ملحوظة لاحظتها بخصوص اللوحات

**gemtawila** · 18-05-2008 11:10 AM

انا مؤخرا لاحظت إن فيه لوحات سيارات جديدة وملاكى القاهرة مكتوبة بخط اليد وكمان بخط وحش اوى - حد تانى لاحظ كده؟

**amr_elrashidy** · 18-05-2008 11:16 AM

انا كمان شوفتها.....كل ده حيتفرم عشان اللوحات الجديدة اللى حينزلوها ....بيقولوا انها على 2011 حتكون اتعممت على كل العربيات

**Hassan Khalil** · 18-05-2008 01:36 PM

اللوحات الجديدة دي فعلا نزلت . و خاصة في مرور مصرالجديدة و النزهة .. و هي حل سريع ادارة المرور عملته خلال العشر ايام اللي فاتت علشان ازمة النمر .. و كانوا اعلنوا عنه في الاهرام انهم بيشتغلوا فيها من اول الشهر ( مايو ).
و زي ما قال الاخ عمرو .. كله حيتفرم بعد كده .. يعني اللي حيجيب لوحات دلوقتي برضه حيغرها بعد كده

**furp** · 18-05-2008 03:21 PM

انا برضك مش سمعت الموضوع ده

انا شفته بعيني

يعني مثلا في مرور البساتين

بقالي شهر مفيش نمر

وبعدين لقيتهم منزلين لوحات فاضيه من غير نمر
وبعدين واحد قاعد يكتبلك النمر بخط زباله زباله زباله وهو تقريبا مش بيعرف يكتب اصلا غير الارقام

وكمان بياخد في الشغلانه دي 60 جنيه (علي اي معرفش ) بس طبعا بيتقسموا علي ناس كتير بعد كده

وبعدين بتعلق النمر ام خط وحش دي وتشوهلك منظر العربيه وياسلام لو جديده بقي او لسه مشدوده

**Xpert** · 18-05-2008 03:30 PM

للعلم بس معلومه جانبيه ... اداره المرور عندنا لسه طابعه نمر الكمبيوتر القديمه اللي هيا نص عربي و نص انجليزي دي مكملتش سنه تقريباً ... (مش محافظتنا بس .. لاء ده معظم الجمهوريه) ... و كنت الاول عندي النمر اللي مكتوبه بخط اليد دي ... (من بتاع 10 سنين كده و هيا علي العربيه لحين استلام النمر الكمبيوتر ...)
العجيب بقي ان النمر هاتتغير ... و هم لسه طابعين النمر دي ... يعني فلوس الدوله فعلاً بتروح في الهواء ... و العجيب انه بيحصل منك رسوم نمر جديده ... و رسوم ضريبه .. و رسوم مش عارف ايه .. و الاوراق بتاع ملف التجديد بفلوس ... و غلي كمان ! ..
يعني من الاخر مطلوب منك تدفع فلوس ... علشان الدوله تفتكس افتكاسات و تطيرها في الهواء ... علشان تاخد منك فلوس تاني ...
المفروض ايراد المرور من جميع انواعه ده يروح لتطوير ادارات المرور و تطوير الطرق و العلامات الارشاديه و مش عارف ايه ... مش علشان يفتكسوا بيها حاجات !

**sab3aawy** · 18-05-2008 04:30 PM

المشاركة الأصلية كتبت بواسطة Xpert

يعني من الاخر مطلوب منك تدفع فلوس ... علشان الدوله تفتكس افتكاسات و تطيرها في الهواء ... علشان تاخد منك فلوس تاني ...
المفروض ايراد المرور من جميع انواعه ده يروح لتطوير ادارات المرور و تطوير الطرق و العلامات الارشاديه و مش عارف ايه ... مش علشان يفتكسوا بيها حاجات !

انت شكلك نسيت المثل الشعبى الشهير "زغرطى ياللى مانتيش غرمانة"

**Mzeid** · 18-05-2008 04:36 PM

و كله على خساب صاحب المخل خبيبي ..
اللي هو الشعب خبيبي .. فخمتو خاجة ..
:):)

**Ahmad Allawy** · 18-05-2008 08:10 PM

المشاركة الأصلية كتبت بواسطة CAMARO

و كله على خساب صاحب المخل خبيبي ..
اللي هو الشعب خبيبي .. فخمتو خاجة ..
:):)

لألألأ
اللي هو السعب خبيبي مس الشعب..
خلي بالك من كلام كويس خبيبي..

**AboMaro** · 18-05-2008 08:24 PM

كل ده وانا عايز افهم هو النمر الجديده بقى شكلها ايه ؟؟؟؟؟؟؟؟؟؟؟؟

**جمال** · 19-05-2008 12:23 AM

بيحللكم موضوع النمر , مش عاجب برضه
كان مفيش نمر, تذمرتم وكان ناس بتدفع رشاوى 300 و 400 ج علشان تاخد نمر يا تركن العربية
دلوقتى بيحلوها مؤقتا والراجل ابو خط وحش بياخد 60 ج
برضه مش عاجبكم ؟
شعب مش عاجبه حاجة

الموضوع: ملحوظة لاحظتها بخصوص اللوحات

LinkBack

أدوات الموضوع

عرض

-

-

-

-

-

المواضيع المتشابهه

على بركة الله رايح اطلع الرخصة محتاج مساعدتكم + استفسار بخصوص اللوحات

ملحوظة بخصوص الحرارة

بخصوص اللوحات الجديدة وتجديد الترخيص

تأمين اللوحات الجديدة110 جنيه . أين تأمين اللوحات القديمة ولماذا لا يرد للمواطنين ؟

الكلمات الدلالية لهذا الموضوع

المفضلات

المفضلات

ضوابط المشاركة