رأي واستشارة في :اللاصقات المزيلة للسموم

**Karim_Monir** · 19-10-2011 05:55 PM

Foot Patch detox اللاصقات المزيلة للسموم

حد يعرف عنها حاجة غير اللي مكتوب على النت
هل هي فعلا مساوية للحجامة ولا برضه زي اساور الطاقة وغيرها
لو حد ليه تجربة معاها يا ريت يفيدنا
لو في راي علمي من مكان موثوق منه يا ريت يفدنا برضه

**msafa** · 19-10-2011 06:02 PM

والله وانا كمان

انا من كتر الغش اللي في السوق توقعت انها مادة بتغير لونها مع العرق او حجب الضوء او الهواء
يا ريت فعلا اللي يعرف يفيدنا

**shadygalal669** · 19-10-2011 06:03 PM

استاذ كريم

لو قصدك ع اللزقه اللي بتتباع في التلفزيون دي بتتلزق ع الرجل دي ب100 جنيه

دي الحاج جابها و بيقولي ملهاش لازمه و اللزقه مش بتسود اوي زي ما باين في الاعلانات

هاتلك حاجات الحجامه اسمع انها بقت رخيصه اوي دلوقتي .. انا كان جايلي هديه الكاسات بتاعت الحجامه ال5 و الجزء اللي بيتشد ده و بعملها للحاج وطريقه عملها سهله و بتريحه فعلا

**Dr_Mido** · 19-10-2011 06:27 PM

اشتغاله اى فنى معمل من اللى بيحضرو المعامل للطلبه ممكن يركبلك اى مادة تسود بعد فترة محددة حتى لو مش لازقها مادة بتتاكسد بالهواء ولا ااقراص علاج الكبد اللى بيعرضهلنا الشيخ ابو بدقن العلامه بتاعه مركز الصفاء الله يرضى عنك متفكرنيش بالنصب العلنى ده لحسن بيعليلى الضغط وبيخلينى يقول كنت وفرت التعليم وفلوسه وطلعت نصاب

**أحمد كمال** · 19-10-2011 07:38 PM

اي حاجة عليها كلمة detox تبقى نصب لان مفيش حاجة اسمها detox اساسا

**النوبي** · 23-10-2011 04:23 AM

ياجماعه الموضوع ده ليه ابعاد كبيره مش مجرد النصبايه في المنتج لا النصب علي كبير وعلي واسع
1-شخص معاه قرشين حلوين ينزل الصين وينقي اي بلح في بتنجان يكون بتراب الفلوس
2-اعلان محترم في التلفزيون (وهي دي المصاريف)
3-اسم شركه من الهواء(اسم مزيف)+مقر مزيف (مفيش شركه من دول هتحاول توصلها هتلاقيلها مقر مستحيل)
طريقه البيع بجد فيها ابتكار وامان علشان النصاب يعرف يخلع
اولا كلنا بنلاقي كلمه (+مصاريف الشحن)
الكلمه دي فيها الليله كلها
ازاي
انت بتتصل بالشركه والشركه بيقولولك هنوصلك خلال يومين الي اربعه ايام
يقوم يجمع الاوردرات عنده وبتيجي شركات شحن متخصصه في الكلام ده ياخد الاوردارات كلها ويحاسب عليها كاش من مكانها ويوصلها الي الزبون وياخد الشحن اللي بيكون من 30 الي 70 جنيه حسب المكان
طبعا لما ياخد 50 طلب يوميا في 30 جنيه في القاهره هو اللي كسبان (وطبعا الطلب عباره عن علبه تتشال في الجيب)
طيب لما ياخد 200 طلب يوميا في 40الي 70 جنيه لوجه قبلي
علشان كده بيخلوهم يحاسبوا كاش علي البضاعه وكمان الشركات بتتخانق علي اللي ياخد اكبر كميه
طبعا في اي وقت الشركه تقفل ويتضح انها شقه مفروشه وبعدها بكام يوم ينزل الصين وينقي تاني اي بلح في بتنجان وينزله اعلان جديد واسم شركه جديد ويطلع الشعر ويبيض الجسم ويشد الوش ويخسسك وطولك ويرفعك وهكذا....الخ
شفتوا المكسب اللي من الهواء جاي ازاي للتاجر اللي بيبيع الهواء والراجل اللي بيوصل الهواء (انا جاني برد من كميه الهواء دي)
والشركات دي كلها شغاله بالطريقه دي
واتعرض عليا اكتر من مره افتح مكتب شحن واشتغل معاهم

**Seifmando** · 23-10-2011 12:26 PM

المشاركة الأصلية كتبت بواسطة shadygalal669

استاذ كريم

لو قصدك ع اللزقه اللي بتتباع في التلفزيون دي بتتلزق ع الرجل دي ب100 جنيه

دي الحاج جابها و بيقولي ملهاش لازمه و اللزقه مش بتسود اوي زي ما باين في الاعلانات

هاتلك حاجات الحجامه اسمع انها بقت رخيصه اوي دلوقتي .. انا كان جايلي هديه الكاسات بتاعت الحجامه ال5 و الجزء اللي بيتشد ده و بعملها للحاج وطريقه عملها سهله و بتريحه فعلا

ممكن اعرف منين وبكم ادوات الحجامة
شكراً

-

-

الموضوع: رأي واستشارة في :اللاصقات المزيلة للسموم

LinkBack

أدوات الموضوع

عرض

رأي واستشارة في :اللاصقات المزيلة للسموم - انشر الموضوع فى :

-

-

-

-

-

المواضيع المتشابهه

فيات 127 واستشارة عاجلة لاخوكم المحتار

طلب رأي واستشارة فى اوبل فكترا a موديل 1994

صدمة من سمير ريان واستشارة لاصحاب الخبرة

محتاج مساعدة واستشارة

الكلمات الدلالية لهذا الموضوع

المفضلات

المفضلات

ضوابط المشاركة