الموضوع: بتمسك الدريكسيون ازاي ؟؟؟

المشاركة الأصلية كتبت بواسطة ahmed1718

تعليق بسيط
مش كل الناس اللى مرجعا الكرسي والضهر يبقو بيروشو

انا طولى 193 سم
استحالة تبقى القاعدة مريحة ليا غير كده وخصوصا انى بسافر كتير

ومن اهم مميزات السيراتو حقيقى ان بعد مبريح اوى كده ممكن حد يقعد ورايا
وف نفس الوقت التابلوه مش نازل على رجلى اوى كده زى اللانسر بوما

اما بالنسبة لوضعية الايادى الناعمة

فالانسب على الطرق السريعة نسبيا هيا 10-2 الا لو ماسك السيجارة او الموبايل

شكرا علي مرورك
بس انا علي فكرة مش بتريأ او بنتقد كل واحد مرجع الكرسي لورا او حتي مريح الظهر والا ماكنوش عملوها في الكرسي وكانوا خلوه كرسي ثابت
بس انا بنتقد الي بيقعد وينام ويريح ويتأمل في الناس وكأنه بيتفرج علي الناس ومش بيسوق
واعتقد حضرتك بتشوف المناظر دي
انا شخصيا احيانا بيريح الكرسي لكن مش بنام انا ممكن اسند علي المسند الجانبي الي بين الكرسيين او بسند علي مسند الباب لما أكون في اشارة او الطريق زحمة لكن بسوق بأنتباه لما الطريق بيمشي

المشاركة الأصلية كتبت بواسطة ahmod

والله مسكة الدركسيون دي على حسب حالة الطريق وعلى حسب انت ماشي بسرعة ولا براحة وتعبان ولا مش تعبان

بس في الغالب بكون ماسك الدركسيون بإيد واحدة

وفي حالة الجري شوية باليمين وشوية بالشمال على حسب

لو غرزة شمال مثلا احب اكون ماسك الدركسيون بايدي اليمين عشان اتحكم في العربية احسن والعكس

واحيانا لو جري بليل بمسك الدركسيون بايدي اليمين من النص فوق (12) وايدي الشمال عند 9 عشان اقلب نور وسعات بستسهل وبمسك الدركسيون بايدي الشمال من عند النور عشان اقلب نور وادي اشارات اسرع

ولو الموضوع سخن وبقى فيه تسقيط نقلات همسك الدركسيون بالشمال واليمين على الفتيس

ولو سخن اكتر وعديت ال 130 لازم بايدي الاتنين ( على شكل 9 وربع ) عشان اتحكم في العربية كويس

و بكون مرجع ظهر الكرسي بس مش عشان منظرة او حاجة لا سمح الله الفكرة ان ضهري بيتعبني جدا من السواقة

فبكون مضطر اني ارجع ظهر الكرسي لوراء عشان اريح ضهري وخلاص اتعودت على كدة

خاصا في زحمة شارع فيصل الجميلة برجع الكرسي زيادة واسقط نفسي في الكرسي عشان احس اني نايم على السرير لحد مالشارع مايمشي

اما على الطرق السريعة زي الصحراوي لو ماشي على 100 مثلا ومع نفسي ومش مستعجل باكون ماسك الدركسيون بايدي الاتنين بس من تحت على شكل 5 و 7

أزيك يا أحمد عامل ايه ؟؟
انت يا بني مش كان ربنا هداك وبقيت بتسوق بالراحة، أيه الي حصل ؟؟
ربنا يطمنا عليك
وشكرا علي مرورك

المشاركة الأصلية كتبت بواسطة dolly13

والله العظيم انا حاولت كتيييييير انى امسك الدركسيون بايدى الاتنين وفشلت تماما
وافضل وضع عندى بيبقى الشمال ماسكة الدركسيون واليمين غالبا على الفتيس او على رجلى هو مش افضل وضع انا بافوق الاقى نفسى لا اراديا عاملة كدة
ومرسيه على التوبيك الحلو ده

شكرا علي مرورك
بس انا لاحظت ان سواقة البنات اتقدمت اوي مش انتي اول بنت ترد علي الموضوع وتقول انها بتسوق بأيد واحدة
علي العموم حاولي تتعودي علي مسكة الدريكسيون بالأيدين الأتنين وانسب الأوضاع 9-3 و 10-2 وفي حالة السفر والسرعات في وجود اير باج بيكون الوضع الأأمن هو 8-4 و 7-5

المشاركة الأصلية كتبت بواسطة pro_samir

عارفهم الشباب اللي بتقولو عليهم دول .. اللي تشوفهم تحس انه منزل الأنتريه من البيت حاطه في العربيه وقاعد هو واصحابه

انا للأسف 90% بالشمال فقط ما بين 9 و 12 ، ولما تكون ايدي واجعاني بتبقي 6 .. أو 12 وافرد ايدي علي الأخر مع ان فردها علي الأخر ده غلط برضو بس بريح شويه مش اكتر

ولو بالاتنين بتكون 3 و 9 أو 10

ملحوظه مهمه بس للناس اللي بتسند الدركسيون فقط مش بتمسكه كويس ،، في حالة لا قدر الله أي ظرف طارئ مش هتلحق تمسكه ، عجله فرقعت والعربيه حدفت، حاجه في الأرض شدت العربيه أي ظروف .. حتي لو بإيد واحده لازم يتمسك كويس

بس اغرب مسكة دركسيون شوفتها بجد واحد حبيبي معانا هنا في المنتدي .. بيمسكه بالشمال فقط علي 3 علي الكلاكس من جوا .. هو عارف نفسه بقي مش هقول مين :))

شكرا علي مرورك

والله المستعان
،
،