اكسارا 2 عاملة 30 الف كيلو موديل 2002 ؟؟؟

**msalahasd120** · 17-10-2012 12:06 PM

العداد بيقول كدة 1600 سى سى فابريكة برة وجوة ومعروضة علية للبيع بس السوال هنا...... اعرف اذاى ان العداد مش ملعوب فية

**fepsceasar** · 18-10-2012 11:23 PM

متهيالى لو حطتها على الكمبيوتر هتعرف ولو ودتها التوكيل هتعرف

**fepsceasar** · 18-10-2012 11:25 PM

وبعدين المتوسط الطبيعى للعربية 15 الف كيلو فى السنة اقل من كده كتيرتقلق واكتر من كده كتير تقلق
فيا ترى ايه السبب هل كانت مرفوعة ولا ايه الموضوع؟؟؟؟

**benmatar** · 20-10-2012 02:07 PM

بصفة عامة
أكيد العربية بحالتها وكأنها استخدام سنة، يعني مفيهاش خربوش والتابلوه بحالته، والدركسيون زيرو، يعني حضرتك ممكن تلاحظ الحاجات دي بوضوح تام لأن 30000كم دول يعني العربية مامشيتش سنتين على بعض، ومن ناحية إنك ممكن تلاقي عربية كده فموجود وفعلا شوفت بعيني حالات نادرة كده

**mohamedadelemam** · 20-10-2012 02:34 PM

يا جماعة عادى انا عندى سيارة والدتى ميجان هاتشباك 2005 وعاملة أقل من 25 ألف وسينيك بتاعة والدى نفس الموديل عاملة حوالى 45 ألف..إحنا لأننا شباب فبيبقى استهلاكنا للسيارة أكثر منهم كتيييييير

**Mohab.Nabil** · 20-10-2012 06:04 PM

هو بصراحة الرقم غريب جدا يعنى كده حد جايب العربية و مش بيتحرك بيها و لا ايه

يعنى بحسبة بسيطة 30.000 على 10 سنين = 3 الاف كيلو فى السنة يعنى متوسط الاستهلاك قليل اوى اوى

طبعا ممكن يبقى صاحبها ليه ظروفه و كان عنده عربية تانية مثلا

اظن ان التوكيل او اى حد شغال فى الستروين يقدر يأكد موضوع العداد ده انه ملعوب فيه ولا لا

و برضه زى ما الاخوة قالوا حالة العربية هتبان يعنى لو مشيت قليل كده مفروض حالتها تبقى نضيفة

**A.Adel** · 21-10-2012 01:17 AM

ممكن عادي لو دي 2 أو 3 عربية عند اللي إنت شاريها منه
يعني مش بيستعملها غير قليل

بس الرقم يخوف برده ,بصراحة قليل قوي

**msalahasd120** · 21-10-2012 10:32 AM

شكرا ياجماعة ان شاء الله هرفع العربية عند ايهاب جلال فى المعادى واكيد هيعرف العربية عملة كام كيلو واكيد هعرفكم الموضوع

**rahieb_100** · 23-10-2012 06:20 PM

متابع باهتمام
باشا الافضل انك تكشف عليها فى التوكيل لانه هو الوحيد اللى هايقدر يديك تاريخ العربية صح
لانه المفروض انها مقيدة فى النظام (السيستم) عندهم بتواريخ بيعها وصياننتها و عداد "كم" بتاعها

**benmatar** · 24-10-2012 12:44 PM

الحكاية أبسط من كده
العربية اللي عاملة الكيلومتر ده
يبقى صالونها بحالته تماما، وصاجها فابريقة بالكلية، والموتور فلة، وكل حاجة شغالة وبكفاءة
أكيد هتبان