عمرة ولا شمبر

**ggaamm** · 07-10-2011 05:57 PM

السلام عليكم ورحمة الله وبركاته

ياشباب أنا معايا مازدا 323 موديل 85 1600
وكان معايا مشكلة فى الموتور وهى أنه بقى يطلع بخار مزيت كده من الفتحة اللى فوق وش الموتور ... سألت الميكانيكى اللى بتعامل معاه قالى لا ياباشا كده المكنة بدأت تخف والكلام ده من سنة تقريباً

تلف الأيام وتدور وأنا بعمل حسابى على موتور جديد فروحت لواحد قالى هى مالها المكنة عندك
قلتله بتطلع زيت وكده .. قالى الزيت عندك بيتقص قلتله لأ كل مرة بغير زيت بينزل كامل وكمان المقياس ثابت لأنى عملتله علامة عشان أعرف الحوار ده

قالى طيب سحب العربية كويس قلتله معرفش أنا مركبتش يبانى قديم قبل كده وأنا أصلاً ماركبتش غير زيرو من ساعت ما أتعلمت السواقة فمعرفش !!!!

راح قلى طيب دور كده ... وفضل ينخور شوية كده فى الموتور .. فضل يزود ويقرص على الموتور وبعدين راح قالى مين اللى قالك عاوزة عمرة
قلتله فلان .. قالى ياباشا الموتور سليم أن كل اللى عندك مشكلة فى جوان مش عارف ايه كده لدع من السخونة وبقى يهرب زيت .. قلتله طيب ما الزيت مش بينقص قالى عادى لأن النقص ممكن ماتاخدش بالك منه لأنه بيكون قليل

سألته عرفت أزاى انه شمبر مش عمرة قالى المكنة عندك ناعمة ومرتاحة !!!
قلتله ايوه يعنى ايه الكلام اللى فيه أحاءات ده ؟؟

قالى لو عمرة كنت هتسمع خبط ورزع فى الموتور كأن الصاج بياكل فى بعضه وكمان الموتور مايتظبطش

فأنا بقى بعد الحوار الطويل ده كله عاوز اعرف هل عمرة ولا شمبر !!!

طيب اعرف ازاى أفرق إذا كان عمرة أو شمبر ؟؟

يريت حد يساعدنى لأنى خلاص كنت بخلص فى موتور 1600 جديد تحسوه زيرو لو شفتوه

أنا بفكر حتى لو شمبر اشتريه واخليه للزمن بجد تحفه
ههههههههههههههههه

منتظر ردودكم ويريت ماحدش يبخل عليا بالمعلومة

**ggaamm** · 12-10-2011 02:54 AM

ايه يارجالة أماال أسيب هنا وأسأل مين ؟؟؟؟؟

**himaz** · 12-10-2011 03:56 AM

روح لنبيل مازدا فى القلعة
وهو يقولك ايه النظام

بس من كلامك الموتور شكله سليم

الموتور ال 1600 ده سعره لقطة يعنى ولا ايه ؟
وماشى كام كم ؟
واوتو ولا مانوال

**ggaamm** · 13-10-2011 01:42 PM

المشاركة الأصلية كتبت بواسطة himaz

روح لنبيل مازدا فى القلعة
وهو يقولك ايه النظام

بس من كلامك الموتور شكله سليم

الموتور ال 1600 ده سعره لقطة يعنى ولا ايه ؟
وماشى كام كم ؟
واوتو ولا مانوال

تسلم ياحبى على الرد والإهتمام

بس للأسف أنا مش فى القاهرة .. بس على كده أنا لازم أعدى على ميكانيكى وأتنين تانى كمان

وبالنسبة للموتور فالعرض من البائع كان فى أنه هيطلع الموتور القديم وياخده بعيبه وينزل الجديد بدون فتيس وهياخد باكو فى العملية شاكب راكب على كده وعلى تجربة :)

بصراحة يابلاش أغرانى العرض خصوصاً لما شوفت الموتور

بس سعر الموتور لو هتشتريه شرا بالفتيس يخلص على 2800 قول 3 بالنثريات والذى منه ... لو مهتم أنا ممكن أبعتلك على مكانه وإسمه وكده

**himaz** · 13-10-2011 02:11 PM

المشاركة الأصلية كتبت بواسطة ggaamm

تسلم ياحبى على الرد والإهتمام

بس للأسف أنا مش فى القاهرة .. بس على كده أنا لازم أعدى على ميكانيكى وأتنين تانى كمان

وبالنسبة للموتور فالعرض من البائع كان فى أنه هيطلع الموتور القديم وياخده بعيبه وينزل الجديد بدون فتيس وهياخد باكو فى العملية شاكب راكب على كده وعلى تجربة :)

بصراحة يابلاش أغرانى العرض خصوصاً لما شوفت الموتور

بس سعر الموتور لو هتشتريه شرا بالفتيس يخلص على 2800 قول 3 بالنثريات والذى منه ... لو مهتم أنا ممكن أبعتلك على مكانه وإسمه وكده

تسلم ياكبير
لا مش مشكلة انا بس حبيت اعرف كدة لمجرد المعرفة

ربنا يكرمك ويبقى موتور تمام واهم حاجة اتفق معاه اى مشكلة هتروحلو فيها على الاقل ف اول فترة تجربة