مجهود رائع
عرض للطباعة
اولا شكرا على المجهود الجبار وربنا يخليك لكل اعضاء اللوجان . بس فى عندى استفسار انا ناوى اشترى اللوجان بس فى شوية حاجات بسيطة زى صوت المتور العالى والسخونة اللى جنب القدم والدبرياج اللى لازم اجيبه للاخر واسعار قطع الغيار ممكن تجاوبنى على الاسئلة دى من فضلك وجزاك الله خير
أهنيك وأشكرك يا أستاذ أحمد على اختيارك للموضوع ده وعلى المجهود اللى عملته و برغم إنى مش عضو نشط ومشاركاتى قليله ، لكن دايما بأهتم بالموضوعات الجاده زى موضوعك وأتمنى كل مشاركات الأعضاء تكون فعاله وجاده واللى ما يقدرش يقدم موضوع متميز زى كده يبقى على الأقل يشجع الموضوعات المميزه الجاده ويشارك برأيه ويكون إيجابى علشان كل عضو اجتهد وتعب على الأقل يعرف إننا بنقدر تعبه وعشان كده أنا بأدعيلك ربنا يجازيك خير و يباركلك ومستنيين منك كل جديد إن شاء الله.
يا شباب اللوجان
العرببية دى فعلا انا مش مصدق اللى اكتشفته فيها العربيه دى ممكن يتملها ريماب للكمبيوتر بتاعها و بشرى لأصحاب الهاف
ممكن يشغلو كمبيوتر الرحلات
هترجم و هرتب الأفكار ان شاء الله و هرفعلكم اللى هخلصه ان شاء الله
ده لينك pdfلطريقة تشغيل كمبيوتر الرحلات حيث تقوم شركة ببيع الكيت كاملا
والفكره بسيطه جدا
ممكن تتعمل بس عاوزه شوية جرأه
و فى microchipبتركب فى اللوحة بتاعة العدادات و انا متأكد انها إن شاء الله موجوده بعدادات العربيات اللى فى مصر و لو مش موجوده هحاول ادور عليها عند بتوع الإلكترونيات
و ععليك و google و ترجم من الرومانى للإنجليزى ثم من الإنجليزى للعربى لو حبيت تفهم الموضوع بالتفصيل
ظ…ط±ظƒط² طھط.ظ…ظٹظ„ ط§ظ„طµظˆط± | ط£ط³ظ‡ظ„ ظˆ ط£ط³ط±ط¹ ظ…ط±ظƒط² طھط.ظ…ظٹظ„ طµظˆط±
أو
manual_de_instalare_cb.pdf - 4.6 MB
ياريت ياحمد باشا ترفع ملف صيانة العربيه اللى معاك لانه مش عندى واللينك بتاعك مش شغال للاسف
لا انا بتكلم على الملف الاولانى خالص بتاع الصيانه الشامله
انت شخص هايل و محترم
موضوع مفيد ومهم جدا
جزاك الله خيراً
الله ينور عليك ياباشا وياريت تعمل وتعطينا اسم الموقع الروسى عشان نحمل هذا الملف ولك كل الشكر والاحترام على المجهود وجزاك الله كل خير
انا حذفته من المضله عندى على العموم هحاول ارفعة على موقع تانى ان شاء الله
عمنا أحمد ...
موضوعك رائع وشرحك أروع ...
بس فيه المشكلة بسيطة إن الصور غير واضحة عندى ...
.بالنسبه لصوت الماتور هيروح عند ما تغير الغير الاول على من 1500 الى 2000 والثانى من 2000 الى 2500 والثالث على 2500 والرابع من 2500 الى 3000 والخامس من 2500 الى 3000 هتجد تقريب مفيش صوت والكلام دا عن تجربة .السخونه بتجيب لبات حرارى وعند اى سروجى بيعزل الحرارة والدبرياش انعم عربية سوقتها فيه دبرياش اخف من الالنترا وفرنا عن تجربه وتجيبو على الاخر بسهوله وبالتعود هتكون عادى وقطع الغيار فى انتشار ومع الانتشار هترخص .
تسلم ايديك على المجهود
و ربنا يوفقك و يباركلك فى عربيتك
شكرا على الموضوع الرائع
يا شباب اللوجان
بعد غيبه طويله جبتلكم موضوعيين زى الفل
الأول هو نجاحى فى تركيب فلتر بنزبن فى اللوجان اللى مافيهاش فلتر بنزين و ده عن طريق تركيب فلتر بنزين عادى زى بتاع اللانوس أبو 20 جنيه و هصور العمليه و هرفها أول ما أخلص منها
التانى انى نزلت البرنامج بتاع الكشف على مكونات السياره و لسه بكتشفه لأنه تقريبا ممكن تبرمج منه ال ecu بتاع العربيه زى ما شفت فى بعض المواقع الرومانيه من قفل السنر على سرعة معينه و عمل الريماب بتاع العربيه
هكتشفه و أرجع أظبتلهكم إن شاء الله بس ينقصنى كابل التوصيل بالابتوب ده اللى هدور عليه و ياريت تسعدونى فى إيجاده البرنامج مساحته تقريبا 11 جيجا و ده تقريبا اللى بيستخدموه فى التوكيل و لكل أنواع الرينو
الى الامام يا بطل
.
حد يسئل وندور جميعا على الكابل والله المستعان.وجزاك الله كل خير
متابع
راااااااااااااااااائع جداااااااااا
جزاك الله خيرا على هذا الموضوع
إخوانى الأعزاء
انهارده أول تجربه ليا فى فك و تنظيف الأيدل و البوابه
1 - نفصل كابل البطاريه السالب
2 - نفك العمه عن طريق فك ال 4 مسامير 10 اللى ماسكين العمه و الموتورو خرطوم الفايز بتاع الزيت
http://store1.up-00.com/Jan12/Dp167633.jpg
3 - و ده خرطوم الفايظ بتاع الزيت اللى راكب فى العمه
http://store1.up-00.com/Jan12/gMR67633.jpg
4 - فك البوابه عن طريق فك الدعامه الحديد من الخلف على اليمين بمفك ألنكيه
http://store1.up-00.com/Jan12/y8n67633.jpg
5 - هنلاقى البوابه خرجت بسهوله مع لف العصا الفبر السئوله عن البنزين هتطلع البواه بسهوله جدا
http://store1.up-00.com/Jan12/0yD67633.jpg
6 - شكل البوابه قبل التنضيف
http://store1.up-00.com/Jan12/ZBD68604.jpg
7 - شكل الأيدل قبل الفك بمامير الانكيه
http://store1.up-00.com/Jan12/2uU68604.jpg
8 - شكل الأيدل بعد فكه و فبل التنضيف و خلي بالكم من الجوان الكاوتش الأسود
http://store1.up-00.com/Jan12/icI68604.jpg
9 - طبعا هباب بعد استخدام 6500كم و طبعا الكلام ده متعملش فى الصيانات بس و لا يهم
http://store1.up-00.com/Jan12/x7q68604.jpg
و على فكره هوا هوا نفس الأيدل بتاع الانوس مافيش فرق حتى فى الفولتيات و مقاس الصباع و بلد المنشأ الميكسيك يعنى لو باظ نجيب بتاع اللانوس و نركبه عادى
10 - و ده بيت الأيدل سواد كاحل
http://store1.up-00.com/Jan12/vXi69631.jpg
11 - الأيدل بعد التنضيف
http://store1.up-00.com/Jan12/8UZ69631.jpg
12 - شوفو اللمعان
http://store1.up-00.com/Jan12/aBM69632.jpg
13 - بيت الأيدل بعد التنضيف
http://store1.up-00.com/Jan12/sZL69632.jpg
14 - و دى البوابه بعد التنضيف
http://store1.up-00.com/Jan12/3p771377.jpg
15 - نركب كابل البطاريه و نعمل أيدل ليرن
http://store1.up-00.com/Jan12/Ug371377.jpg
و طبعا نركب كل حاجه تانى عكس ما فكينا
و نركب كابل البطاريه تانى و نعمل أيدل ليرن و هتلاقوا فرق كبير نتيجة التنضيف و هتحسوا بيه فى اسحب و استهلاك البنزين كمان صوت الموتورو الإحساس بيه
و اللى فعلا هيحس الفرق ده اللى عدى ال 60000 كم هيحس ان عربيته رجعت زيرو
و طبعا الماده المستعمله فى التنظيف wd 40
هينضف و هيزيت و مش هيلم تراب
و بالمره رشوا شويه على مجموعة الإكسراتير هتلاقوا لمسه البنزين نعمت بشكل كبير
جرؤا نفسكم و متخافوش الموضوع سهل جدا و بسيط فوق ما تتخيلوا و لازم يكون معاك طقم مفكات ألانكيه كامل و هوا مش غالى فى حدود 15 جنيه
و ربنا يسهل فى مواضيع فى دماغى كتيره هصورها و هعملها ان شاء الله بس المشكله فى الوقت
ربنا يسهل .
:verygood::verygood::verygood::018A1D~146::018A1D~ 146::018A1D~146:
شابو كبير جداً ليك يا أحمد بيك
و احنا مستنيين أفكارك الجديدة
وائل الشيشيني
جامد جداً الكلام ده يا أستاذ أحمد
بس لو خليت الموضوع فيديو هيبقى أسهل كتير لأن حضرتك بتقول حاجات برضه انا مش متخيلها نظرة لقلة خبرتي بالموضوع
يا قلبك الجامد يا باشا
ده انا اما فكيت فلتر الهواء علشان انضفوا حسيت اني بهدلتها =)))
بجد ربنا يكرمك على المواضيع دي
إن شاء الله هعمل التجربة دى فيديو و أرفعها بس لما أحسن إن العربيه محتاجه و فعلا يا شباب اللى هيحس بالموضوع ده فعلا العربيات موديل 2010 و 2011 بس ال 2010 أكتر لأنها أصلا ماتعملتش قبل كده و هتلاقو الحاجات دى زى الطين و لما تنضف هتحسوا بفرق كبير
و بعدين انتوا عارفين اننا ممكن نعلى العربيه و نوطيها أقصد سرعة السلانسيه يعنى عدد لفات الأر بى إم بدون تدخل الكميوتر بتاع العربيه
اقصد بطريقه يدويه
و ده عن طريق مسمار موجود فى البوابه بس طبعا بلاش تلعب فيه لأنه كده كده مظبط من المصنع على سرعة 600 لفة فى الدقيقه و مش محتاج يظبط
السلام عليكم ،،،
سؤال صغير ،، يعني إيه "نعمل أيدل ليرن" ؟؟؟؟؟
وحوش وحوش يعني ...!!
مش اي كلااااااااااااااااام
الأيدل ليرن ده عباره عن طريقه بنظبط بيها حساس الهواء و سرعة ال أر بى إم على السلانسيه لو مش ثابت
و لما كان معايا اللانوس كنا بنعمله فى عربياتنا علشان نظبط الموتور فى السلانسيه
و بما إن الأيدل كنترول اللى عامل زى الصباع ده هوا هوا بتاع اللانوس
فجربت نفس خطوات الأيدل اللى كنت بعملها فى عربيتى الأولنيه و ٌولت أشوف هل فى تأثير و لا لأ
أنا عندى محستش بتأثير و ممكن يكون كمبيوتر العربيه بيظبط الموضوع ده أوتوماتيكى
بس عملته من باب التجربه
على العموم دى خطواته لو حبيتوا تجربوه
1 - نفل كابل البطاريه و نسيب العربيه 10 دقائق
2 - نقتح الكونتكت 5 ثوانى بدون تدوير و نقفله 5 ثوانى نكرر العمليه دى مرتين كمان
3 - ندوس على الدبرياج و ندور العربيه لمدة 3 دقائق بدون أى أحمال
4 - بعد إنتهاء المده نزود كمان 2 دقيقه بكامل الأحمال (تكييف على أخر درجة بروده و سرعة المروحة الأخيره +شبوره أمامى و خلفى +إنتظار) المهم كل حاجه تشغلها
5 - و بعد انتهاء الدقيقتان نقفل كل الأحمال الأول بعد كده نبطل العربيه
دى طريقة عمل الأيدل ليرن اللى اتعلمتها من قسم الدايو لما كانت معايا
لو حد حابب يجربها فى عربيته يا ريت يقولنا حس بفرق فى هدوء صوت الموتور على السلانسيه و لا لأ
انا بحاول أدور على الطريقة المثلى الخاصه باللوجان بس لسه موصلتش لحاجه:nemoflow::3_3_102[1]:
الله ينور ياباشا على المحهود الكبير و
الف شكر و دة ابلغ رد للى بيقولواا العربية معقدة لمجرد ان عليها علامة رينو
يا استاز احمد انا بشكرك جدا علي المجهود دة و يارب يباركلك في صحتك و في صحة اسرتك . لله الحمد من قبل و من بعد
أحمد باشا .. مش لاقي كلام اعبرلك بيه عن اعجابى .. انا من النوع اللي بوظ كل الاجهزه في البيت وانا صغير عشان اعرف بتشتغل ازاي .. و لما كبرت فكيت و بوظت طل الكمبيوترات اللي عديت عليها ..
الوحش الفتاك اللي جوايا دا بقي قطه لما جبت العربيه و حسيت انى عمري ما ها اعرف فيها اي حاجه
عايز اقولك الوحش اللي جوايا بيسلم عليك و كانك رجعتلي روحى تاني ليا .. انا بموت في المعرفه التقنيه دي و احب اجرب بأيدي و عايز اقولك انك اكتر واحد كسر الحاجز النفسي بينى وبين العربيه واى عربيه ..
انا جايز اسيب شغلتي وافضي للوجان من هنا ورايح
انت هايل وربنا يوفقك ..
عايز بس حاجه مهمه جدا منك ..
الحاجات اللي بنعملها دي واللي انت ناوي تقدمها واحنا نجربها يكون ليها معدلات قبل و بعد التجربه يعني عشان نحس بالفرق
وياريت لو نقدر نقدمها بالترتيب اللي بيتعمل في الصيانه
يعني في صيانه ال5000 بيعملو تربيط للعفشه .. فنعدي علي عفشه العربيه ..
وال 100000 بيعملوا حاجات تانيه وتكون دي الحلقه اللي وراها و هكذا.. دا ها يحلينا مش بس ندعيلك لا دا ها يخلينا ما نروحش التوكيل كمان
روح يا شيخ .. وتعالي بالحلقه التانيه بسرعه :verygood:
جزاكم الله خيرا ... موضوع قيم ... ارجو التثبيت
و هل العربية حتدور لو فكينا الكابلات و لا نوصل بعد العشر الدقايق و لا في حاجة أنا مش فاهمها!!!؟؟؟
معلش أسئلتي كتيرة أنا عارف :oops::oops: