كنت عملت الموضوع ده من سنة تقريبا و طار مع المشكلة اللي حصلت لما الموقع وقع ومسح بعض الداتا
المهم
الموضوع عبارة عن وصفات لبعض الأكلات
واللي خلاني افتكر الموضوع اني عامل ريجيم .... وقعدت احكي في موضوع تاني على التونة والرنجة وريقي جري وجوعت جدا ومش قادر
النهاردة ح نبدأ بنفس البداية بتاعت الموضوع القديم
اكلة سهلة وشهية ومغذية ومش مكلفة
تونة محبشة
ح نجيب علبة او علبتين تونة قطع .... ممكن سن شاين او تي سي بوي ... دول الاصناف المنتشرة حاليا
نصفي التونة تماما من الزيت اللي فيها عشان بيبقى زفر وفيه مواد حافظة كتير وبعدين نغسل التونة وهي لسة في العلبة بقليل من الخل
نحط عليها بصل مقطع قطع صغيرة ( مش مبشور ) بصلة متوسطة
وطبعا زيت زيتون او ذرة او دوار شمس
كمون وكسبرة ناشفة .... الكمون ده سحر لايمكن الاستغناء عنه وهو بالمناسبة اقوى مطهر معوي طبيعي
فلفل اخضر رومي مقطع قطع صغيرة
فلفل حار حسب الرغبة
مايونيز عدد 2 او 3 ملعقة كبيرة
كاتشب
مسطردة
ليمونة كبيرة
زيتون اسود واخضر مخاي ويقطع حلقات
ممكن لو موجود بعض الخضار السوتية يضاف الي التونة
وتحشى في سندوتشات خبز فينو او فرنساوي او بلدي حسب الذوق
....
اكله سريعة وشهية جدا وغنية بكل موقومات الغذاء الجيد ومش مكلفة ويمكن ان تتناسب مع الريجيم لو تجنبنا المايونيز والكاتشب وقللنا الزيت وتؤكل بالشوكة او بالعيش السن
...
...
موعدنا مع اكلة جديدة ..... وليسقط الريجيم