الموضوع: امامي m11 موديل 2012 عاملة 1000 كيلو و مرخصة من شهر ب 66 الف أشتري يارجالة و لا ايه ؟

بص يا سيدي ... انا معايا ام 11 موديل 2010
مميزاتها : شيك من برا ومن جوا
اوبشنز جميلة في العربية
الموتور قوي 1600 جميل في السحب وبيشد العربية لسرعات عالية ....وعن تجربتي اعلى سرعة وصلتلها 190 ومفيش أي قلق
الثبات أكثر من رائع تبقى ماشي 160 وتفادي عربيات على الطريق بإيد واحدة وانت مش قلقان
العيوب : الموديلات من 2009 وحتى 2011 كان فيها عيوب تقفيل في العفشة وسمعت انهم من أول 2012 ان تم علاج هذه العيوب وده معناه ان العربية صفقة ممتازة ممتازة
لو جيت تقارن بينها وبين اي عربية ب 74 زيرو حتلاقي الاوبشنز كالتالي
لانوس .... فيرنا ..... بيكانتو فاضية ....... لوجان ...... 516 ....
ورأيي الشخصي انها تكتسح بجدارة كل هذه الموديلات ... انا كان معايا لانوس 2002 قبل الام 11 ومفيش وجه للمقارنة

على فكرة اللى بيعترض بيقولك لا وخلاص وبدون اى تجربة للعربية
لكن اللى بيقولك اشترى العربية بيقولك اشتريها ليه وعلشان اية
وده علشان انه جرب العربية
فية ناس صعبان عليها انها تقتنع انها دفعت فلوس كتير فى حاجة متستحقش فعلشان كده بيحولوا يقنعوا نفسهم انهم الصح والباقى غلط
العربيات الاسبيرانزا انتشرت فى الشوارع ومش معقول الناس اللى اشترتها كلها غلطانة
ياجماعة اللى بينقد العربية يقول سبب النقد اية غير انها صينى والكلام السطحى ده
لازم يكون مجربها وبلاش شغل السمع علشان اللى بيسئل يستفيد من الاجابة

هي ياجماعة موديل 2011 كانت ب 72 و لا ب 74 الف ,, لان لو ب 72 الف يبقي اعتقد ان سعر ال 66 الف مش سعر كويس و اعتقد لازم تنزل الفين تلاتة كمان

ال 2011 كانت ب 72 لكن ال 2012 ب 74 واعتقد ان السعر المناسب لعربية كسر زيروانها تنزل 10000 يعني تبقى ب 64 وبالنسبة لاعادة البيع فهناك مشكلتين ... انها تقيلة شوية في البيع يعني متتبعش بسرعة مقارنة بالفيرنا واللانوس وسعرها تخسر فيه شوية بردو يعني لما تعدي ال 10000 كيلو تمن العربية حينزل تحت الستين ويفضل ماسك نفسه في الخمسينات لغاية ما تعدي بيها الحمسين الف خصوصا لو فابريكة .... فلو انت ناوي تجيب عربية تعد بيها شهرين تلاتة وتبيعها بعد كده يبقى منصحكش ..... انما لو ناوي تركبها كام سنة كده وبعد كده تغير فأنا انصحك انك تاخد العربية تجربها ولو عجبتك توكل على الله .....

العربية مجملا جيدة وليست ممتازة فيها امكانيات واوبشنز كتيرة ولكن بعض العيوب نتيجة التقفيل المحلى بعض المشكلات البعيدة تماما عن وسائل الامان زى ما اخ من الاعضاء قال وكلها بتتحل فى التوكيل ان شاء الله

يعنى باختصار عربية جميلة بالنسبة لسعرها وان كانت لاتخلو من بعض العيوب والمشاكل وده طبيعى فى شىء من صنع الانسان فى الدنيا كلها مش بس العربيات

ربنا يوفقك للاختيار الصحيح

بالرغم من ان الاعضاء ابتدو يسبو الموضوع و يتهكمو على شخصى بس انا هاقول اللى شوفته قدامى من العربيه دى و كمان عشان صاحب الموضوع تكون وصلته الشهاده كامله
العربيه دى مع اخويا عامله 20 الف دلوقتى
عند ال 10 الاف غير 4 طنابير و4كاليبر وتيل كامل - عيب صناعه وحاليا فى ال 20 غير تيل تانى - فى مشكله فى الفرامل مش عارفين يحلوها
التكييف ضعيف
الموتور بقى ضعيف عن اول ما جت
القربه بتاعه الميه ضربت من كام يوم و قعدوه 10 ايام وفى الاخر قالوله مش موجوده لحد ماهو راحلهم بنفسه و عمل مشكله وطلعت موجوده وهما اللى اسف فى اللفظ مساطيل
و حاجات صغيره من التقفيل مقبول بيها لانها زى ماقولتو عربيه على قد فلوسها
فيا جماعه - لما اجيب عربيه زيرو يحصل ده كله فيها فى 20000 وكمان التوكيل بالشكل ده
يبقى بلاش منها

ومش هارد تانى عشان انا قولت المهم الى (صاحب الموضوع ) محتاج يعرفه
وشكرا

المشاركة الأصلية كتبت بواسطة hugan

يعني الراجل داخل يسال سؤال وعايز النصيحه
شركت له العربيه
وخليته بيتريق
لم يستفيد منك بمعلومه
-------------------------
ربنا يهدي

وانت فين نصحيتك انت ؟؟؟
ربنا يهدى