موضوع مهم عن 93

**wellfine** · 11-10-2011 10:00 AM

تحياتي لكل اعضاء المنتدي
انا كنت ماشي علي طريق الدائري علي يمين والله و جت عربيه سيفيك 2009 او 2010 و هى العومت و دخلت فيه فى العجل الشمال عندي و الحمد لله علي كل شئ
بالنسبه للجسم العربيه كل الفيها رفرف شمال بس
بالنسبه للعفشه و هو ده المهم
1) مقص شمال علوي
2) شمعدان شمال

المهم شلت العربيه علي ونش و رحت بيها الحرفيين و غيرت كل الكلام ده و بعد كده مشيت بالعربيه طبعآ الزوايا فى الملوخيه, روحت للبنزينه عشان الزوايا

1) بنزين FBI الفى طريق الدائري بتاع المطار و قال ( ان المقص الانت مركبه ده غلط)
قولت ده اكيد بيهيسسسسسسسس

2) بنزين الوطنيه القدام City Star ( وخرف فى العربيه و عمل نفسه ابو العرف) و بعد مخلص اخد اي مطب هواء الاقي نفسي برقص رقص.

3) واحد تاني الفى عمارات العبور ( قالي اغير كل الجلب الفى العفشه الخلفيه و ارجعله تاني عشان يعملي زرجينه قدام بس فى العجله اليمين مش الشمال مع ان الحدثه فى الشمال)

المهم روحت للحرفيين و غير كل الجلب فى العفشه الخلفيه و عملت 900 جنيه و مصنعيه 200 جنيه, فسألته عن واحد بتاع زوايا فى الحرفيين وصفلي واحد اسمه إسكندر, المهم روحتله و قالي حاجه غريبه ان المقص الشمال العلوي ده مقص يمين مش شمال و عشان كده الشمعدان كل مقلوب لقدام و كل القراءات غلط
رجعت تاني للعفشجي وجبت مقص تاني بس المر ده مظبوط و غيرت معاه المقص اليمين السفلي العدل قلت بالمره بقي
و خرجت من عنده المهم الرقصه الفى المطب الهواء قلت بنسبه 60% بس له موجوده و روحت لبتاع الزوايا تاني قراءات الزوايا القدام و الخلفي 0 زاي المصنع هو قال كده بس قال العجله يمين رجعه 2 cm قولتله إزاي انا مغير المقص مش مستعدله

انا إتفقت مع المنسق للهوندا م/ سمسم علي مقابله يوم الجمعه و هو هيجربها بنفسه و إن كان فى مشكله هنروح للميكانيكي الفى المعادي

سنوافيكم بالتفاصيل......................

**wildwest100** · 11-10-2011 10:57 AM

حضرتك جبت الجلب اللى وراها كلهاا تايوانى ولا اصلى وجبتهم منين وياريت الاسعار معلش طولت عليك

**wellfine** · 11-10-2011 02:20 PM

الحاجه كلها جبتها من توشكي الفى الحرفيين
1) فى العفشه الخلفيه 2 شداد علوي و 2 شداد سفلي واصغر من العلوي ( 400 جنيه)
2) فى عدد 2 جلب فى كل مقص يعني 2*2 و عملين كلهم 160 جنيه (ياباني)
3) 2 جلب المقص بس ( قبل العجله) (الجلبه الكبيره) 140 جنيه الاتنين بس كانوا تايوان ( قالي انت جنطك 15 ممكن تمشي التايوان معاك)
4) المقص الامامي شمال علوي (140 جنيه) إستراد
5) المقص العدل السفلي شمال ( 150 جنيه) إستراد

**SAMEH_FOUAD** · 11-10-2011 02:39 PM

امين اذيك ياباشا عامل اية الاخبار ياحبيبى يارب تكون بخير

هو انا زى ماقولتك مشكلتلك مابقتش فى العفشة مشكلتك تنحصر فى حاجتين فقط لاغير

1- اكس الكوبلن

2- الجنط نفسة ممكن يكون اتلوح خفيف

وربنا يسهل وانا بحاول والله افضيلك نفسى عشان نظبطلك الليلة

وخير ان شاء الله