النجدة...الموتور ودع النهاردة أيهما أفضل...عمرة كاملة أم تسقيط؟

**الصيداح** · 17-10-2011 08:37 PM

سلام الله عليكم

أفيدوني بارك الله بكم
النهاردة الوالد كان نازل مستعجل وهو طالع بالعربية كان قدامة كوم رمل المهم هو كسل يرجع وإتعافى عليه وتقريبا الموتور فوت بس هو الموتور كان بيتلكك أصلا لأنه كان خفيف وبياكل زيت
المهم إن إحنا بنحتاج العربية وعايزين نخلصها في أقرب وقت
دلوقتي أنا مقترح على الميكانيكي نسقط للعربية موتور إستيراد يكون اكبر سعة لترية بحيث يمكننا
من تركيب تكييف وتسارع أفضل وخلافه
وهو بيقول نعمل عمرة افضل لأنه عمل قبل كدة عمرة للموتور وإن إحنا عارفين الموتور أحسن ما نجيب واحد جديد ويطلع فيه مشاكل
أنا محتار وخاصة إن دي هتبقى تاني عمرة للموتور فأفيدوني بارك الله بكم

1-ما رأيكم في الموضوع أصلا تسقيط أم عمرة؟
2-السيارة داتشيا 1310 (1300 سي سي)
3-المحرك بالطول والدفع أمامي
4-ما هي أنسب المحركات 1600 التي يمكن تسقيطها للسيارة؟

بالنسبة للمواتير اللي ينفع تسقط للسيارة فأنا دورت شوية في الموضوع ده
ولقيت االأشهر هو محرك الرينو18 1600 سي سي بس مش عارف ظروف قطع
غياره ايه؟

ودي بعض الصور من نفس نوع سيارتي من مواقع أجنبية متسقطلها مواتير مش عارف نوعها يا ريت تساعدوني في معرفة نوعها
الصورة الأولى هي صورة المحرك الأصلي للسيارة والباقي تسقيط

http://up.ahlalalm.info/photo2/qfm72807.jpg
http://up.ahlalalm.info/photo2/Dvw72807.jpg
http://up.ahlalalm.info/photo2/XKP72807.jpg
http://up.ahlalalm.info/photo2/N3s72894.jpg
http://up.ahlalalm.info/photo2/SlI72894.jpg

وأخيرا جزاكم الله كل الخير
وبانتظار ردودكم

**romieh** · 17-10-2011 08:49 PM

طالما حضرتك مستعجل على الموضوع يبقى تسقيط على طول

وكمان ده هيكون حل افضل لانك بتقول ان الموتور اتعمله عمرة قبل كده فأكيد مش هيرجع لحاته تانى

وفعلا زى ماحضرتك بتقول ممكن تشوف حاجة أكبر علشان التكييف

بس هو حضرتك متأكد ان العربية عندك جر أمامى؟؟

**SASA3** · 17-10-2011 09:02 PM

تسقيييييييييييط

**الصيداح** · 17-10-2011 09:45 PM

شكرا لكما كثيرا بارك الله لكما
نعم السيارة جر أمامي لكن الموتور والفتيس بالطول

**piezo** · 17-10-2011 10:31 PM

غير ماتور احسن انما تصليح ده علي كيف الميكانيكي طبعا علشان يعمل العمره و تبوظ او متنجحش مش هاتفرق معاه المهم انه ياخد فلوس وخلاص وكل شويه يقولك مش عارف ايه بايظ و عايز يتغير ويفسحك معاه فسحة التنين
انما التغير الميكانيكي هايخد ماثلا بتاع 100 او 150 جنيه كبيره اوي والماتور لو فيه حاجه بترميه في وش الراجل و خلاص وتاخد واحد غيره

**Ahmed Nasser** · 18-10-2011 01:28 AM

+111111111111

**الصيداح** · 18-10-2011 07:42 AM

الله ينور عليكم يا رجالة
أنا كدة إطمأنيت لرأي ورأيكم بإذن الله تسقيط يعني تسقيط والله الموفق والمستعان
يا ريت لو حد له خبره في موضوع التسقيط ده يفدني بأي حاجة فيه أدور فين على المواتير وأي مستلزمات أخرى
وجزاكم الله كل الخير

**romieh** · 18-10-2011 09:59 AM

تدور فين على المواتير، هما 3 أماكن اللى تلاقى فيهم

عزبة شلبى

الحرفيين

بورسعيد

ولازم يكون معاك ميكانيكى بيفهم فى التسقيط والمواتير علشان يقيم حالة الموتور قبل ماتشتريه

**m_gewelly** · 18-10-2011 10:07 AM

تسقيط واللى يقدر يفيدك فى انواع المواتير اللى تركب هما بتوع قطع الغيار يعنى اللى بيشتغل فى نوع عربيتك هتساله هيقلك ايه اللى يركب عندك واسال اكتر من واحد مستعجلش ولما تعرف الماتور اللى يركب ادخل على موقعه وشوف امكانياته وقطع الغيار واتعرف عليه كويس اوى وبعدين ركبه وبالتوفيق ان شاء الله
موضوع العمره دا فاشل بمعنى الكلمه والتسقيط افضل تشترى ماتور من بور سعيد وممكن تجيب تليوناتهم الاول وتتصل وتسال قبل ما تروح الموقع اسمه بور سعيد اون لاين على جوجل اوا كتب قطع غيار داتشيا فى بورسعيد

**الصيداح** · 18-10-2011 10:35 AM

والله أنا مش عارف أشكركم إزاي
ربنا يجازيكم كل الخير على الإفادة
مشكوووووووووور جدا لكل من شاركني الموضوع بارك الله لكم
بإذن الله هسأل الأول وأشوف موقع بورسعيد ده وأشوف أخبار المواتير إيه الأول