هو انا غلطت لما شتمت راجل قد ابويا ؟؟

**Medo007** · 13-10-2011 06:58 PM

الحكاية ان امبارح راجل قد ابويا واكبر كمان وشكله قرفان من نفسه جاي في وشي وعمال بتكلم في الموبايل ووقف قدامي المفروض يوسع وشكل المكالمة كانت مدايقاه فبقوله بعد دقيقة وقوف يالا بقى
بيقولى وسع على اساس ان انا اوسع له , قلت مفيش مشاكل يمكن مش عارف بتصرف والشارع زنقة اساسا وسعت له وجيت جنبه بيقولى انت اتربست فمكانك ومش عايز توسع بصت له كده وسكت واحترمته , قام قايلي انتو بتركبوا عربيات وخلاص يمكن عشان شايفني شاب , قلت له انتو اللى بتركبوا وخلاص وهو معدي من جنبي لقيته شتم وقال شوية عيال .............
انا وقفت وبصت له وبأعلى صووووووووتي في الشارع كله والناس بصت علينا وقلت له انت اللى ...........................................

وكنت نازل اتخانق معاه خلاص بس لقيته بعد ما شتمته بص كده ومشي

مش انا كان لازم ارد له الشتيمة ؟ودي اقل حاجة اعملها ؟ لان راجل زي ده مش راجل ومش محترم
انه يكون غلطان ويشوف نفسه كمان على الناس

**AHMEDCAR** · 13-10-2011 07:15 PM

و الكاظمين الغيظ

استفغر ربنا و عموا هو كبير صغير غلطان مش غلطان ماتردش الغلط بغلط

**eng.m7md.ali** · 13-10-2011 07:20 PM

انا حاسس بيك لان حصلي الموقف ده من سواق اوتوبيس غبي كان جاي في وشي وعايزني اعديه واطلع على كوم طوب على جنب
شتمني وهو معدي رحت رديت الشتيمة ووقفت على اساس انه ينزل يتخانق
من الاخر كان راجل (هوزوق)

**medododo** · 13-10-2011 07:36 PM

ولا يهمك
الكبير كبير بتصرفاته مش بسنه
مدام محترمش نفسه يستاهل اللي يحصله
وبلاش نغمة الكبير دي عشان بجد مش مبرر ان الواحد عشان كبير في السن يغلط
تفتكر لو مشي الموضوع قانوني
وانت مسكت أعصابك وخدت رقم عربيته و2 شهود من الشارع ورفعت عليه قضية سب وقذف
مكنش هيتحبس أو يدفع غرامة على الاقل
ساعتها بئه سنه يشفعله؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
طبعا لا
وبما إن المحاكم مش ناقصة والقضايا كتير وانت صحتك فيك اديله يمكن تكون إديته درس ميغلطش في حد تاني

**SYD** · 13-10-2011 07:48 PM

علي فكرة المفروض ان الراجل الكبير في السن بيحترم نفسه ومش بيشتم وعلي فكرة لو هو غلط المفروض ما نردش عليه
عن الرسول عليه الصلاة والسلام "ليس منا من لم يوقر كبيرنا" الي اخر الحديث
وفي حديث اخر "أن الله يستحي ان يعذب شيخا في الأسلام"
وفي احاديث كتير بتتكلم عن الشيبة وكبار السن

انا شخصيا عمري ما شتمت حد وانا سايق
ومرة حصل اني كنت ماشي بالعربية وشابين داخلين عليا علي رجليهم وبعد ما عديتهم حسيت ان حد فيهم شتمني، روحت واقف وراجع بظهري وجيت جمبه ووقفته، طبعا الواد بلم قولتله لما تحب تشتم أشتم بصوت واطي شوية عشان ماسمعكش
تخيل الواد كان رده ايه ؟؟؟؟

قالي انا أسف

ربنا يهدي نفوسنا جميعا

والله المستعان
،
،

**Medo007** · 13-10-2011 08:14 PM

المشاركة الأصلية كتبت بواسطة eng f3lix

انا حاسس بيك لان حصلي الموقف ده من سواق اوتوبيس غبي كان جاي في وشي وعايزني اعديه واطلع على كوم طوب على جنب
شتمني وهو معدي رحت رديت الشتيمة ووقفت على اساس انه ينزل يتخانق
من الاخر كان راجل (هوزوق)

ايوة بالظبط يعني الانسان الطبيعي المفروض محترم مع المحترم
انا بعامله باحترام وهو مش محترم يبقى جابه لنفسه

المشاركة الأصلية كتبت بواسطة medododo

ولا يهمك
الكبير كبير بتصرفاته مش بسنه
مدام محترمش نفسه يستاهل اللي يحصله
وبلاش نغمة الكبير دي عشان بجد مش مبرر ان الواحد عشان كبير في السن يغلط
تفتكر لو مشي الموضوع قانوني
وانت مسكت أعصابك وخدت رقم عربيته و2 شهود من الشارع ورفعت عليه قضية سب وقذف
مكنش هيتحبس أو يدفع غرامة على الاقل
ساعتها بئه سنه يشفعله؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
طبعا لا
وبما إن المحاكم مش ناقصة والقضايا كتير وانت صحتك فيك اديله يمكن تكون إديته درس ميغلطش في حد تاني

صح كده وانا لو كنت مشيت ومشتمتوش كده بصوت عالي والناس كلها سمعت كنت هبقى محروق من جوايا , وهو لو كان محترم كان عدى وهو جاي في وشي ورفع ايده وسلم انه غلطان مثلا او سكت لكن كده اووووووووووووفر

المشاركة الأصلية كتبت بواسطة syd

علي فكرة المفروض ان الراجل الكبير في السن بيحترم نفسه ومش بيشتم وعلي فكرة لو هو غلط المفروض ما نردش عليه
عن الرسول عليه الصلاة والسلام "ليس منا من لم يوقر كبيرنا" الي اخر الحديث
وفي حديث اخر "أن الله يستحي ان يعذب شيخا في الأسلام"
وفي احاديث كتير بتتكلم عن الشيبة وكبار السن

انا شخصيا عمري ما شتمت حد وانا سايق
ومرة حصل اني كنت ماشي بالعربية وشابين داخلين عليا علي رجليهم وبعد ما عديتهم حسيت ان حد فيهم شتمني، روحت واقف وراجع بظهري وجيت جمبه ووقفته، طبعا الواد بلم قولتله لما تحب تشتم أشتم بصوت واطي شوية عشان ماسمعكش
تخيل الواد كان رده ايه ؟؟؟؟

قالي انا أسف

ربنا يهدي نفوسنا جميعا

والله المستعان
،
،

كلام حضرتك عين العقل وهو ده اللى المفروض نعمله
بس هيا في الاول والاخر قدرات يعني كل واحد يقدر يتحكم فاعصابه عن التاني
بس الواحد لما بيتحط في مشكلة زي دي دمه بيبقى محروق وكل همه انه يرد الاساءة باساءة واللى يزعل اكتر لما متكنش غلطان والتاني يغلط فيك كمان

**lonedoctor** · 13-10-2011 08:28 PM

اللى انا مستغرب له ازاى راجل فى السن ده وموش متربى والله دى مصيبة

**hokajaja** · 13-10-2011 10:05 PM

هنشوف من ده كتير وعلى فكرة السن الكبير ليه احترامه برده بس قبل ما الناس تحترم سنه لازم هو الاول يحترم نفسه وسنه وفى كلمة حكمة اتقالت زمان
لو ان كل كلب عوى ألقمته حجرا لصارت الحجارة مثقال دينار
وعلى فكرة انت راجل ضميرك حى ومتزعلش نفسك انا حاسس بالصراع اللى جواك علشان ربنا كرمك انك تكون من اصحاب النفوس اللاوامة و زعلان انك شتمته بس بتحاول توجد مبرر لتصرفك وده مش عيب بس عدى وانسى الموضوع واستغفر ربك حتى لو كان هو الغلطان