ما الفرق بين هوندا موديلات 93 و 94 Ex او Si من حيث الاستعمال وليس الكماليات

**khaled_rafea** · 05-08-2009 11:46 AM

السلام عليكم,
انا عارف ان ناس كتير حتعارضنى فى رأيى ده, بس حقولك ورزقى على الله, انا كنت فى نفس حيرتك, وجبت ex فى الاخر للاسباب دى
كاربيراتير (يعنى بنزين 80 بيماشيها كويس, اعطال اققل وصيانة اسهل, مصاريف اققل فى الصيانة-مفيش كنترول يونت ولا انجكشن ولا حاجة) ده غير ان سعرها ارخص ومعظم الsi مع شباب ومبهدلنها, كمان فتحة السقف صحيح جميلة جدا بس بتعمل بارومة و لو اتكسرت او باظت حتلاقيها غالية اوى, وفى الاخر ربنا يوفقك فى حاجة كويسة و كل شىء نصيب

**goofy301** · 11-08-2009 11:58 AM

المشاركة الأصلية كتبت بواسطة khaled_rafea

السلام عليكم,
انا عارف ان ناس كتير حتعارضنى فى رأيى ده, بس حقولك ورزقى على الله, انا كنت فى نفس حيرتك, وجبت ex فى الاخر للاسباب دى
كاربيراتير (يعنى بنزين 80 بيماشيها كويس, اعطال اققل وصيانة اسهل, مصاريف اققل فى الصيانة-مفيش كنترول يونت ولا انجكشن ولا حاجة) ده غير ان سعرها ارخص ومعظم الsi مع شباب ومبهدلنها, كمان فتحة السقف صحيح جميلة جدا بس بتعمل بارومة و لو اتكسرت او باظت حتلاقيها غالية اوى, وفى الاخر ربنا يوفقك فى حاجة كويسة و كل شىء نصيب

كلام مقنع جداً وعملى لأقصى درجة.......

**SAMEH_FOUAD** · 16-08-2009 04:48 PM

شكرا جدا ليك ولذوقك فى الكلام واحنا كلنا اخوات وبنساعد بعض ياستاذ حمدى

انا مش هاقدر افيدك فى حكاية التكيف لانى معايا sir وبيختلف عن الsi فى القوة ,لكن بردة اللى اعرفة انها تكيفها كويس بس لما تكون مظبط الكويل ومنظفة ومنظف السربنتينة والكمبروسير بيقى حلو خلاص هتلاقى ان شاء الله تكيف ممتاز ,
حكاية السحب طبعا مافيش كلام العربية سريعة جدا وهادية ,وبتوصل ل220 كيلو ,والتكيف مش بياثر عليها الا بنسبة ضعيفة جدا وبتبان بس فى الاول والتانى شوية وبعد كدة مابتحسش بفرق نهائى ,كل دة عن الsi والاتوماتيك بتاعها اربع سرعات مع نقلات ds للجرى يعنى العربية مابتفصلش فية
العربية واطية ودة مش عيبها دة عيب شوارعنا ,لكن طول مانت مش ركب غير واحد بس ورا مش بتوطى لكن اكتر من واحد بتوطى ,وممكن تتحل انك تغير السوست بتاعة العربية وتجيبهم اعلى شوية من غير ماتركب علايات

حكاية بقالها شغالة 15 سنة الهوندا هاتعرفها بعد كدة لو ربنا وفقك وجيبتها هاتركب الحاجة وبتنساها طالما جيبتها
اصلى ,ومالكش دعوة بعمر التشغيل ,عشان عربيات 2009/2008 بيعطلوا على الطريق وفيهم عيوب رغم الصيانة الدورية فى التوكيل ,
اهم حاجة بس زى ماقولتلك الحاجات اللى انا قولتهالك فى الاول تاخد بالك منها ,واى حاجة تتحل ان شاء الله طالما بعيدة عن بودى السيارة ,