الموضوع: بتمسك الدريكسيون ازاي ؟؟؟

المشاركة الأصلية كتبت بواسطة sammor_28

بشوف ناس كتير (شباب طبعا) بتمسك الدريكسيون بتناكة غير عادية وبيكون تقريبا نايم علي الكرسي الي جمبه ورافع ياقة البولو شيرت ولابس سلسلة ومشغل الكاسيت وعمال يهز في دماغه او في رقبته تحديدا (قفاه واجعة من الي بيشوفه)

وفي واحد تاني بردو أليط اوي وماسك الدريكسيون بطرف ايده وبردو مميل بس المرادي علي فرش الباب (تقريبا بيلمعه) وغالبا يا أما ماسك دقنه (بيشوفها طلعت قصدي طولت ولا لسة؟) يا أما بيقرقض في ضوافره او حاطط صباعه في بقه زي الأطفال (غالبا بيبقي نسي يلبس البامبرز وهو نازل) ويا سلام لو حب يطلع من واحد او يلف بتلاقي الباور لذيذ اوي فايده

ههههههههههههه
جامد جدا اسلوب حضرتك وتعليقاتك والله
انا كمان بتخنق جدا جدا من اساليب مسكه الدركسيون الغريبه اللي بشوفها في الشارع
مافيش احلى من طريقه جدو في السواقه

ربنا يخليك وشكرا علي مرورك

صدقني والله كل حاجة بنقارنها بنلاقي ان جدودنا كانوا بيعملوها صح حتي مسكة الدريكسيون

الله يرحمك يا جدي

والله المستعان
،
،

المشاركة الأصلية كتبت بواسطة mahmoudalaa

في الزحمة الخنيقة غالبا وسط البلد ايدي اليمين هي اللي بتعمل كل حاجه والشمال مرمية علي الشباك اما لو بجري او ماشي بسرعه الشمال ماسكة الطارة واليمين مش بتفارق الفيتيس اما في حالات الطوارئ زي واحد كسر عليا وكده او حب حد يختبر الفرامل بتاعتي مثلا تلاقية ينط قدام العربية ويفكر يعدي ولا يرجع او واحد يفرمل قدامي غالبا لنفس السبب اللي فات فبلاقي نفسي تلقائي وبشكل طبيعي بتحول لمسكة جدو

فعلا الواحد من الزهق ساعات بيطلع ايده من الشباك لكن لعدة اسباب بطلت اطلع ايدي من الشباك وبقيت اسندها علي مسند الباب (بس من غير تلميع)
اول الأسباب انك ممكن تلاقي حد قالع النظارة وراح طابع ايدك علي الباب وعملهالك استيكر (ربنا يستر طريقنا) وبصراحة انا بخاف علي الساعة
هههههههه
ثانيا الشمس حرقت دراعي الشمال اساسا وبردو بسبب الساعة عملالي رسمة جميلة علي ايدي كأنها تا تو
الساعة دي مشكلة

انا معاك ان مسكة الفتيس عادة مش هنعرف نغيرها انا شخصيا ساعات لما بقرص بعربية اخويا (اوتوماتيك) بلاقي نفسي حطيت ايدي علي الفتيس

بس علي السرعات مفيش داعي لمسكة الفتيس

والله المستعان
،
،

المشاركة الأصلية كتبت بواسطة mohdfouda

فكرتنى لما كنت بلع رخصة قياده فى دبى وسقطت اول مره عشان كنت ماسك الدريكسيون بايد واحده الظابط قاللى انت بتسوق كويس اوى بس مش بايد واحده كده انت فاكر انك بتلعب اتارى قولتله اه قام مسقطنى

لأن اساسا في بعض الدول السواقة بأيد واحدة عليها مخالفة زي الموبايل والتدخين
بس احنا عشان ماتعلمناش في مدارس القيادة التابعة للمرور فمحدش قالنا ازاي نمسك الدريكسيون وحتي لو روحنا اعتقد مش هيقولنا

والله المستعان
،
،

المشاركة الأصلية كتبت بواسطة mahmoudalaa

هههههههههههههههههههههه

؟؟؟

المشاركة الأصلية كتبت بواسطة tameraast

انا بسوق بايد واحده الشمال و غالبيتا بسند على الباب

ايه بقى الكلام ؟؟؟

يبقي لازم مش خايف علي ساعتك

بس عايز اسألك سؤال

ازاي بتسوق بأيدك الشمال وبتطلع ايدك اليمين من الشباك ؟؟؟؟؟؟؟؟
ولا انت ايديك الأتنين شمال ؟؟


بتضحك معاك

شكرا علي مرورك

والله المستعان
،
،