الموضوع: هل كبرت على المكان إللي بتشتغل فيه؟

يا سبحان الله .. انا كمان بفكر دلوقتى فى نفس الموضوع

الشغل بقى مش بيطور الواحد خالص ... بقى موضوع روتينى بحت

بس انا شايف الواحد لسه صغير على موضوع القعدة ومفيش جديدة يتعلموا

لو الشغل مش بيديك خبرة يبقى لازم انت تطور من نفسك

لأنك لو مطورتش من نفسك يبقى ولا خبرة ولا مهارات يبقى سعرك فى السوق هايقل وعمرك ما هاتسيب الشركة اللى انت فيها

دلوقتى بإيدك الاختيار لكن كل ما تكبر الموضوع بيبقى صعب جدا

انا رأى طور من نفسك ابتدى دور وماتروحش غير شركة اكبر من اللى انت فيها او زيها وطبعا يبقى فى صلاة استخارة


يا استاذ كريم حاجة حلوة ان الشغل يشجعك انك تاخد كورسات وشهادات دى حاجة ليك انت لو الشركة اللى انت فيها مقدروش فأكيد فى شركات هايقدروا ده

مش لازم تاخد فلوس قصاد الشهادة وقتى .... الصبر ثم الصبر

والله فعلا الامر محير جداً ! ومع كل هذا فأننى ارى وكما اشار بعض الاخوة لابد وان يتم حساب الامر برمتة ( حزمة واحدة ) فلا يصح ان تهتم بجانب على حساب الاخر ، خاصة للمتزوج ويعول فى بعض الاحيان يتنازل عن جزء من طموحاتة من اجل العيش وعيشة الاولاد ، خاصة الظروف المحيطة بنا فى مصر لاتدع لك اى تفكير فى تطوير او مجازفة غير محسوبة تؤثر عليك او على بيتك
ولكن انا مع الراى الاخر الذى ينادى بتطوير نفسك شخصياً لتكون مستعد فى اى وقت للرحيل ان اجبرت عليه ومعك اسحلتك القوية من علم وخبرة وتجربة عملية
مش مهم انك تستفيد من حصولك على دورة تدريبية او شهادة 00 برفع اعلى فى المراتب ولكن لاتضمن ما تخبئة لك الايام فأغتنم فرصة فراغك بدراسة فى مجالك تفيدك بأذن الله وتنمى من قدراتك ، ولا اعتقد اننا مهما علمنا فلن نبلغ منتهى العلم
ولكن لاتترك العمل وانت عليك التزامات كبيرة ويجب ان تغتنم وجود فى هذه الشركة وادخار بعض الشىء لتقلبات الايام فدوام الحال من المحال والامور تتغير فى لحظة فلا تغتر بها
اما سفرك للخارج فلا انصحك به فهو بلا مستقبل محدد وان كنت تتقاضى بعض الدخل المرتفع ولكن على حساب اشياء كثيرة من الصعب فى بعض الاحيان قبولها
وبالتوفيق واعانك الله على ما انت فيه

المشاركة الأصلية كتبت بواسطة goodwave

السلام عليكم

اولا أتمنى أكون حطيت الموضوع في مكانه الصحيح ... يعني المنتدى الإجتماعي ولا المنتدى العام .... المهم أتمنى إنه يكون موضوع مفيد للمناقشة والإفادة ولا يكون كما وصفه أخونا كريم (cryptonx) واحد من مواضيع العك الإجتماعي:)

وبما أن المنتدى هو واحد من أهم المتنفسات لي ويمكن للكثير منا فحبيت انفس عن نفسي وأدخل معاكم في نقاش او إستطلاع رأي او حوار عن مشكلة بتؤرقني منذ فترة وبتلح عليا مؤخرا.

+++ هل كبرت على المكان إللي بتشتغل فيه؟ ++++++++

مش علرف لية إخترت العنوان ده بس إللي جه في بالي وقت الكتابة ..... ليس المقصود بكبرت هو التعالي على العمل ولكن معناه ان الإمكانيات والقدرات والطاقة الموجودة أكبر من مكان العمل..... أن رب العمل غير قادر على إستيعاب هذة الطاقة وتوظيفها في مكانها السليم ..... أن عدد ساعات عمل كثيرة تتحول إلى روتين وتصفح صفحات النت ..... أن القدرة الإنتاجية قليلة وما باليد حيلة وإذا كان صاحب العمل راض عما توصل إلية من جمع الأموال ولا يريد الرقي أكثر ..... انك تسعى بنهم للوصول إلى حلول ولكنك تواجه الباب المسدود وهو الوقوف "محلك سر".... أنك تسعى وراء الكورسات والشهادات والخبرات النظرية ولكن للأسف لا تستطيع التطبيق!

كل هذا وتعمل مع أجانب ومرتب مجزي والحمد لله والاسم شركة ملتي ناشونال ..... ولكن لا جديد! فماذا تفعل؟؟؟؟
ساعات عمل محددة + لا يوجد ضغط شغل!
والله المستعان

بص يا باشا أنت فعلا جيت على الجرح
الموضوع فعلا مش موضوع فلوس موضوع فلوس وبس لكن ان الواحد يحس أنه add value وده قليل أوى فى مصر
أنا بفكر فى نفس الموضوع ده اليومين دول و طاحن نفسى فى مذاكرة شهادة أمريكية تكلفتها بتمن عربية 128 بس المشكلة فعلا انى مش هعرف أطبق منها حرف الا اذا غيرت الشركة الى شركة صناعية عالمية لأن نظام الشركة لا يصلح للتطبيق وعلى الجانب المادى الحمد لله المرتب معقول على أساس الواحد مش متجوز و معندوش عيال
وتيجى تفكر فى التغيير تلاقى الwork enviroment اللى انا فيه كويس وصعب تلاقيه برة

أنا هتجنن بسبب الموضوع ده

والله مش عارف أقول إية ولا إية..... المشاركات زي الفل والأخوة ليهم نصائح غالية ... بس على رأي المثل ... جبتك يا عبد المعين ....!

يعني الحال مش حالي لوحدي ولكن حال ناس كتييير غيري.... الحمد لله إني مش مجنون ولا مغرور ولا بتبطر على العيشة .... لأن كل دي صفات بسمعها من الوالد او الوالدة لما بطرح الموضوع قدمهم ويقولو "يا أخي إحمد ربنا ده في غيرك مش لاقي"

طيب ما الحمد لله موجود والرضا موجود بس الطموح بردة موجود! وزي ما بعض الأخوة قال السن بيتقدم ومع التقدم في السن بيقل سعر الواحد في سوق العمل وبتنمو جذوره في المكان إللي هوا فية وبيصبح من الصعب بل المستحيل التغيير.

طيب سمعنا اراء المحتارين الغلابة زي حالاتي.... طيب مفيش حد كان عنده الشجاعة الكافية إنه ياخد خطوة إيجابية لتغيير الوضع؟ لو فية ممكن يحكيلنا عن تجربته؟

وطبعا لسة اباب مفتوح للي بيعاني من نفس المشكله ... وأحب اقوله Welcome to the Club... :)

المشاركة الأصلية كتبت بواسطة casber

بسم الله ما شاء الله
انا نفسي اكمل فى مكان سنتين
ايوا 2 سنة
انا اكتر مكان قعدت فيه سنة ونص
انا من ساعة ما اتخرجت لحد دلوقتى اشتغلت تقريبا فى 5 اماكن
والشغل الاخير بقالى فيه 3 شهور وفكرة انى اسيبه قائمة وبتلعب جامد فى دماغي
الحقيقة مش عارف ايه السبب
يمكن بمل بسرعه من المكان
يمكن من طبيعيه شخصيتى اللى مش بتحب المشاكل ، فاول ما تواجهنى مشاكل فى الشغل باقوم سايب الشركة واروح شركه تانية على طول

نفسي بجد استقر فى شغل يريحنى

علي فكرة يا م\ محمد....الكلام ده مش كويس..كثرة التنقل بين الوظائف غير صحي علي الاطلاق...لانه بيثير الشك للشركة اللي انت رايح تقدم فيها...ايه اللي يخليك تنتقل بالسرعة ديه؟ هل بسبب مشاكل انت بتعملها؟؟هل بسبب انك مابتحبش الشغل؟؟؟كل ديه اسألة بتظهر لما يلاقوا في الCV كمية التنقلات ديه في فترة زمنية صغيرة

الواحد ممكن يتنقل كتير في بداية حياتة...أي أول سنتين تلاتة لكن بعد كده الواحد بيهدى و يبتدي يستقر في مكان واحد و مايفكرش ينقل قبل 7-10 سنين

الاخ casber

تعليقا على كلامك أحب أسوق لك مقولة إنجليزية شهيرة

"A rolling stone gathers no moss"

وبالبلدي هذة الحكمة معناها ان الشخص لا يستطيع الحصول على خبرة إذا إستمر في التنقل من مكان لأخر في فترات قصيرة.