تجربة جديدة !!

**mmazhar** · 16-10-2011 07:45 PM

المشاركة الأصلية كتبت بواسطة ghamrawy

بعد اليومين الحر اللى فاتوا دول و بعد الريحة التى لا تطاق اللى كانت بتطلع من التكييف قررت اخيرا اغير الفلتر بتاعه و فعلا نزلت منطقة الازاريطة و جبت واحد ب 50 جنيه بدل بتاع التوكيل ابو 120 ج
الفلتر اللى انا جبته نفس خامة الفلتر الاصلى و لكنه بتاع الاسبيرانزا

المهم جبته و ركبته و اجى ادور العربية ....مافيش :_alshmokh08[1]:

تانى و تالت مافيش و لا حتى انوار العدادات شغالة :_alshmokh08[1]:

قولت اه ه ه

هى الملعونة البطارية

هات يا عم وصلة و دور دارت
فين فين فين واحد بتاع بطاريات فى الازاريطة اه افتكرت واحد كنت باتعامل معاه زمان
المهم بقى و الغريب ان و انا رايحله
الدركسيون كان بيقفل لوحده وانا سايق

ايوه يبقل لوحده كانه مسوجر و انت راكن العربية يقفل ثانية و يرجع يفتح تانى مع نفسه
طبعا كارثة لو الواحد سايق على طريق سريع مثلا

خلى بالكوا يا جماعة من الباور الكهربا
لو حد حصله موقف البطارية ده ياريت يركن العربية و يروح يجيب بطارية جديدة و يركبها و العربية مكانها

طيب انا مش فاهم هو مش المفروض طالما العربية دارت حتى لو البطارية كانت خلاص حتتغير طول ما الموتور داير كل حاجة فى العربية لا تعتمد على كهربة البطارية وانما بتعتمد على الطاقة الناتجة من تشغيل الموتور و بالتالى مفيش حاجة تعطل -زى الباور مثلا- الا لما ابطل العربية تانى !! ولا انا اللى فاهم غلط...!!!

**icehearted girl** · 16-10-2011 09:26 PM

نفس الاستفسا ر....ومش فاهمة بردوا الدركسيون بيقفل ليه؟

**yoko** · 16-10-2011 11:36 PM

لأ ممكن لو العربيه مشغله أحمال كبيره بتحتاج البطاريه مع الدينمو عشان الفولت ميقلش لإن لما الفولت بيقل يعلق الباو على طول لإنه بيتأثر بالفولت قوي

**Moe86** · 18-10-2011 04:10 AM

الباور كان بيفصل معايا و أنا ماشى
السبب طلع أسلاك البطارية مش مربوطة كويس

**hazememam14** · 18-10-2011 09:41 AM

طب بمناسبة البطاريات ... كنت سامع ان في مشكلة في مقاس البطارية بتاع البونتو كلاسيك .. تقريبا مش موجود الا في التوكيل أو حاجة كده .... ايه الحل المثالي والنوع الأحسن اللي يتجاب من الاخر ؟؟؟ وطبعا تغيير البطاربية برة مالوش علاقة بالضمان مش كده ؟؟؟

**yassinhaitham** · 18-10-2011 02:07 PM

المشاركة الأصلية كتبت بواسطة hazememam14

طب بمناسبة البطاريات ... كنت سامع ان في مشكلة في مقاس البطارية بتاع البونتو كلاسيك .. تقريبا مش موجود الا في التوكيل أو حاجة كده .... ايه الحل المثالي والنوع الأحسن اللي يتجاب من الاخر ؟؟؟ وطبعا تغيير البطاربية برة مالوش علاقة بالضمان مش كده ؟؟؟

ممكن ال housing يكون Adaptable بمعنى ان ممكن قاعدة البطارية تكون متثبتة علي حتتين بلاستيك علي قد البطارية الستوك و مربوطة بحزام زى ملقيت ف الينيا البطارية الستوك 50 امبير و اشتريت اقرب مقاس اكبر مش اصغر 55 امبير و البطارية الجديدة باتت عادى لما شلت الحتتين البلاستيك فممكن تلاقى عندك نفس الموضوع