حمله فحص مجانى لعربيات متسوبيشى فى توكيل دايموند موتورز

**ahmed_bq** · 21-10-2011 01:41 AM

المشاركة الأصلية كتبت بواسطة abtammam

السلام عليكم
أمس 18/10/2011توجهت الي الوكيل الجديد دايموند - الكيلو 28 طريق الأسكندرية الصحراوي
و صلت تقريبا الساعة التاسعة صباحا و كانت هناك إبتسامة عريضة في الإستقبال
و كنت ناوي أعمل الفحص المجاني زائد تغيير زيت الفتيس الأوتوماتيك
فقالوا لي أنت غير حاجز و لكن سنعطي لك دور متأخر يعني بعد ساعتين و نصف فوافقت
و تم عمل الفحص المجاني و كذلك تم تغيير الزيت مقابل 260 جنيها مصريا شامل المصنعية
ولكن للأسف حدث شئ في منتهي الغرابة و السذاجة : أستدعاني مهندس الإستقبال الي العربية فوجدتها مخبوطة بين تنك البنزين و الفانوس الخلفي في مساحة كف اليد و هناك محاولة لطليطها بالدوكو..... و هو في غاية الحزن و انه سيقوم بتصليحها مجانا و قت آخر بس إتصل علي !!!!
و لاحظت أنه يحاول استرضائي حتي أمشي من التوكيل.
و الحقيقة أنني قمت بوصف التوكيل بأنه يشغل عمال في منتهي الجهل و عدم الوعي و الرعونه لأنني رأيت عامل مساعد هو من قام بنقل سيارتي من شباك العرض كما انه ليس هناك في ساحة الورشة شئ يمكن أن تصطدم به . وكنت في غاية الإنفعال و الغضب لدرجة أنني لم أعد قادر علي التفكير.
و قلت لهم أنني لن أذهب اليكم و سوف أخبر كل أصدقائي بعد التعامل معكم .
و بعد أن هدأت أعتقد أنني سوف أتصل بهذا المهندس و أذهب لأصلاح الخبطه من جوه عنيهم.

كل يوم توكيل دايموند بيبين انه لسه بعيد عن الخبره والادارة السليمة لسيارات بحجم اللانسر اكتر سيارة انتشارا في مصر في فئتها وجودتها ... عدم تنظيم وقلة خبرة وعدم وجود الكفائات اللازمه لذلك ... انا عن نفسي بردو شرحت تجربتي المره معاهم ويا ترى هنفول ولا يوم من ايامك يا مصريه ولا يا رواس؟ ولا تعتقدو انهم هيتظبطو؟ خصوصا ان الخرافي والملا اسمين مش سهلين والملا وكيل ميتسوبيشي في الكويت ومعتقدش ابدا ان الكويت فيها العك ده

انا لو منك (مش بسخنك والله دي حقك) تطلب تقابل مدير الصيانة او مدير الفرع كله او اتخن راس فيهم من الاخر وتحاول باي شكل من الاشكال تاخد تعويض محترم (طبعا مش فلوس) خصم كبير اوي او مجانا للمصنعيه او لقطع الغيار او اي حاجه من دي .. ودا كان لازم ساعتها يا باشا .. او على الاقل اطلع على جهاز حماية المستهلك عشان احنا اللي بنخليهم يعملو فينا كده بطيبتنا دي ...انتا متخيل لو فرع اليابان عرف حاجه زي دي هيحصل ايه؟ ولا لو ده توكيل في اوروبا او امريكا؟ لازم بعد 25 يناير نتغير ومنسبش حقوقنا

يعني انا ادخل بعربيتي فابريكه كلها تتخبط في التوكيل وتترش وتخسلها على الاقل في تمنها 5 الاف جنيه من غير ذنب؟؟؟؟؟ ............. مش عايز اقولها بس هيا مفهومه

**booda_eng** · 21-10-2011 07:19 PM

طبعا حقك انك تتضايق و حقك انهم يصلحوها على حسابهم..
وبعدين دا الورشة اصلا كلها عواميد.. عايزة سواق سباق عشان يعرف يعدي بينهم :)
عامتن بسيطة ان شاء الله والعربيات في مصر بتتخبط وهيا راكنة اكتر من وهيا ماشية.. انت بس كلمهم و وان شاء الله كل حاجة تتحل;

**ahmed_elmelih** · 21-10-2011 08:56 PM

انا معايا لانسر 1997 الارنبه وحجزت يوم السبت 29/10/2011 الساعه 4 في فرع الكيلو 21 طريق مصر الاسماعيلية وكنت فعلا عايز اكشف على الماتور بس من كلامكم حسيت ان الموضوع اشتغاله وشكلى هوفر الوقت ده احسن انتم ايه رايكم

**ahmed_elmelih** · 21-10-2011 08:59 PM

انا معايا لانسر 1997 الارنبه وحجزت يوم السبت 29/10/2011 الساعه 4 في فرع الكيلو 21 طريق مصر الاسماعيلية وكنت فعلا عايز اكشف على الماتور بس من كلامكم حسيت ان الموضوع اشتغاله وشكلى هوفر الوقت ده احسن انتم ايه رايكم

**bassem_sams** · 22-10-2011 01:11 PM

المشاركة الأصلية كتبت بواسطة ahmed_elmelih

انا معايا لانسر 1997 الارنبه وحجزت يوم السبت 29/10/2011 الساعه 4 في فرع الكيلو 21 طريق مصر الاسماعيلية وكنت فعلا عايز اكشف على الماتور بس من كلامكم حسيت ان الموضوع اشتغاله وشكلى هوفر الوقت ده احسن انتم ايه رايكم

و الله يا استاذ احمد دى حيرة بعد ما اخوة اعضاء هنا راحوا و منبسطوش و لم يشعروا بالرضا عن خدمه فأخاف تروح تشعر بنفس شىء رغم انى زى ماكتبت فى موضوع صيانه كنت مبسوط بس مصنعيه كانت غاليه فلو حضرتك مش عايز تجرب علشان وقتك يبقى خليك فى مضمون رواس او مصريه و بردوا متنساش تعرفنا انت عملت ايه

**Dawns_Mist** · 22-10-2011 04:10 PM

أول امبارح كنت في فرع المنصورة ...
كنت اتأخرت على معادي تقريبا ساعة فاتصلت بيهم قالولي مافيش مشاكل تعالى في أي وقت ..
على شباك العرض نزلي مهندس سلم عليا و اتكلم معايا بيسألني عن مشاكل العربية معايا ..
قولتله ( الباور سيء جدا جدا جدا و مافيش أي بومه سوقتها كان الباور بتاعها تقيل كده ) .. خد مني المفتاح و دور العربية و جرب .. و قالي لا لا الباور ده ممتاز مافيهوش أي مشاكل ... قولتله يا عم اسمعني أنا سوقت بومه كتير غير دي الباور بتاعهم أحسن من دي بكتير .. قالي لا ماتقلقش ..
قولتله كمان صوت العربية علي من بعد حكه جامده على مطب فانا شاكك إن علبة الشكمان اللي في وسط العربية دي متحركة أو محكوكة أو مخرومه .. و قولتله كمان عايز أشيك على العفشة ..

و قولتله كمان بالمرة عايز أكشف على الشاسيه كمبيوتر هل فيه أي إزاحات أو مشاكل ولا لأ لإن العربية كانت مخبوطه من 6 شهور في الجنب اليمين و خايف يكون فيه حاجة في الشاسيه .. لاقيته بيقولي .. بس ده هياخد وقت طويل أوي و موال .. ده عايز يوم لوحده و إحنا هنا هنقفل كمان ساعة .. قولته ماشي شوف اللي تقدر عليه اعمله .

خد العربية و بعد تلت ساعة تقريبا رجعلي بالتقرير ، بس اللي قرأ عليا التقرير هي بنت شغاله هناك ، المشكلة إنها ماكانتش عارفه تقراه خالص .. فقالتلي بص هو ده اللي المطلوب و ادتني التقرير أوقع عليه و أقراه بنفسي للإنها مش عارفه تقراه ... التقرير بيقول :
العقشة بتاعتي كلها بايظة !!
أيون ( تغيير طقم مساعد أمامي و خلفي ، تغيير بلي عجل أمامي ، تغيير بارة طرف دريكسيون ، مسامير ميزان أمامي ) يا جماعة أنا لسه مشيك على العفشة و مربط عليها ، و لسه مغير طقم مساعدين أمامي من 5 شهور والله زيرو أصلي ياباني .....
و كمان المفروض أغير زيت الباور .. و ماتنساش إنه قالي بارة طرف دريكسيون ... كويس أوي .. يعني أخيرا اقتنع المهندس إني عندي مشكله في الباور
طيب الشاكمان ... مافيش عيوب .. طيب و الصوت ده .. ده طبيعي ...
الأجمل من كده .. المساعد عندكم بكام ... 1080 جنيه .. في حين إنه بره بـ 320 جنيه

و إحنا قاعدين دخلت عربية لانسر شارك .. عايز يعمل فحص زيي كده .. البنت اللي شغاله هناك خدت منه المفتاح .. أولا ماكانتش عارفه الزرار اللي بيوقف الإنزار بتاع العربية فين .. ثانيا ماكانتش عارفه تدخلها في الحته الضيقة المخصصة للصيانه ، و برضه مش عارفه تقرأ التقرير بتاع الصيانة ..

تقيمي لمراكز صيانة ميتسوبيشي حتى الآن ... 4 من 10 و كويس أوي إنهم خدو 4 ... لإن أي مركز صيانة غيرهم بيكون فيه أجهزة أحسن من كده و مهندسين بتفهم أكتر من كده .. و قطع غيار أرخص من كده.

**ahmed_bq** · 22-10-2011 06:24 PM

المشاركة الأصلية كتبت بواسطة dawns_mist

أول امبارح كنت في فرع المنصورة ...
كنت اتأخرت على معادي تقريبا ساعة فاتصلت بيهم قالولي مافيش مشاكل تعالى في أي وقت ..
على شباك العرض نزلي مهندس سلم عليا و اتكلم معايا بيسألني عن مشاكل العربية معايا ..
قولتله ( الباور سيء جدا جدا جدا و مافيش أي بومه سوقتها كان الباور بتاعها تقيل كده ) .. خد مني المفتاح و دور العربية و جرب .. و قالي لا لا الباور ده ممتاز مافيهوش أي مشاكل ... قولتله يا عم اسمعني أنا سوقت بومه كتير غير دي الباور بتاعهم أحسن من دي بكتير .. قالي لا ماتقلقش ..
قولتله كمان صوت العربية علي من بعد حكه جامده على مطب فانا شاكك إن علبة الشكمان اللي في وسط العربية دي متحركة أو محكوكة أو مخرومه .. و قولتله كمان عايز أشيك على العفشة ..

و قولتله كمان بالمرة عايز أكشف على الشاسيه كمبيوتر هل فيه أي إزاحات أو مشاكل ولا لأ لإن العربية كانت مخبوطه من 6 شهور في الجنب اليمين و خايف يكون فيه حاجة في الشاسيه .. لاقيته بيقولي .. بس ده هياخد وقت طويل أوي و موال .. ده عايز يوم لوحده و إحنا هنا هنقفل كمان ساعة .. قولته ماشي شوف اللي تقدر عليه اعمله .

خد العربية و بعد تلت ساعة تقريبا رجعلي بالتقرير ، بس اللي قرأ عليا التقرير هي بنت شغاله هناك ، المشكلة إنها ماكانتش عارفه تقراه خالص .. فقالتلي بص هو ده اللي المطلوب و ادتني التقرير أوقع عليه و أقراه بنفسي للإنها مش عارفه تقراه ... التقرير بيقول :
العقشة بتاعتي كلها بايظة !!
أيون ( تغيير طقم مساعد أمامي و خلفي ، تغيير بلي عجل أمامي ، تغيير بارة طرف دريكسيون ، مسامير ميزان أمامي ) يا جماعة أنا لسه مشيك على العفشة و مربط عليها ، و لسه مغير طقم مساعدين أمامي من 5 شهور والله زيرو أصلي ياباني .....
و كمان المفروض أغير زيت الباور .. و ماتنساش إنه قالي بارة طرف دريكسيون ... كويس أوي .. يعني أخيرا اقتنع المهندس إني عندي مشكله في الباور
طيب الشاكمان ... مافيش عيوب .. طيب و الصوت ده .. ده طبيعي ...
الأجمل من كده .. المساعد عندكم بكام ... 1080 جنيه .. في حين إنه بره بـ 320 جنيه

و إحنا قاعدين دخلت عربية لانسر شارك .. عايز يعمل فحص زيي كده .. البنت اللي شغاله هناك خدت منه المفتاح .. أولا ماكانتش عارفه الزرار اللي بيوقف الإنزار بتاع العربية فين .. ثانيا ماكانتش عارفه تدخلها في الحته الضيقة المخصصة للصيانه ، و برضه مش عارفه تقرأ التقرير بتاع الصيانة ..

تقيمي لمراكز صيانة ميتسوبيشي حتى الآن ... 4 من 10 و كويس أوي إنهم خدو 4 ... لإن أي مركز صيانة غيرهم بيكون فيه أجهزة أحسن من كده و مهندسين بتفهم أكتر من كده .. و قطع غيار أرخص من كده.

ويا ترى بقى البنت دي حلوه ولا وحشه :) بهزر والله يا اداره ... وكمان عايزيين نعمل تقييم مظبوط بردو عن الفرع... مش كده ولا ايه :))))))))))))

**ahmed_elmelih** · 22-10-2011 06:58 PM

المشاركة الأصلية كتبت بواسطة bassem_sams

و الله يا استاذ احمد دى حيرة بعد ما اخوة اعضاء هنا راحوا و منبسطوش و لم يشعروا بالرضا عن خدمه فأخاف تروح تشعر بنفس شىء رغم انى زى ماكتبت فى موضوع صيانه كنت مبسوط بس مصنعيه كانت غاليه فلو حضرتك مش عايز تجرب علشان وقتك يبقى خليك فى مضمون رواس او مصريه و بردوا متنساش تعرفنا انت عملت ايه

شكرا على اهتمامك ياستاذ باسم انا قررت اروح واجرب بنفسى وان شاء الله هنقل ليكم التجربة دية ان شاء الله

**minded** · 24-10-2011 11:55 AM

يا ريت يا شباب اي حد راح الفرع الرئيسي او غيره يكتب رايه في التوكيل
شكرا

**bassem_sams** · 24-10-2011 04:04 PM

المشاركة الأصلية كتبت بواسطة minded

يا ريت يا شباب اي حد راح الفرع الرئيسي او غيره يكتب رايه في التوكيل
شكرا

هو تقريبا قى موضوع ده هتلأقى مجمع لكل اراء اخوة اللى راحوا او اتعملوا مع توكيل جديد كتبوا اللى حصل هنا بس لأمانه لقيت موضوع عن توكيل جديد اخ راح فرع اسكندريه و هحط رابط موضوع علشان اى حد حب يعرف يبقى مجمع هنا و سهل وصول اليه فى موضوع واحد و اتمنى تكون استفدت من تجارب اخوة مع توكيل متنساش بردوا لو روحت تجى تقولنا عملت ايه
http://www.nilemotors.net/Nile/252981-a.html