الموضوع: محتار اشترى يابانى ولا كورى ولا اية

المشاركة الأصلية كتبت بواسطة crayvor

هع هع هع... لا مؤاخذة الضحكة دي والله ما عليك أنا بس كل ما افتكر التأمين باضحك شوية..
حوار التأمين دا لو انت ف أي دولة التأمين فيها محترم.. اسأل اي حد هنا بيتعامل مع التأمين وشوف حايقولك اييه... دانت بتدفع فلوس حاجات ولا انت ولا حتي الموظفين نفسهم فاهميين بتدفعها لييه وفي اييه!!

أعتقد ان ترشيحات الصني كتير وبصراحة عربية محترمة وماتتعابش.

معلش حضرتك اذا كان ليك تجربه سيئه او سمعت عن حد حصل له مشكله مع شركه تامين ده مش معناه ان كل الشركات كده و من الخطأ التعميم على الكل و احنا هنا بننصح اخ عايز ياخد قرار مهم بالنسبه له و كل واحد بيحاول ينصحه على قد ما يقدر و اعتقد ان نبره التريقه دى حاجه لا داعى لها و شكرًا لك

المشاركة الأصلية كتبت بواسطة wshawky

معلش حضرتك اذا كان ليك تجربه سيئه او سمعت عن حد حصل له مشكله مع شركه تامين ده مش معناه ان كل الشركات كده و من الخطأ التعميم على الكل و احنا هنا بننصح اخ عايز ياخد قرار مهم بالنسبه له و كل واحد بيحاول ينصحه على قد ما يقدر و اعتقد ان نبره التريقه دى حاجه لا داعى لها و شكرًا لك

مش باتريق ولا حاجة وعشان كدة حلفتلك في الأول ان مش قصدي أي تريقة.. بس للأسف دا ماكنش موقف واحد.. أول موقف كان مع والدي ودي من فترة كبيرة وربنا ستر انها ماكنتش ف حاجة كبيرة. الموقف التاني واللي يضايق بجد مع مدير فرع تاني ف نفس الشركة في الشغل معاه لانسر ونقل دخلت فيها وهي واقفة.. ورغم اثبات الموضوع كله في المحضر واثبات ان التلفيات أكتر من 40% من العربية التأمين مازال مش راضي يدفع أي مليم!! وحاليا الراجل رفع قضية علي شركة التأمين نفسها يمكن يحسو علي دمهم.
الموضوع ده دخل في 6 شهور لغاية دلوقتي!! تخيل؟؟ واحد بقاله نص سنة كعب داير من غير عربية رغم ان معاه لانسر فقط لأن التأمين تنح.

أنا عارف اني بانصح واحد بياخد قرار مهم وانا تقريبا محطوط حاليا في نفس الموقف.. بس الزمان ده ماينفعش فيه الواحد يدفع اللي وراه واللي قدامه ف عربية ويكمل كمان أقساط من مرتب عمل يا عالم حايحصل فيه ايه قدام.. ولو العربية دي (لا قدر الله) حصل لها حادثة ولا حصلت اخواتها اللي اتهربو لغزة يبقي ايه الحال؟ 10 ألاف عربية جديدة أكيد فيه منهم اللي لسة ماكملش اقساطه وفيه منهم اللي حاطط كل فلوسه فيها. افرض حصل اي ظرف طارئ واحتاج مبلغ يعمل ايه وهو كل اللي معاه عربية عليها حظر بيع عشان لسة عليها اقساط؟
أنا مابحبش أقول الكلام ده خبط لزق لأي حد بانصحه عشان الكلمتين المصريين اياهم "بعد الشر" "فال الله ولا فالك" "يا عم تف من بقك ربك بيسهلها" ربك بيسهلها ع المكروب مش اللي بيضيع كل اللي معاه علي عربية ويقول يا رب سهلي.

دا مبدأ ليا في الحياه.. والله انا مش باجبر حد يتبعه بس علي الأقل لو حد طلب نصيحتي باديهاله.

شكرًا حضرتك على التوضيح لانى كنت اتضايقت بجد من الرد السابق ووجهه نظرك تحترم طبعا و عندك أسبابك وزى ما قلنا احنا الاتنين احنا بنقدم النصيحة لاخونا صاحب الموضوع وربنا يوفقه للخير ان شاء الله و يكرمنا جميعا