ما الفرق بين هوندا موديلات 93 و 94 Ex او Si من حيث الاستعمال وليس الكماليات

**goofy301** · 17-05-2008 01:15 AM

سلام الله عليكم جميعا ورحمته وبركاته...
ارجو من السادة خبراء الهوندا الافادة عن الفرق بين الهوندا 1500cc ex و 1600cc si من حيث الاستعمال ... بمعنى الراحة فى الاداء و معدل استهلاك البنزين وده مهم قوى اليومين دول ونعومة الموتور و قوة السحب والعزم من الناحية العملية ... وليس نظرياً ...يعنى كاول سيارة لى هل هاشعر بالفرق ان وجد ولا لأ...حيث ان الفرق فى السعر يتراوح مابين 5000 الى 10000جم فهل يستحق؟

**goofy301** · 18-05-2008 08:33 PM

ايه يا جماعة ماحدش عايز يعبرنى ليــــه..................

**link7200** · 18-05-2008 10:27 PM

انا معايا 1600 si بصراحه العربيه 100 100 كفايه انك راكب عربيه 1600 سىسى
و 130 حصان
اما معدل استهلاك الموتور 250 ك فى الصفيحه ( وحاسس انها بتاكل بنزين)
و قريبه من الارض و انجكشن
اما ال 1500 كاربرتير بيقولم 110 حصان بس هى 106 حصان
الفرق بينهم 5 او 10 الف ( مستحيل) اوا نت بتقارن 1600 حلوه قوى ب 1500 مهلوكه قوى
العربيه دى اوعى تجيبها لو حالتها وحشه علشان تشترى دماغك
لو عايز تركب اركب 1600 و يسلام لو اوتوماتك ( لو غاوى شد و جرى هات مانيوال)

**tamerawaja** · 31-07-2009 03:15 PM

فعلا الsi 1600انا معايا واحده تحفه مانيوال عربيه قويه جدا و عزمها تحفه بس تفليها الاول قبل ما تشتريها نصيحه

**SAMEH_FOUAD** · 31-07-2009 09:33 PM

الفرق بين السيارتنين فى الاتى:

1:عفشة رياضية لل si مقابل عفشة عادية ex
2:الsi ديسكات ورا مش طنابير زى الex
3:ماتور 2 كامة انجيكشن 1600 سى سى 130 حصان وعزم 18.5 كيلو على المتر مع وحدة كمبيوتر ecu للسيارة ,ماتور 1500 سى سى بيخرج 102 حصان كامة واحدة علوية ,كربراتير
4:فتحة سقف ومرايات كهرباء ,واربعة زجاج كهرباء ,وسنتر ,مع وحدة تكيف اقوى دة للsi الex مافيهاش فتحة سقف ,لكن فية منها فية ازاز كهرباء بس مش كلها وكذلك الحال للمرايات مش هتلاقيها كهرباء ,فى كل الموديلات ,بس الاكيد انك مش هتلاقى ex بفتحة سقف ابدا الا لو هو عاملها ودية ابعد عنها نهائى
5:الفتيس اتوماتيك فى الاتنين ,وبردة فية مانيوال فى الاتنين ,بس نادرا ماهتلاقى si مانيوال

السعر للsi بيبدأ من 45 حالة تعبانة ,وبينتهى الى 50 الف حالة جيدة جدا ,و52 حالة ممتازة
سعر الex بيبدا من 38 حالة تعبانة و43 الف حالة جيدة

عشان تختار صح اهم حاجة ماتكونش رشة جوة ,شوف القوايم ,وشوف الاستيكر اللى موجود عند القايم بتاع السواق ,لازم تلاقية ببرشمتة وعلية موديل العربية وخليجى ولا اوروبى ,على فكرة هية عبارة عن صاجة حديد بلون العربية ,مكتوب فيها كل حاجة عن العربية ,تانى حاجة فية عندك لون العربية الخارجى ولون فرش الصالون الاصلى ,ودة فى استيكر لوحدة بس من القايم من جوة ,تالت استيكر هتلاقى مكتوب علية ضغط الاطارات ووزن العربية ,
اتاكد على ارقام الكارتيرات من جوة الكبوت من على الاجناب الامامية هتلاقيهم اربع ارقام يعنى مثلا 0000 والشمال 0002 هتلاقيهم زى بعض ماعدا اخر رقم هتلاقية سابقة بنمرتين
شوف الحوض كويس جدا واتاكد انة مش راشش ,شوف علبة الدركسيون والباور ,والمقصات ,والفرامل ,وحالة التابلوة والفرش الداخلى والصالون عموما ,وحاول يبقى التابلوة نظيف ومش متشقق او مكسور,
طبعا اتاكد ان الماتور كويس وامشى بالعربية كتير ,واقرص عليها وشد واجرى وفرمل جامد وبراحة كل دة هيفرق معاك بعد كدة
وربنا يوفقك
البنزين على فكرة فى ال1600 بيوفر عن ال1500 عشان انجيكشن ,وقطع الغيار الsi اغلى طبعا وبفرق واضح كمان ,بس بتعمر اكتر والاتنين هوندا بردة واى حاجة انا والاخوة الاعضاء فى الخدمة

**marsguy** · 03-08-2009 07:26 PM

المشاركة الأصلية كتبت بواسطة hamdymsr

الله عليك وعلى نصايحك الغالية وشرحك الجميل بجد انا حبيت العربية دى من كلامكم عليها الواحد بس خايف من حاجة واحدة ان العربية واطية على الأرض وشواع القاهرة معروفة اصلها مطبات وطلعلها شارع...

عندى استفسار بعد اذن الإخوة ... العربية مع التحميل بتكون عاملة اية فى ارتفعها عن الأرض والسحب على الطريق وخلافةواداء التكييف عامل اية فى الجو اللى احنا فية ده مع العلم ان العربية لو موديل 94 هتكون شغالة بقالها عمر لا يقل عن 15 سنة .

للأسف العربيه بتكون واطيه جداً لو ركبت حد ورا

وده السبب الرئيسي اللي خلاني أبيعها

التكييف مش جبار، ويقال إنه مش قوي أوي في الموديل ده عشان السربنتينه صغيره

سربنينة التكييف في السيفيك 92-95 واخده نص مساحة الصدر والرادياتير واخد النص التاني، لكن في ال91 سربنينة التكييف واخده مساحة الصدر كله.

نصيحه جيب العربيه دية بس لو حالتها ممتازه وما تقبلش بأقل من كده

ماتقولش هاجيب عربيه عاوزه شوية شغل وهاعملهم بعدين، عشان الشغل في العربيه دية ممكن يكلف كتير أوي

ربنا يوفقك

**Hamdy Masria** · 03-08-2009 07:51 PM

المشاركة الأصلية كتبت بواسطة marsguy

للأسف العربيه بتكون واطيه جداً لو ركبت حد ورا

وده السبب الرئيسي اللي خلاني أبيعها

التكييف مش جبار، ويقال إنه مش قوي أوي في الموديل ده عشان السربنتينه صغيره

سربنينة التكييف في السيفيك 92-95 واخده نص مساحة الصدر والرادياتير واخد النص التاني، لكن في ال91 سربنينة التكييف واخده مساحة الصدر كله.

نصيحه جيب العربيه دية بس لو حالتها ممتازه وما تقبلش بأقل من كده

ماتقولش هاجيب عربيه عاوزه شوية شغل وهاعملهم بعدين، عشان الشغل في العربيه دية ممكن يكلف كتير أوي

ربنا يوفقك

اشكرك استاذ محمد على نصايحك الغالية وربنا يوفق بإذن الله

**marsguy** · 04-08-2009 11:23 AM

لا شكر على واجب يا باشا

ربنا يكرمك

**ahm128** · 04-08-2009 02:12 PM

هى فعلا سيارة رائعة جدددددددددددا بس زى الاخ مانصح لازم تكون نظيفة جدددددددددددددددا

-

الموضوع: ما الفرق بين هوندا موديلات 93 و 94 Ex او Si من حيث الاستعمال وليس الكماليات

LinkBack

أدوات الموضوع

عرض

-

-

-

المواضيع المتشابهه

ايه الفرق الكماليات بين الاوبترا الاوتو والعادى

الفرق بين موديلات A5

يا جماعه ايه الفرق بين هوندا السيفيك ال3 موديلات

يا جماعه ايه الفرق بين هوندا السيفيك ال3 موديلات

يا جماعه ايه الفرق بين هوندا السيفيك ال3 موديلات

الكلمات الدلالية لهذا الموضوع

المفضلات

المفضلات

ضوابط المشاركة