ليه مينفعش نزق عربيه اوتوماتيك؟؟

**حماده المصري** · 15-10-2011 03:47 AM

استاذي الفاضل العربيات الاوتوماتك بتتزق عادي جدا لو الفتيس على n لانه زي المور في المانيوال

وفي رزاز اسمه شيفت لوك ده لو الفتيس مش عايز يتحرك والعربيه مبطله بتدوس عليه وتفضل دايس ويتحرك الفتيس عادي جدا

انما المستحيل انها تدور لانها مش بيترميلها زي المانيوال

انما ممكن تزقها تحركها من مكانها عشان تقطرها بس لازم يبقى على n لو اي غيار تاني الفتيس هيزعل اوي

**farahat** · 15-10-2011 03:56 AM

مع احترامي أيضاً لكل الأراء ..
هو ليه الفتيس الأوتو مختلف عن المانوال :

1- إلفتيس الاوتو معتمد على الزيت ، وجوة تروس كتير أكتر بكتير من المنوال وكمان تعشيق التروس دي داخل الفتيس بيتم عن طريق ضغط الزيت على بلوف بيتم التحكم فيها هيدورليك ، وبالتالي لزم ضغط زيت داخل الفيتس ، أولا عشان تشغيل وتعشيق التروس وثانياً عشان تبريد التروس الكتير دي .

2- عشان العلاقة بين الموتور والفتيس مش عن طريق مجموعة دبرياج ولكن عن طريق ال-torque converter أو البطيخة زي ما تفضل الزميل وقال ، ودي بتنقل الحركة من الموتور إلى الفتيس بدل عن طريق إسطوانة الدبرياج بيكون عن طريق فكرة سهلا قوي .. إن الموتور يلفف مروحة داخل طبق مليان زيت يقوم الزيت دة يلف ، وفي الناحية التانية فيه مروحة تانية يلففها الزيت دة ، فتتنقل الحركة من المروحة واحد إلى مروحة اتنين ، مروحة واحد راكبة على موتور ومروحة اتنين راكبة على الفتيس ومنه إلى العجل .

طب ليه ماينفعش نزق عربية اوتو :
1- عشان الطرمبة إلي بتضغط الزيت إلي محتاجه الفتيس عشان التبريد وتشغيل الصمامات الهيدروليك إلي بتتحكم في الفتيس ، الطرمبة دي بيدورها الموتور ، وبالتالي هي كدة مش دايرة ، وبالتالي الفتيس هيسخاً جامد مع إنه مش شغال فعلياً لكن عمل يلف بدون تزييت ، وكمان مش هيعرف يعشق أي نقلة عشان مفيش ضغط زيت يحرك الصمامات !!!!

2- عشان مفيش إحتكاك مباشر أصلاً بين العجل والموتور ، عشان الحركة بتاعت نقل السرعة عن طريق الزيت بين المروحتين ، وعشن تنقل الحركة دي عايز سرعة عالية جداً من ناحية عشان يدوب يسمع الناحية التانية .

حتى لو نجحت انك تذوق العربية بسرعة عالية كفاية إن سرعة العجل يتنقل جزء منها للموتور ، هيكون صعب التدوير ، والاهم من دة انك هتكون حرقت الفتيس لأنك مشيته على السرعة العالية دي من غير تزييت !!!، دة غير انك أصلاً مش هتعرف تعشق نقلة !!!!

**farahat** · 15-10-2011 03:59 AM

ملحوظة بس عشان تكون المعلومة كاملة ، الفيتس الاوتو ممكن يتزق مصفات محدودة على سرعة محدودة ومن غير تعشيق طبعاً
ودة إلي بيتعمل في حالة قطر العربية أو حاجة ، بتخليها على n وتتزق على سرعة منخفضة (عشان الفتيس ما يسخنش )

**titos_81** · 15-10-2011 04:03 AM

المشاركة الأصلية كتبت بواسطة l0new0lf

مع احترامى لكل الاراء اللى فاتت
ايوه ينفع
بس هتحتاج تجر العربيه على سرعه 60 كم\س على الاقل و تكون على ال n , و بعد كده ترمى لل d
الفرق بين الفتيس المانيوال و الاوتو ان فى المانيوال لما بتعشق, الاسطوانه بتشحط فى ترس الفولام و الدسك و مبيكونش فيه زحلقه slippage فبزقه خفيفه تقدر تدور العربيه زق
انما فى الفتيس الاوتو مفيش دسك و اسطوانه بس بيكون فيه حاجه اسمها torque converter الى بيقولوا عليه بالبلدى البطيخه و ده بيكون مليان زيت و بيحصل slippage و عشان كده بتحتاج ان العربيه تكون على سرعه عاليه عشان الزيت الفتيس يوصل لضغط مناسب انه يمنع ال slippage بين الموتور و الفتيس و ساعتها العربيه هتدور (زق)
الفتيس الاتوماتيك بيكون فيه زيت و بلوف و الزيت بينضغط
و طبعا فى الحالتين لازم يكون البطاريه لسه فيها كهربا بسيطه عشان تشغل البوجيهات لحد ما العربيه تدور و الدينامو يبتدى يغذى الدايره
و بالنسبه للعربيات الى بيكون فيها لوك لازم اللوك يتفك الاول و ده له طريقه حسب نوع و موديل العربيه من عند عصايه الفتيس
و اللى يحب يجرب يجيبلى عربيه اوتو و انا فى الخدمه

+11111111111111111111111111

**mohdfouda** · 15-10-2011 04:12 AM

متابع

**l0new0lf** · 15-10-2011 04:20 AM

الناس اللى بتقول مينفعش ادور عربيه اوتو بالزق لو بطاريتها نايمه
التجربه خير برهان
و انا فى الخدمه

**MBhead** · 15-10-2011 04:32 AM

عشان الفتيس الاتوماتيك يغير في governor علي الdriveshaft اللي طالع من الفتيس (عمود الكردان كمثال ) دي بيحسب النبضات و عند RRM مناسب نظام الهيدورليك بيحرك الBands و الكلاتشات تعمل لوك للتروس و عشان العربية توصل لسرعة 60كم/س الزيت هسخن في وقتها و الفتيس كله ممكن يبوظ
دلوقتي العربيات فيها TCU دي كمبيوتر بيحسب كل حاجة بدل النظام القديم.....ازاي حيشتغل من غير كهربا و ازاي الفتيس حينقل
غير ان في المانيوال اونر بتاع عربيتي الاتوماتك فيه تحذير ان العربية تتحسب او تتجر لمسافة طويلة او علي سرعة عالية و دا بيبقي في حالة قطر العربية ....انا قاريها يعيني

**shouk_1987** · 15-10-2011 04:54 AM

المشاركة الأصلية كتبت بواسطة farahat

مع احترامي أيضاً لكل الأراء ..
هو ليه الفتيس الأوتو مختلف عن المانوال :

1- إلفتيس الاوتو معتمد على الزيت ، وجوة تروس كتير أكتر بكتير من المنوال وكمان تعشيق التروس دي داخل الفتيس بيتم عن طريق ضغط الزيت على بلوف بيتم التحكم فيها هيدورليك ، وبالتالي لزم ضغط زيت داخل الفيتس ، أولا عشان تشغيل وتعشيق التروس وثانياً عشان تبريد التروس الكتير دي .

2- عشان العلاقة بين الموتور والفتيس مش عن طريق مجموعة دبرياج ولكن عن طريق ال-torque converter أو البطيخة زي ما تفضل الزميل وقال ، ودي بتنقل الحركة من الموتور إلى الفتيس بدل عن طريق إسطوانة الدبرياج بيكون عن طريق فكرة سهلا قوي .. إن الموتور يلفف مروحة داخل طبق مليان زيت يقوم الزيت دة يلف ، وفي الناحية التانية فيه مروحة تانية يلففها الزيت دة ، فتتنقل الحركة من المروحة واحد إلى مروحة اتنين ، مروحة واحد راكبة على موتور ومروحة اتنين راكبة على الفتيس ومنه إلى العجل .

طب ليه ماينفعش نزق عربية اوتو :
1- عشان الطرمبة إلي بتضغط الزيت إلي محتاجه الفتيس عشان التبريد وتشغيل الصمامات الهيدروليك إلي بتتحكم في الفتيس ، الطرمبة دي بيدورها الموتور ، وبالتالي هي كدة مش دايرة ، وبالتالي الفتيس هيسخاً جامد مع إنه مش شغال فعلياً لكن عمل يلف بدون تزييت ، وكمان مش هيعرف يعشق أي نقلة عشان مفيش ضغط زيت يحرك الصمامات !!!!

2- عشان مفيش إحتكاك مباشر أصلاً بين العجل والموتور ، عشان الحركة بتاعت نقل السرعة عن طريق الزيت بين المروحتين ، وعشن تنقل الحركة دي عايز سرعة عالية جداً من ناحية عشان يدوب يسمع الناحية التانية .

حتى لو نجحت انك تذوق العربية بسرعة عالية كفاية إن سرعة العجل يتنقل جزء منها للموتور ، هيكون صعب التدوير ، والاهم من دة انك هتكون حرقت الفتيس لأنك مشيته على السرعة العالية دي من غير تزييت !!!، دة غير انك أصلاً مش هتعرف تعشق نقلة !!!!

أحييك على المعلومات القيمة ديه
عشان كده بقى فيه عربيات مفتاحها ما يخرجش غير على ال P و مافهاش shift lock
ياعنى العربية ما بتتمورش و لا بتتزق أصلا زى الاوبل فيكترا 2001 أو 2002 الشيب ده

**l0new0lf** · 15-10-2011 05:02 AM

المشاركة الأصلية كتبت بواسطة shouk_1987

أحييك على المعلومات القيمة ديه
عشان كده بقى فيه عربيات مفتاحها ما يخرجش غير على ال p و مافهاش shift lock
ياعنى العربية ما بتتمورش و لا بتتزق أصلا زى الاوبل فيكترا 2001 أو 2002 الشيب ده

ما هو ده اللوك الى انا ذكرته فى اول مشاركه
و بيتحل من عند عصايه الفتيس

**mohammadrashee** · 15-10-2011 08:35 AM

المشاركة الأصلية كتبت بواسطة bakkarahmed

يعني اروح أأجر نعامه تجرهالي:)

بصراحه تعليقك احلى من الموضوع

المشاركة الأصلية كتبت بواسطة l0new0lf

مع احترامى لكل الاراء اللى فاتت
ايوه ينفع
بس هتحتاج تجر العربيه على سرعه 60 كم\س على الاقل و تكون على ال n , و بعد كده ترمى لل d
الفرق بين الفتيس المانيوال و الاوتو ان فى المانيوال لما بتعشق, الاسطوانه بتشحط فى ترس الفولام و الدسك و مبيكونش فيه زحلقه slippage فبزقه خفيفه تقدر تدور العربيه زق
انما فى الفتيس الاوتو مفيش دسك و اسطوانه بس بيكون فيه حاجه اسمها torque converter الى بيقولوا عليه بالبلدى البطيخه و ده بيكون مليان زيت و بيحصل slippage و عشان كده بتحتاج ان العربيه تكون على سرعه عاليه عشان الزيت الفتيس يوصل لضغط مناسب انه يمنع ال slippage بين الموتور و الفتيس و ساعتها العربيه هتدور (زق)
الفتيس الاتوماتيك بيكون فيه زيت و بلوف و الزيت بينضغط
و طبعا فى الحالتين لازم يكون البطاريه لسه فيها كهربا بسيطه عشان تشغل البوجيهات لحد ما العربيه تدور و الدينامو يبتدى يغذى الدايره
و بالنسبه للعربيات الى بيكون فيها لوك لازم اللوك يتفك الاول و ده له طريقه حسب نوع و موديل العربيه من عند عصايه الفتيس
و اللى يحب يجرب يجيبلى عربيه اوتو و انا فى الخدمه

كلام جميل جدا وواضح بس افهم من كده ان عربيتي فيها بطيخه!!!!!!!!!!!!

المشاركة الأصلية كتبت بواسطة farahat

مع احترامي أيضاً لكل الأراء ..
هو ليه الفتيس الأوتو مختلف عن المانوال :

1- إلفتيس الاوتو معتمد على الزيت ، وجوة تروس كتير أكتر بكتير من المنوال وكمان تعشيق التروس دي داخل الفتيس بيتم عن طريق ضغط الزيت على بلوف بيتم التحكم فيها هيدورليك ، وبالتالي لزم ضغط زيت داخل الفيتس ، أولا عشان تشغيل وتعشيق التروس وثانياً عشان تبريد التروس الكتير دي .

2- عشان العلاقة بين الموتور والفتيس مش عن طريق مجموعة دبرياج ولكن عن طريق ال-torque converter أو البطيخة زي ما تفضل الزميل وقال ، ودي بتنقل الحركة من الموتور إلى الفتيس بدل عن طريق إسطوانة الدبرياج بيكون عن طريق فكرة سهلا قوي .. إن الموتور يلفف مروحة داخل طبق مليان زيت يقوم الزيت دة يلف ، وفي الناحية التانية فيه مروحة تانية يلففها الزيت دة ، فتتنقل الحركة من المروحة واحد إلى مروحة اتنين ، مروحة واحد راكبة على موتور ومروحة اتنين راكبة على الفتيس ومنه إلى العجل .

طب ليه ماينفعش نزق عربية اوتو :
1- عشان الطرمبة إلي بتضغط الزيت إلي محتاجه الفتيس عشان التبريد وتشغيل الصمامات الهيدروليك إلي بتتحكم في الفتيس ، الطرمبة دي بيدورها الموتور ، وبالتالي هي كدة مش دايرة ، وبالتالي الفتيس هيسخاً جامد مع إنه مش شغال فعلياً لكن عمل يلف بدون تزييت ، وكمان مش هيعرف يعشق أي نقلة عشان مفيش ضغط زيت يحرك الصمامات !!!!

2- عشان مفيش إحتكاك مباشر أصلاً بين العجل والموتور ، عشان الحركة بتاعت نقل السرعة عن طريق الزيت بين المروحتين ، وعشن تنقل الحركة دي عايز سرعة عالية جداً من ناحية عشان يدوب يسمع الناحية التانية .

حتى لو نجحت انك تذوق العربية بسرعة عالية كفاية إن سرعة العجل يتنقل جزء منها للموتور ، هيكون صعب التدوير ، والاهم من دة انك هتكون حرقت الفتيس لأنك مشيته على السرعة العالية دي من غير تزييت !!!، دة غير انك أصلاً مش هتعرف تعشق نقلة !!!!

برضه حضرتك بتاكد موضوع البطيخه
على العموم مفيش مشكله بس كلام ميه ميه

المشاركة الأصلية كتبت بواسطة MBhead

عشان الفتيس الاتوماتيك يغير في governor علي الdriveshaft اللي طالع من الفتيس (عمود الكردان كمثال ) دي بيحسب النبضات و عند RRM مناسب نظام الهيدورليك بيحرك الBands و الكلاتشات تعمل لوك للتروس و عشان العربية توصل لسرعة 60كم/س الزيت هسخن في وقتها و الفتيس كله ممكن يبوظ
دلوقتي العربيات فيها TCU دي كمبيوتر بيحسب كل حاجة بدل النظام القديم.....ازاي حيشتغل من غير كهربا و ازاي الفتيس حينقل
غير ان في المانيوال اونر بتاع عربيتي الاتوماتك فيه تحذير ان العربية تتحسب او تتجر لمسافة طويلة او علي سرعة عالية و دا بيبقي في حالة قطر العربية ....انا قاريها يعيني

كده بقوتوا 2 على واحد والكلام مقنع بصراحه خلاص مش هزق العربيه
بس بصراحه استفدنا كتير

شكرا

الموضوع: ليه مينفعش نزق عربيه اوتوماتيك؟؟

LinkBack

أدوات الموضوع

عرض

-

-

-

المواضيع المتشابهه

مطلوب عربيه اوتوماتيك

عاوز عربيه صغيره اوتوماتيك

هل ممكن عربيه اوتوماتيك تتجر على n ؟؟

M11 مينفعش تيتكان ب اي عربيه صيني

الكلمات الدلالية لهذا الموضوع

المفضلات

المفضلات

ضوابط المشاركة