موضوع كويس
عرض للطباعة
موضوع كويس
السلام عليكم ،،،،
الأخ أحمد ،،، يا ريت رقم البوجيه و عنوان الشركة
علشان نستفاد و خصوصاً إن العبد لله داخل على صيانة 20,000 كم قريب جداً
و جزاك الله خيراً ...
أنا إتصلت بالشركة و قالولي العنوان في المعادي ، شارع الحرية من شارع النصر " أول يمين بعد محطة بنزين شل ، اللي على ناصيته توكيل فاو، قبل مكتبة المعادي" إحتمال أروح النهاردة و أجيب طقم البوجيهات البلاتينيوم يبقى معايا لحد ما أروح الصيانة إن شاء الله
رقم تليفون شركه التوفيق 25168226
رقم البوجيه bkr6egp
بصراحة الناس محترمة جداً و كلامهم في التليفون ذوق أوي
راااااااااائع ... تسلم ايديك
جزاك الله خير يا أبو حميد ، أنا الحمد لله إشتريت البوجيهات و كمان جبت زيت ليكوي مولي لايت لوف (العبوة الموف)
تفتكر في التوكيل حيرضوا يركبوا البوجيهات دي و لا أغيرها بره أحسن ؟؟؟ هما ما اعترضوش على الزيت قبل كده! يا ريت لو تقدر أو أي حد من الأعضاء يفيدني
و جزاكم الله خيراً
تغيير لمبة الفانوس الخلفى
http://www.nilemotors.net/Nile/310597-a.html
موضوع بسيط يس مفيد
و هو تغيير مساحات اللوجان بمقاس اكبر
كلنا عارفين ان مقاس المساحات بتاعة اللوجان 20
و ده بيخللى المياه بتاعة المساحات بعد ما ترشها على الزجاج بتسيل و ممكن تلطش بعد كده
لكن لما تركب مقاس مساحات 24 فى الطرفين هتختفى المشكله دى تماما
و محدش يقول مش هتركب لانى مركبها عندى تمن المساحه الواحده 12 جنيه
هصورها و هرفعها ان شاء الله
لو ممكن فيديو ليهم وهم شغالين ، يبقى كتر خيرك.
لو لاحظتم فى الصوره المساحه النضيفه بقت أكبر من الأول مرتيين و موضوع التسييل انتهى بمعنى الكلمه و المساحه الغير نظيقه فى الزجاج بقت صغيره عن الأول و غير مؤثره فى الرؤيه و عاور أقولكم ان المساحات دى احسن من اللى نازله فيها و أرخص 12 جنيه المساحه الواحده و على فكره هيا بينها و بين حواف الزجاج حواى 2 سم متر من فوق و لما المساحات بتلم على بعضها بيقى المسافه بينهم حوالى 3 مم يعنى مش بيخبطوا فى بعض
هصورها فيديو أثناء التشغيل و هرفعها ان شاء الله
http://www.nileup.com/uploads/13502016331.jpg
فيديو توضيح لموتور اللوجان المانوال
Dacia - Motor 1.6 MPI 90 CV Superetanol E85 - YouTube
تسلم إيدك على الفيديو، بس أنا شايف لسه المثلث إللي بتتجمع فيه المياه وتسيل موجود، مجربتش تخلي اليمين زي ما هي ٢٠ وتحط ٢٤ في الشمال فقط؟ بيتهيألي ده هيخلي المساحة الشمال تلم المياه إللي هتجمعها اليمين. لو جربتها ياريت تقولي النتيجة.
ألف شكـــر
الله ينور بس مساحات الربر مبتعيش لما تظبط المقاس في مساحات بوش اصلي بتتباع ب50 ولا 60 جنيه الجوز في شارع دمشق اعتقد دول عمرهم الافتراضي اكبر لو الواحد مبيحبش يشتري الحاجة اكتر من مرة
و دى فكره لحماية زراير الزجاج الخلفى من الاتربه
http://www.nileup.com/uploads/13503710911.jpg
موضوع اليوم هو تزويد زيت الفتيس ب إضافه للزيت اسمها oil treatment حاجه صناعه امريكانى خفضت صوت الفتيس و فى نفس الوقت بتحافظ على مكونات الفتيس و ده هيبان من صوت الفتيس فى الفيديو اللى حضرتكم هتشفوه ان شاء الله
و بعدين فى حاجه عاوز اقولكم عليها مش من المفروش لما افك الطبه بتاعة الزيت ان الزيت الاقيه يدوبك يبنقط لانى لما فكيت الطبه مالقيتش حاجه فمتهيألى انه محتاج انه يتزود المهم انا زود الاضافه 150 جرام و الصوت بتاعه فرق زى ما هتسمعوه فى الفيديو فى الدقيقه 11.22
و قولولى ارائكم بعد المشاهده
video 2012 10 31 18 44 27 - YouTube
الله ينور يااحمد باشا والف شكر على المجهود الرائع بس كان عندي تعليق صغير ياريت تصور لنا شكل العبوة ديه وسعرها كام في السوق وتصف لي مكان الطبه بالظبط وهي من تحت السبارة ولا من فوق لانه مش واضح بالضبطةفي الفيديو والف شكر مرة اخرى
الله ينور علي حضرتك انا شوفت الفيديو من نصف ساعة نزلت وفكيت الطبة ملقتش زيت بينزل زودتها زيت فتيس موبيل اخدت 240 ملم يعني ربع لتر وصوت الفتيس فرق لما زودت الزيت
الله ينور استاذ احمد دائما مبدع بس ياريت تفيدنا فين مكان مقياس الزيت قبل ما نفكر نزود لو كان ناقص فعلا
ويفوز باللذات كل مجازف...
السلام عليكم
عايز أفك الفانوس أو وش الفانوس الشمال الأمامي لو ينفع عشان في حته اتكسرت وعايز ألحمها
حد عنده فكرة إزاي؟
فانوس ال 911 ولا فانوس اللوجان :)
ههههههههه اللوجان طبعاً :)
[QUOTE=ahmedeg1;3874572572]موضوع بسيط يس مفيد
و هو تغيير مساحات اللوجان بمقاس اكبر
والله انت فنان :Bravo: وربنا يجازيك كل خير باذن الله انا ناوي اغير جلد المساحات بمقاس اكبر زي حضرتك ما عملت وان شاء الله تجيب نتيجه احسن من الاصليه
السلام عليكم و رحمة الله و بركاته و الله وحشتونى جدا انا بأسف على التأخير و الغيبه و شكرا لجبريل على سؤالك
المهم انا بدأت بموضوع بسيط و سهل و مش مكلف و اكيد كل اللى معاه لوجان بيعانى منه الا و هو التزييق فى المطبات بس الموضوع ده مش من العفشه
ياريت الكل ينزل على الباب الخلفى و هوا مقفول و يضغط عليه لجوه و يقرب ودنه من القايم الخلفى ناحية الرفرف الخلفى هيسمع احلى تزييق و ده هيبان فى المناطق الغير ممهده زى منطقطنا كده وده سببه ان كاوتش الباب العازل لما بيحك فى بعضيه بيزيق و كان لما امسحه بال wd40 كان الصوت بيروح فكان لازم افكر فى حاجه تضيع الصوت ده تماما و متأثرش على قفل الباب و لو جه عليها مياه من الغسيل ما تتأثرش و متأثرش على الكاوتش و تبوظه
الفيديو التالى هيوضح اللى عاوز اقوله بالضبط اسيبكم معاه
video 2012 12 28 15 19 12 - YouTube
استاذ احمد انت خساره فى البلد دى والله انا كنت هاجنن بسبب موضوع التزييق ده وحلاوة الموضوع هو انك حددت سبب المشكله وهو احلى من حلها الواحد كان عمال يفكر عفشه ولا سوست ولا اشحم ولا ايه ......؟
فجزيل الشكر ليك بس انا جربت طريقه ثانيه بعد ما شفت موضوعك كان عندى بواقى شحم ابيض سبراى فقمت غاسل العربيه ومنظفها وحطيت فى بطن الجلد اللى قلت عليها يعنى مابينها وما بين الصاج شويت شحم بسيط كده بطول الجلده من او العربيه لاخرها وفعلا فى نفس المكان اللى بعدى منه كل يوم ولا صوت ولا يحزنزن بس فاضل هاشوف الموضوع ده هينجح قد ايه مع الوقت والميزه ان الجزء الداخلى بعيد عن المياه والتراب اللى ما بين الجلده والصاج ...
جزيل الشكر ليك وفى انتظار ابدعاتك دائما
نورت يا كبير .. ليا عندك سؤال :
الاسبوع الماضى غيرت طقم البوجيهات فى صيانة ال20000 وفوجئت بسحب ضعيف . فرجعتلهم تا و عملت فرقعة هناك راح فكو البوجيهات و ركبو طم جديد رقمو 168 اتنين شمعه ؛ و كان الطقم البايظ رقمو 155 واحد شمعة . و طبعت العربية رجعت زى الاول
فانا عاوز من حضرتك تفيدنا برقم البوجيه المناسب للوجى لو اشتريتو من اى مكان غير التوكيل
الله يكرمك يا جميل و منور بنورك
بص موضوع البوجيهات ده انا جربت ركبت ال ngk البلاتنيوم سعر الطقم 100 بصراحه احسن ميت مره من اللى كانوا فيها و ماكملتش بيهم 5000 كم و ركبت بوجيهات رينو اتنين شمعه بصراحه و من غير مبالغه صوت الموتور هدى بس مش نفس سحب ال ngk و متهيألى بس انا لسه بختبره ان استهلاك البنزين فى البوجيه الرينو احسن يعنى امبارح عملت حوالى 80 كم داخل البلد ب 5 لتر و ده معدل كويس بحموله كامله و داخل البلد هشوفلك رقمه و هكتبهولك و عاوز اقول نصيحه موتور اللوجان افضل بوجيه ليه هو ال 2 شمعه و ده على حسب علمى و تجربتى