الموضوع: ليه مينفعش نزق عربيه اوتوماتيك؟؟

المشاركة الأصلية كتبت بواسطة mohammadrashee

بصراحه تعليقك احلى من الموضوع




كلام جميل جدا وواضح بس افهم من كده ان عربيتي فيها بطيخه!!!!!!!!!!!!


دور على حاجه اسمها
torque converter
الميكانيكيه بيسموها بطيخه
و دى صور ليها
torque converter pictures from trucks photos on webshots

برضه حضرتك بتاكد موضوع البطيخه
على العموم مفيش مشكله بس كلام ميه ميه




كده بقوتوا 2 على واحد والكلام مقنع بصراحه خلاص مش هزق العربيه
بس بصراحه استفدنا كتير


التجربه خير برهان
شكرا

المشاركة الأصلية كتبت بواسطة farahat

مع احترامي أيضاً لكل الأراء ..
هو ليه الفتيس الأوتو مختلف عن المانوال :

1- إلفتيس الاوتو معتمد على الزيت ، وجوة تروس كتير أكتر بكتير من المنوال وكمان تعشيق التروس دي داخل الفتيس بيتم عن طريق ضغط الزيت على بلوف بيتم التحكم فيها هيدورليك ، وبالتالي لزم ضغط زيت داخل الفيتس ، أولا عشان تشغيل وتعشيق التروس وثانياً عشان تبريد التروس الكتير دي .


2- عشان العلاقة بين الموتور والفتيس مش عن طريق مجموعة دبرياج ولكن عن طريق ال-torque converter أو البطيخة زي ما تفضل الزميل وقال ، ودي بتنقل الحركة من الموتور إلى الفتيس بدل عن طريق إسطوانة الدبرياج بيكون عن طريق فكرة سهلا قوي .. إن الموتور يلفف مروحة داخل طبق مليان زيت يقوم الزيت دة يلف ، وفي الناحية التانية فيه مروحة تانية يلففها الزيت دة ، فتتنقل الحركة من المروحة واحد إلى مروحة اتنين ، مروحة واحد راكبة على موتور ومروحة اتنين راكبة على الفتيس ومنه إلى العجل .

و احب اضيف ان معظم الفتيس الاتوماتيك الجديد التحكم فيه عن طريق سولينويد و كهربا مش هيدروليك زى القديم و بالتالى اى فتيس قديم من اللى التحكم فيه عن طريق الهيدروليك ينفع نشغله زق و تكون سرعه العربيه تقريبا 60 كم\س, انما الفتيس الجديد اللى التحكم فيه عن طريق سولينويد بيكون راكب فيه طلمبه صغيره فى الظهر مخصوص عشان تولد ضغط داخل التورك كونفيرتر و نعرف نشغل العربيه زق, انما لو مش راكبه مش هينفع يشتغل زق ابدا , كان عندى صوره ليها بس للاسف مش لاقيها

طب ليه ماينفعش نزق عربية اوتو :
1- عشان الطرمبة إلي بتضغط الزيت إلي محتاجه الفتيس عشان التبريد وتشغيل الصمامات الهيدروليك إلي بتتحكم في الفتيس ، الطرمبة دي بيدورها الموتور ، وبالتالي هي كدة مش دايرة ، وبالتالي الفتيس هيسخاً جامد مع إنه مش شغال فعلياً لكن عمل يلف بدون تزييت ، وكمان مش هيعرف يعشق أي نقلة عشان مفيش ضغط زيت يحرك الصمامات !!!!
الكلام ده صح فى حاله واحده بس و هى انك بتقطر العربيه لمسافه و مده طويله, انما لو هتشغلها زق عمرك ما هتمشى بيها كيلو متر و عمرها ما هتسخن عشان توصل بيها لسرعه ال 60 عشان تدور, و علشان كده المفروض لو بتقطر عربيه فتيسها اتوماتيك لازم العجلتين اللى بيحركوا العربيه يترفعوا عن الارض, او تفصل الكردان لو عربيه جر خلفى (سهله) او تفصل الكبالن من العجل لو جر امامى (صعبه و متعبه شويه), انما لو عربيه AWD زى السوبارو يستحسن تتحمل على ونش من الجداد و متتقطرش

2- عشان مفيش إحتكاك مباشر أصلاً بين العجل والموتور ، عشان الحركة بتاعت نقل السرعة عن طريق الزيت بين المروحتين ، وعشن تنقل الحركة دي عايز سرعة عالية جداً من ناحية عشان يدوب يسمع الناحية التانية .
لو نوع الفتيس تحكم هيدروليك الضغط هيتولد و العربيه هتدور
لو نوعه الجديد تحكم سولينويد بيكون راكب فيه الطلمبه اللى انا ذكرتها سابقا عشان تولد الضغط المناسب فى التورك كونفيرتر و تدور زق انما لو مفيهوش الطلمبه دى عمرها ما هتشتغل ابدا


حتى لو نجحت انك تذوق العربية بسرعة عالية كفاية (العربيه هتتجر على سرعه 60 كم مش هتتزق) إن سرعة العجل يتنقل جزء منها للموتور ، هيكون صعب التدوير (صعب ليه؟) ، والاهم من دة انك هتكون حرقت الفتيس لأنك مشيته على السرعة العالية دي من غير تزييت (الفتيس يتحرق لو مشيت بيه مسافه طويله و مده طويله مش انك توصل لسرعه 60 كم )!!!، دة غير انك أصلاً مش هتعرف تعشق نقلة (مش هاعرف ليه؟؟ هتخلى الفتيس على ال n و اول ما سرعه العربيه توصل ل 60 هتنقل على d بس برضه باكد ان البطاريه يكون فيها كهربه كفايه لتوليد شراره فى البوجيهات ) !!!!