الموضوع: مطبخ نايل موتورز

المشاركة الأصلية كتبت بواسطة aif

ولا تتعبي نفسك يا نونيتا ..... خلي عنك
انا اقولك الوصفة
تخرجي من باب العمارة
تعدي الشارع وتمشي يمين
تدخلي اول يمين وتمشي 10 متر وتاخدي شمال
تالت محل ع الشمال
تقوليلو علبة كشري للحاج احمد زي ماهو بيطلبها
3 دقايق وح تكوني ف البيت ولا تتعبي نفسك ولا تنظفي اطباق وحلل ولا تملي البيت ريحة تقلية ولا يحزنون
....
....
عاوزين طريقة عمل دجاج كنتاكي .... وطريقة التتبيلة .... وطريقة القلي
طريقة العمل .... مش 19019

دجاج كنتاكي هوة الكنتاكي بتاع ريجيم بردو ؟
زي بعضه
طبعا هنسلق الفراخ
هنشيل الجلد بعد ماتبرد ونقطعاه 8 اجزاء

هنجيب طبق ونضرب فيه بيضة وعليها شوية لبن وملح وفلفل بس مش كتير
طبق فيه دقيق
طبق فيه بقسماط مطحون عليه بهاراتك المفضلة وعليه حاجة من الاتنين
اما شوية شوفان او كورن فليكس مطحون بس مش اوي يعني يكون خشن
نحط قطعة الفراخ في الدقيق وبعدين البيض وبعدين خليط البقسماط
نقليها في زيت غزير ومقدوح طبعا
وبالهنا والشفا

عرق الرستو او اللحمة الباردة

تجيب العرق الفلتو
تخرمه بالسكينة خروم كتير
وكل فتحة نغرز فيها فص ثوم
نلف العرق بدوبارة عشان يمسك نفسه طبعا كلنا عارفين الدوبارة
او ممكن ما نلفهاش عادي

نقدح شوية سمن في الحلة
نقلب فيها عرق اللحمة ونتبلها بالملح والفلفل والبهارات ونشوحها كويس
هتنزل مرقتها وتشربها
نحطلها كل شوية حبة مية
اوعى تسيبها تنشف احسن تتحرق
وتقلبها كل شوية
لحد ما تغرس فيها السكينة ما تطلعش منها سوايل
ممكن قبل ما تستوي خالص تقطع شوية جزر وبطاطس مكعبات وتحمرهم نص تحمير وتقلبهم مع اللحم
تستنى لما تبرد خالص
تتقطع شرايح رفيعة بسكين حامي سمك سنتيمتر تقريبا

نصيحة اخوية
العرق دة مش بيبقى اقل من 2-3 كيلو وبيكش في السوا للنص تقريبا
احسن لك خلي حد يعزمك عليه

المشاركة الأصلية كتبت بواسطة heshamzaky

دة حا يبقى زى بتاع المحل و لا مختلف
لو زية نجربة اهو الواحد يتعشى بنص فرخة مسح زور كدة ههههههههههه

لا هيبقى زيه بالضبط ان شاء الله
وبعدين انت عاوز تزعل نيفو مننا ليه


بسسست بسست نيفو
ولا كأنك سمعتي حاجة