امامي m11 موديل 2012 عاملة 1000 كيلو و مرخصة من شهر ب 66 الف أشتري يارجالة و لا ايه ؟

**aftr** · 20-10-2011 03:08 PM

المشاركة الأصلية كتبت بواسطة mikology

بالرغم من ان الاعضاء ابتدو يسبو الموضوع و يتهكمو على شخصى بس انا هاقول اللى شوفته قدامى من العربيه دى و كمان عشان صاحب الموضوع تكون وصلته الشهاده كامله
العربيه دى مع اخويا عامله 20 الف دلوقتى
عند ال 10 الاف غير 4 طنابير و4كاليبر وتيل كامل - عيب صناعه وحاليا فى ال 20 غير تيل تانى - فى مشكله فى الفرامل مش عارفين يحلوها
التكييف ضعيف
الموتور بقى ضعيف عن اول ما جت
القربه بتاعه الميه ضربت من كام يوم و قعدوه 10 ايام وفى الاخر قالوله مش موجوده لحد ماهو راحلهم بنفسه و عمل مشكله وطلعت موجوده وهما اللى اسف فى اللفظ مساطيل
و حاجات صغيره من التقفيل مقبول بيها لانها زى ماقولتو عربيه على قد فلوسها
فيا جماعه - لما اجيب عربيه زيرو يحصل ده كله فيها فى 20000 وكمان التوكيل بالشكل ده
يبقى بلاش منها

ومش هارد تانى عشان انا قولت المهم الى (صاحب الموضوع ) محتاج يعرفه
وشكرا

فعلا عربيه لايعتمد عليها وعن تجربه ونصيحه بلاش منها خالص ومن الاخر ابعد عن الصينى ابشنز على الفاضى زى التليفون الصينى

**hugan** · 21-10-2011 04:28 PM

المشاركة الأصلية كتبت بواسطة mikology

وانت فين نصحيتك انت ؟؟؟
ربنا يهدى

لو انا امتلك العربيه انصحه بعيوبها ومميزاتها
انما افتي وخلاص بدون علم ما ينفعش

**venus** · 21-10-2011 10:08 PM

السلام عليكم
العربيه معايا من 10 2009 و العداد الأن عامل قرابه 50 ألف
العربيه مميزات كبيرة من عفشعه و ماتور حمال أسيه و فرامل و تكيف ثلاجه و رفاهيه و ثبات و غيرة الكثير من المميزات مقارنه بمثيلاتها
أما العيوب زي أي عربيه و إلي يقولك فيها عيوب كتير يبقي مجربشي الفيرنا ولا الانوس و لا الأفيو ....

العربيه ممتازه و شهادة لله سبحانه وتعالي و لو الزمن رجع بيها حجبها تاني
العيوب إلي قابلتني خلال السنتين و 50 ألف كيلو
1- الطنابير الاماميه و تم تغيرها في صيانه 25 الف
2- قربه المياه و تم تغيرها في صيانه 30 ألف
و بعض المشاكل البسيطه الموجودة في أي عربيه و تم حلها في التوكيل بفضل الله
انا داخل علي صيانه 50 الف كيلو و مش لاقي عيوب اقول عليها للتوكيل و في صيانه 45 الراجل بتاع الاستقبال قالي ايه العيوب عشان نحاول نحلها في صيانه 45 قولتلو فيش أي شيئ و الحمد لله كله تمام ...
اللهم لك الحمد
توكل علي الله صلي صلاة إستخارة و سيكتب لك الله الخير بإذن الله

**esam722** · 21-10-2011 10:23 PM

المشاركة الأصلية كتبت بواسطة hugan

لو انا امتلك العربيه انصحه بعيوبها ومميزاتها
انما افتي وخلاص بدون علم ما ينفعش

على فكرة ياهوجان
التعليق اللى انت كتبة عندك ده بينفع فى اوقات كتير
المشكلة ان كل اللى بيقول لا ميعرفش حاجة عن العربية
ده بالاضافة انه لو معاه عربية موجود منها 3 او 4 عربيات فى المحروسة هيقولك ان اختيارة اختيار صح وانه مفيش اختيار بعده
وبعدين صاحب الموضوع سئل عن الام 11 يعنى ملاكها يقولوا رأيهم
مش اقعد عند ميكانيكى وكل ماشوف عربية فيها حاجة تبقى الماركة كلها زبالة
والاسم انى بأنصح

**hugan** · 21-10-2011 10:45 PM

المشاركة الأصلية كتبت بواسطة esam722

على فكرة ياهوجان
التعليق اللى انت كتبة عندك ده بينفع فى اوقات كتير
المشكلة ان كل اللى بيقول لا ميعرفش حاجة عن العربية
ده بالاضافة انه لو معاه عربية موجود منها 3 او 4 عربيات فى المحروسة هيقولك ان اختيارة اختيار صح وانه مفيش اختيار بعده
وبعدين صاحب الموضوع سئل عن الام 11 يعنى ملاكها يقولوا رأيهم
مش اقعد عند ميكانيكى وكل ماشوف عربية فيها حاجة تبقى الماركة كلها زبالة
والاسم انى بأنصح

نقول ايه بس
والله ياخ عصام كل ما الواحد يقول ان التجاهل افضل
لكن ما بستحملش لما الاقي حد بيتكلم كلام غلط

**chicobon** · 29-10-2011 12:38 AM

بلتوفيق ان شاء الله

**emad7759** · 03-11-2011 03:09 PM

المشاركة الأصلية كتبت بواسطة hemaa_82

العربية معايا الحمد لله من 9-2009.... يعني قفلت سنتين ... عامل 33 الف كيلو .....

مشيت بالعربية تقريبا في كل الظروف ... طرق سليمة و طرق مدغدغة ... وانا اساسا بروح الحرفيين كتير و لمن لا يعلم طبعا الحرفيين دي اسوء طريق في الحياة ...

العربية اتخبطت كذا مرة و الحمد لله مشنشتش ولا فككت

و لسة عند رأيي امام ربنا ... لو هشتري النهاردة ب 75 هجيبها برده

و لحد ال 95 او ال 100 مفيش عربية تخليني اغير ....

العربية شكل و دي ازواق
امان .. فرامل و تحميل صاج و ثبات
راحة ... اركبها و اركب اللي في رينج سعرها واحكم
متانة بقي ... انا شربون الدينامو خلص و اتعمل في الضمان و كانت عاملة سنة
قربة المياه اتشرخت في خبطة و اتغيرت علي الضمان
التكييف فيه ماسورة اتشرخت من مطب جامد جدا و اتغيرت علي الضمان

احيانا بيكون في تأخير في قطع الغيار بس للامانة من الربع الاول لسنة 2011 و الدنيا احسن كتير

الله ينور عليك ياهيما انتا جبت الخلاصه

وان هضيف بس حاجه طبعا الكل عرف انا عندى مشاكل

فى الام11 والحمد لله اناىحولت اغير وجربت

عربيات لحد فئه ال100000

ولله العظيم معرفت امشى بيها زى الام 11

وانا بقول للى هيشترى الام11 دى لو ليه نصيب واشترها

ولله ماهيعرف يركب عربيه بنفس التمن تانى

والشىء الجميل ان الصينين

من الشهر ده هيكونه موجدين فى التوكيل

يعنى ان شاء لله جميع المشاكل سيتم حلها

بس انا هقول ليك على شىء

الام11 فيها ثلاث اشياء لابد من تغيرهم وهما كده كده بيغيره على الضمان
وهما مكن الزجاج الخلفى وقربه المياه الخاصه بالدادير العربيه

وطبعا الحمد لله هما جابه الثلاثه حجات دول من الصين

وانا طبعا بقول ليك توكل على لله واشتريها

لانها ان شاء لله اى مشكله هتقبلك ان شاء لله هيتم حلها بكل يسر

وطبعا انا عربيتى جيبه فى نفس تاريخ اللى اشترى فيه هيما

وانا والحمد لله عربيتى عامله 94000 كيلو الان

والحمد لله لم توقفنى على اى طريق

فاتوكل على لله واشتريها

وخد النصيحه من واحد كان بيسب ويلعن فى العربيه

**hugan** · 04-11-2011 12:47 AM

معقوله غيرت رائيك في العربيه بعد الحرب اللي كنت عاملها عليها
بامانه الاسبرانزا عربيه محترمه جدا
صفقه ناجحه وتساوي اكتر من ثمنها

الموضوع: امامي m11 موديل 2012 عاملة 1000 كيلو و مرخصة من شهر ب 66 الف أشتري يارجالة و لا ايه ؟

LinkBack

أدوات الموضوع

عرض

-

-

-

-

المواضيع المتشابهه

عربيتك موديل كام؟عاملة كام كيلو؟غيرت فيها ايه؟

اكسارا 2 عاملة 30 الف كيلو موديل 2002 ؟؟؟

انا بكرة رايح صيانة 1000 والعربية عاملة 900 كيلو عادى ولا مش عادى ؟

C 280 موديل 2008 عاملة 35 الف كيلو ومعروضة ب 330 الف جنيه

رينو رينبو موديل 97 عاملة 300 ألف كيلو!!

الكلمات الدلالية لهذا الموضوع

المفضلات

المفضلات

ضوابط المشاركة