته بقى انه الاخضر هههههههه منتهى الهرجله وب 510 جنيه يعني اغلى حوالي 70 جنيه من مصريه بتاع قليوب.
المهم استنى العربيه تدخل مدخلتش .. روحت للبيه بقولو الساعه بقت 11 الا ربع ونتا قايل هنخلص على 11 .. قاللي ايه ده هيا مدخلتش .. كنت هقولو .............. ولا بلاش ... المهم دخلت العربيه واشتغلو فيها شويه ونزلت ودخلت في جنب كده وبعد كده مشوفتهاش ... وعدت ساعه ونص ونا مش شايفها .. طلعت اشرب سيجاره بره لفيتها واقفه بره ومغسوله بس غسله تلييط كده مش حلوه اوي .. ولا الاكصدامات جه ناحيتها ولا اعرف فيه ايه

روحت بقول للافندي بتاع الاستهبال مش الاستقبال العربيه واقفه بره قاللي والله .. كنت هشتمو بقى بصراحه بس اكتفيت وقولتلو هوا انا هشتغلك منبه ولا صبي .. طبعا اتأسف بس مريحنيش ... قاللي كله تمام ..قولتلو ايه اللي عملتو وايه الفحص تم على ايه ومسألتنيش ليه قبل متخرجها .. قال يباشا اصل العربيه مش عايزه حاجه خالص مستعجله غير مساحات .. قولتلو تولع المساحات دي ب 5 جنيه كشفت على ايه تاني .. قاللي كله تمام .. قولت طيب الحمدلله بس عندي احساس انه مفيش لا فحص تم ولا دياولو والموضوع عباره عن اشتغاله كبيره او سوء اداره وخبره منهم

الموضوع كله بيتم مانيوال بالقلم والورقه دا حتى الفاتوره بالقلم والورقه وكل الناس اللي راحو معايا كانو مخنوقين مووت منهم .. وانا عن نفسي بقول يعيش الروااااااس للابد سواء الرواس الرواس او مصريه اللي هيا رواس بردو ... هناك ممكن تعرف معلومات كتير وناس زوق وفي الفنيات رايقيين

ده اللي شوفتو وقولت مش هروح هناك تاني الا لما يتظبطو ان شاء الله

المشاركة الأصلية كتبت بواسطة ahmed_bq

يا جماعه انا اللي هقولو ده وجهة نظري الشخصية لما روحت هناك ... وكل الناس اللي اتعرفت عليهم هناك تقريبا نفس وجهة النظر...

المكان نظيف وشيك وبتقدر تشوف عربيتك والمكان اللي فيه الصيانه ومكان الصيانه بردو كويس ونظيف ... انا هحكيلكو اللي حصل معايا من كمية هرجلة وعك وقلة خبرة منهم

اولا انا كنت حاجز الساعه 9.30 الصبح .. روحت في المعاد وقابلت البشمهندس اللي هيستلم العربيه اللي مش عارف مكنش نايم ولا كان شارب حاجه ولا قليل التركيز لان اللي حصل كالاتي:

قولتلو عايز اعمل الفحص الشامل المجاني ده وعايز بعده اشوف ممكن اغير ايه دا غير اني هعمل صيانه 80 الف بس مش كلها لاني فيه حجات عملتها بره.. والاكيد اني هغير تيل فرامل امامي ... قاللي مفيش تييل .. قولتلو غريبه طب عايز اغير فلتر بنزين قاللي مفيش فلتر بنزين .. قولتلو عايز جوان فتحت السقف قاللي لا لا مش موجود .. قولتلو مش ده دايموند التوكيل :) قاللي ايوه قولتلو اومال عندكو ايه وانا عربيتي بومه مغرقه شوارع مصر يعني .. المهم رسينا في الاخر على تغيير زيت الفتيس بس وقاللي هيكلف 165 جنيه !!! قولتلو غريبه ده كده شويه هما كام ليتر قاللي 4 وسويه فالفولين .. قولتلو اللي اعرفه انه لو نزلته وشفطته مظبوط بياخد حوالي 8 او 9 لتر .. قاللي لا لا هوا كده.

وهوا بيستلم العربيه قاللي مياه الراديتير زياده عن المنسوب في القربه قولتلو نقصها .. قولتلو فيه حبة فروق كده في الكساحات والعتب ابقى روقهم قاللي ماشي ... ودخلت قعدت في الاستراحه.. الكلام ده كان تقريبا 10 يعني تأخير نص ساعه قولت ماشي عادي.

وانا بستفقد المكان روحت لمكتب قطع الغيار بقولو مينفعش تشييك عند المخازن بتوع الناس اللي تبعكو بحيث اعدي عليهم عشان مأجز النهارده وناوي اظبط العربيه ... المفاجأه بقى انهم عندهم تيل فرامل وبيقولو مش عندنا هههههه ومين اللي قالك وراحلو وازاي واحنا عندنا .. تقريبا موصلهمش اختراع الكومبيوتر لسه .. وبقولو التيل الاخضر والا الرصاصي .. قالو منعرفش بس تقريبا الرصاصي .. النكته بقى انه الاخضر هههههههه منتهى الهرجله وب 510 جنيه يعني اغلى حوالي 70 جنيه من مصريه بتاع قليوب.
المهم استنى العربيه تدخل مدخلتش .. روحت للبيه بقولو الساعه بقت 11 الا ربع ونتا قايل هنخلص على 11 .. قاللي ايه ده هيا مدخلتش .. كنت هقولو .............. ولا بلاش ... المهم دخلت العربيه واشتغلو فيها شويه ونزلت ودخلت في جنب كده وبعد كده مشوفتهاش ... وعدت ساعه ونص ونا مش شايفها .. طلعت اشرب سيجاره بره لفيتها واقفه بره ومغسوله بس غسله تلييط كده مش حلوه اوي .. ولا الاكصدامات جه ناحيتها ولا اعرف فيه ايه

روحت بقول للافندي بتاع الاستهبال مش الاستقبال العربيه واقفه بره قاللي والله .. كنت هشتمو بقى بصراحه بس اكتفيت وقولتلو هوا انا هشتغلك منبه ولا صبي .. طبعا اتأسف بس مريحنيش ... قاللي كله تمام ..قولتلو ايه اللي عملتو وايه الفحص تم على ايه ومسألتنيش ليه قبل متخرجها .. قال يباشا اصل العربيه مش عايزه حاجه خالص مستعجله غير مساحات .. قولتلو تولع المساحات دي ب 5 جنيه كشفت على ايه تاني .. قاللي كله تمام .. قولت طيب الحمدلله بس عندي احساس انه مفيش لا فحص تم ولا دياولو والموضوع عباره عن اشتغاله كبيره او سوء اداره وخبره منهم

الموضوع كله بيتم مانيوال بالقلم والورقه دا حتى الفاتوره بالقلم والورقه وكل الناس اللي راحو معايا كانو مخنوقين مووت منهم .. وانا عن نفسي بقول يعيش الروااااااس للابد سواء الرواس الرواس او مصريه اللي هيا رواس بردو ... هناك ممكن تعرف معلومات كتير وناس زوق وفي الفنيات رايقيين

ده اللي شوفتو وقولت مش هروح هناك تاني الا لما يتظبطو ان شاء الله

تقريبا برضة دا هو اللى حصل معايا فى المصيلحى قليوب وعلشان كدا انا قررت انى اشترى قطع الغيار الاصلى من التوكيل واركبها فى مركز الصيانة اللى انا بتعامل معاها بس على فكرة فى حاجات فى المصرية والرواس اغلى بكتير من دايموند وفى حاجات فى دايموند اغلى
يعنى تيل الفرامل انا جبتة الاخضر من الرواس ب 495 بالضريبة
انما تمنة فى دايموند كان 552 وكان الرصاصى مش الاخضر
انما عندك فلتر الهوا فى الرواس 240 وفالمصرية ب 260 من غير الضريبة
انما فى دايموند ب186 غير الضريبة
البوجيهات ب 112 فى دايموند انما فى المصرية ب 130 وفى الرواس 120
فلتر الزيت فى الرواس ب 60 وفى دايموند ب 54

الزيت الاوتوماتيك بتاخد 5ك لو فضيت من الطبة.. ال8.5 ك دول لو فضيت القربة كمان ..لكن طبيعي 5ك ومفيش فالفولين ولا حاجة هوا زيت اوتوماتيك...
بالنسبة للتيل عندهم هوا التيل الأخضر بس اللي موجود .. مجابوش الرصاصي خالص وسعره 510 بدون مصنعيات او ضريبة...
بالنسبة للخبطة الدخول والخروج وكده اكيد عشان لسه مفيش سيستم اشتغل ومع الزحمة دي اكيد لازم يحصل لخبطة.. بس المفروض تتحل لما يشغلوا سيستم

انا اللي بتكلم عنه دايموند موتورز الرئيسي اللي على طريق مصر اسكندريه الصحراوي قبل بنزينة امارات مصر .. قبل كارفور بشويه

المشاركة الأصلية كتبت بواسطة booda_eng

الزيت الاوتوماتيك بتاخد 5ك لو فضيت من الطبة.. ال8.5 ك دول لو فضيت القربة كمان ..لكن طبيعي 5ك ومفيش فالفولين ولا حاجة هوا زيت اوتوماتيك...
بالنسبة للتيل عندهم هوا التيل الأخضر بس اللي موجود .. مجابوش الرصاصي خالص وسعره 510 بدون مصنعيات او ضريبة...
بالنسبة للخبطة الدخول والخروج وكده اكيد عشان لسه مفيش سيستم اشتغل ومع الزحمة دي اكيد لازم يحصل لخبطة.. بس المفروض تتحل لما يشغلوا سيستم

دا مظبوط انا فعلا التيل اللي ركبلي اخضر وب 510
موضوع زيت الفتيس هوا اللي قاللي زيت فالفولين بتاع الاوتوماتيك انا مسألتوش اساسا نوعه ايه.

موضوع الهرجله واللخبطه ... سؤء اداره وقلة خبره ... بس بردو هما مش لسه واخدين التوكيل امبارح وكمان مصريه بتاع قليوب بيبقى ازحم ومع ذلك ظابطين الاداء شويه عن دول

انا اتمنى انهم يتظبطو خصوصا انهم الخرافي والملا والملا ده بالذات اعرف انه وكيل ميتسوبيشي في الكويت واكيد هيعرف يظبط الدنيا صح الصح

السلام عليكم
أمس 18/10/2011توجهت الي الوكيل الجديد دايموند - الكيلو 28 طريق الأسكندرية الصحراوي
و صلت تقريبا الساعة التاسعة صباحا و كانت هناك إبتسامة عريضة في الإستقبال
و كنت ناوي أعمل الفحص المجاني زائد تغيير زيت الفتيس الأوتوماتيك
فقالوا لي أنت غير حاجز و لكن سنعطي لك دور متأخر يعني بعد ساعتين و نصف فوافقت
و تم عمل الفحص المجاني و كذلك تم تغيير الزيت مقابل 260 جنيها مصريا شامل المصنعية
ولكن للأسف حدث شئ في منتهي الغرابة و السذاجة : أستدعاني مهندس الإستقبال الي العربية فوجدتها مخبوطة بين تنك البنزين و الفانوس الخلفي في مساحة كف اليد و هناك محاولة لطليطها بالدوكو..... و هو في غاية الحزن و انه سيقوم بتصليحها مجانا و قت آخر بس إتصل علي !!!!
و لاحظت أنه يحاول استرضائي حتي أمشي من التوكيل.
و الحقيقة أنني قمت بوصف التوكيل بأنه يشغل عمال في منتهي الجهل و عدم الوعي و الرعونه لأنني رأيت عامل مساعد هو من قام بنقل سيارتي من شباك العرض كما انه ليس هناك في ساحة الورشة شئ يمكن أن تصطدم به . وكنت في غاية الإنفعال و الغضب لدرجة أنني لم أعد قادر علي التفكير.
و قلت لهم أنني لن أذهب اليكم و سوف أخبر كل أصدقائي بعد التعامل معكم .
و بعد أن هدأت أعتقد أنني سوف أتصل بهذا المهندس و أذهب لأصلاح الخبطه من جوه عنيهم.