ما أنا عامل حساب الموضوع ده و مخرم الكريب بحيث يدخل الهواء بنسبه بسيطه جدا جدا و دايما ببقى من قتره للتانيه بفتح الشباك سنه صغيره لتجديد الهواء و بقفله تانى
عرض للطباعة
متشكر جدا يا استاذ احمد على طرحك المتميز
كنت بعت رساله خاصه لحضرتك بس الظاهر في مشكله
كنت عاوز اغير البوجيهات وبما ان حضرتك مبتنصحش بngk طب اسم اللي مناسب للعربيه ايه يعني لما اجي اشتريه اجيبو ازاي
شكرا
موضوع متميز
ألف شكر
-
-
ثرومستات الكوعه بتاعة المياه
انهارده يا شباب رحت توكيل ابو رواش الجديد و بصراحه التوكيل نضيف نضافة الصينى بعد غسيله روحت علشام موضوع البروده اللى بتصيب الموتور بتاع عربيتى و انا ماشى على السريع و مهندس الاستقبال قابلنى و استلم العربيه و سألنى عن المشكله قولتله عاوز اغير ثروموستات الكوعه بتاعة المياه قالى مين قال لحضرتك على العيب قولتها عثمان موتورز و انا استنتجتها قبلهم قالى اشرحلى فشرحتله انا عرف العيب ازاى راح كاتب فى ايصال الاستلام الكشف على مؤشر الحراره و قالى الاستلام الساعه 12 الى 1 قولتله ده كتير على الموضوع قالى ربنا يسهل قبل كده المهم قعدت بصراحه المكان تحفه و انا بكتب الموضوع ده دلوقتى و انا قاعد هناك المهمجبت كابيتشينو من كوستاكافيه اه جوه التوكيل و على الساعه 11.30 لاقيت المهندس بينادى على اسمى و سألنى على الرخصه و فواتير صيانه العربيه ادهمله لانى عامل حسابى و شايل ملف صيانات العربيه فى التابلوه
قالى ان الثرموستات هيتغير فى الضمان لأنه فعلا معلق و فاتح على طول و ده اللى بيخللى العربيه بتبرد لما اجى اجرى قولتله انا قولتلك الكلام من الاول مش مشكله و غيرولى مية العربيه بالكامل من جديد و ادينى مستنى العربيه تخرج و بتفرج على سبايدر مان 2 كمان و تمام التمام يا جماعه التوكيل ده خلانى افكر اعمل تريد إن فى داستر و كلمت احمد طعيمه و المفروض انى اقابله بكره و نشوف ايه الموضوه هيبقى اقولكم على اللى حصل ان روحت ان شاء الله
سلام مؤقت
السلام عليكم ورحمة الله وبركاته
الف شكر على المجهود المبذول و أتمنى معرفة أفض نوع زيت فيتيس للسيارة الفيرنا المنيوال
الصور مش باينة يا جماعة هل فى حل ؟
انا عايز اعمل موضوع تنضيف الايديل ؟
شكرا على الموضوع، لكن أنا ميش عارف أشوف الصور، و لو تشاركنا بلينك الملف كله يبقى كثر خيرك.
سؤال سريع لو ينفع، أنا ازاى أغير طرمبة البنزين فى اللوجان؟
تسلم الايادي
مجهود تشكر عليه
صباح الخير لكل الاعضاء الحلوين..انا استلمت عربيتي لوجان 2013 كامله اتوماتيك من حوالي اسبوعين وهي ماشاء الله عربيه ممتازه بس انا عندي مشكله خطيره
عداد البنزين مش بينزل منه ولا شرطه رحت البنزينه مره فولت 20لتر ومره 25 ومؤشر العداد زي ماهو مش بيتحرك ولا بينقص رغم استهلاك البنزين...يعني باختصار انا مش بعرف انا استهلكت اد ايه ومتبقي معايا كام لتر .....................اعمل ايه؟؟؟؟؟؟؟؟؟؟؟؟؟؟
ممكن يا باشا تقولنا على اسم الموقع الروسى دا علشان اقدر انزل المانوال دا عندى بعد اذن حضرتك
او اكتب اسم الرابط بتاع الموقع....اشكرك
* * * * * * * * * *
ممنوع وضع روابط لمنتديات أو مواقع أو أي وسيلة مقروءة أخرى منافسة او غير منافسة دون الرجوع للإدارة
فى حالة تكرار المخالفه سيتم حصولك على إنذار وإيقاف
يرجى مراجعة قوانين المنتدى
م ع 5
السلام عليكم و رحمة الله و بركاته
الى اسرة اللوجان العزيزه يظهر كده هفضل اركب رينو لحد أخر يوم للواحد فى الدنيا دى
من ساعة ما بعت اللوجان الشكل السابق و انا ركبت عربيات كتير و جبت سيمبول اوتو و ركبت فرنا و تيوتا 2007 بتاعة حماياو شوفت النيو صنى و عملت موضوع للمقارنه بينها و بين النيو لوجان و قارنت بينها و بين ال 301 و ركبت ال 301 حتى ال l3 و f3 و قعدت يمكن من شهر 4 الى فاتلحد دلوقتى فى صراعبحاول اشوف حاجه تانى فى حدود السعر اللى معايا حتى شوفت كرولا 2007 استعمال بس برضه لفيت لفيت و رجعت للوجان تانى لدرجة انى كان معايا رينو سيمبول 2010 اوتو و كنت مستريح فيها بس بعتها بعد 4 شهور بالضبط لانى مالقتش اللى كان فى اللوجان فيها من الاخر كده الواحدشكله معموله عمل فى اللوجان و لا ايه
المهم بعد غياب الحمد لله استلمت النيو لوجان من 4 ايام و رخصت امبارح الفئه التالته و هنبتدى ان شاء الله الموسم التانى من اعمل صيانتك بنفسك و إن شاء الله هعمل تقرير مفصل عن كل مسمار فى النيو لوجان من بداية تركيب الفرش مرورا بصيانتهاو تغيير الفلاتر واحد واحده كده علشان يبقى عندنا مرجع لاى حاجه عاوزين نعملها فيها ارجو كذلك ان شاء الله
متابع
ياريت لو تكرمت تقولنا الترخيص اتكلف قد ايه والتأمين تبع أى شركة ؟
وكان ليا بعض لاستفسارات فياريت تتكرم وتجاوبنى عليها http://www.nilemotors.net/Nile/433897-2015-8.html\ ]
ومتشكر جدا
الترخيص 3 سنواتاتكلف كالتالى 830 جنيه ضريبه و 320 جنيه تأمينو 60 جنيه ورق فحصو ترخيص و خلافه و 150 جنيهلمندوب المعرض اللى خلص الرخصة و استلمتها من غير ما يشوفو وشى و فى خلال ساعتين بالكتير و كان معايا لطفايه و المثلث و اشتريت الشنطه بس ب 50 جنيه
أولاً : المرايات الجانبية هل فعلا التحكم بها كهربائيا من الداخل فقط يميناً أو يساراً فقط ؟
التحكم فى المرايات فى جميع الاتجاهات
ثانياً : هل ذراع التحكم بالصوت منفصل عن ذراع المساحات وإن كان نعم فأين مكانه ؟
منفصل تماما عن ذراع المساحات و الطاره و دى صور لشكل الصالون
شاهد بالصور... تقرير كامل عن سيارات رينو لوجان الشكل الجديد 2015 بجميع فئتها فى مصر
ثالثاً : هل فعلا تنك البنزين يفتح من الداخل فقط ؟ وإن كان نعم فهل يوجد طريقة لتعديله ليفتح من الداخل ؟
( تانك البنزين بيفتح من المفتاح و ليس من الداخل بالمفتاح بتاع العربيه فقط وده للأمان )
رابعاً : ما هى وظائف ( الزراير ) الموجوده بالطارة ؟ والموجودة أسفل فاتحة التكييف اليسرى ؟
دى التحكم فى الكروز كونترول و محدد السرعه و اللى موجود اسفل فاتحة التكيف اليسرى تفعيل كلا من الخاصيتين السابقتيين
خامساً : هل فى هذه الفئة ( الثالثة ) يتم ربط الموبايل مع الكاسيت بالبلوتوث وذلك لإجراء واستقبال المكالمات ؟
نعم
سادساً : هل بعد تشغيل السنتر لوك تفتح الأبواب من الداخل ؟ وإن كان نعم فهل هناك طريقة لعدم فتحها من الداخل ؟
نعم تفتح من الداخل و لكن الابواب الخلفيه مجربتهاش لان انا اصلا بعمل زرار الامان بتاع الاطفال
سابعاً : هل فعلا يوجد اضاءة بدرج التابلوه ؟ وهل يوجد حامل أكواب بالخلف ؟
لا يوجد لا اضاءه فى التابلوه و لا حامل اكواب بالخلف
وياريت لو ينفع حضرتك ترفع صورة لمكان زراير التحكم بالصوت ولوصعبة مش مشكلة يكفى سعة صدرك للإجابة على استفساراتى شاهد بالصور... تقرير كامل عن سيارات رينو لوجان الشكل الجديد 2015 بجميع فئتها فى مصر
شاهد بالصور... تقرير كامل عن سيارات رينو لوجان الشكل الجديد 2015 بجميع فئتها فى مصر
متشكر جدا جدا لذوق حضرتك
بس استفسار صغير ( هو مبلغ 320 جنية تأمين )
تقصد بيه حضرتك ايه ؟ يعنى هو ده التأمين الشامل للعربية ولا ايه ؟
وتبع أى شركة ؟
اعذرنى انا معنديش خبره فى الحاجات دى
السلام عليكم
محتاج مساعدتكم ..عايز اغسل الريداتير و اغير المياه الي في العربية
اشتريت منظف ريداتير ..البياع قالي تفضيه فى القريبة و تدور العربية عشر دقايق ..و بعدين تنزل المياه و تحط الميه النضيفة
كنت نفسي اعرف بقى ..ايه الي يتفك عشان الميه تنزل ..انهى وصله او ترومستات ؟
كمان اسمع ان لازم الهوا يتاخد من دورة التبريد..ده يتعمل ازاي ؟
و لكم كل الشكر
لنا عودة قريبة ان شاء الله مع النيو لوجان و اعمل صيانتك بنفسك
مشكوووووووووووور
عزل االأبواب لخفض الصوت الخارجى و اصوات الهواء اللى بتطلع من اماكن المفاتيح فى السرعات و السخونية الخارجية و كذلك عمل عزل حرارى خلف الموتور
http://nileup.com/up/uploads/nilemotors_14360229271.jpg
2 -http://nileup.com/up/uploads/nilemotors_14360231141.jpg
3 -
http://nileup.com/up/uploads/nilemotors_14360234841.jpg
4 -
http://nileup.com/up/watermark.php?s...240694.jpg&p=c
5 -
http://nileup.com/up/watermark.php?s...240692.jpg&p=c
6 -
http://nileup.com/up/watermark.php?s...240691.jpg&p=c
الصور ضاعت من الموضوع. لم تعد تظهر.
تسلم الايادي يا باشا ممكن لو سمحت تديني اسم الموقع اصل الصور ما بتفتحش عندي