الموضوع: لكل ملاك مازدا 3 2010-2011 !!!!

مثبت السرعة اختراع لو انت بتسافر على اسكندرية الصحراوي أو العين السخنة وعايز تمشي على 100 (أو 120 بالكتير).. غير كدة مالوش تلاتين لازمة.... يعني زراعي ما ينفعش، دائري ماينفعش، سرعة أكتر بكتير من سرعة الطريق القصوى برضه ماينفعش (عشان حتضطر تفرمل كتير وحيخنقك)

بس هو ميزته إنه بيوصلك أسرع من لو حتمشي من غيره على نفس السرعة... عشان عمرك ما حتعرف تظبط على 100 بالظبط طول الطريق من غيره

في أمريكا بأة... تلاقي صف عربيات 10 أو 15 عربية ماشيين على الهاي واي... كلهم على مسافات متساوية بينهم وبين بعض لا بتزيد ولا بتنقص، ومفيش حد بيعدي حد... وكله مشغل مثبت السرعة وعايش حياته.... يعني هو في الحقيقة بيستخدم كوسيلة أمان لتقليل الحوادث... بس طبعا دة في أمريكا.... عقبالنا إن شاء الله :)

هو فعلا في مصر مثبت السرعه ملوش لزمه لان الطرق مبتسمحش بالجري اساسا علي سرعات كبيره في يومك العادي ... سؤال لاصحاب المزدا الشكل الجديد 2011و2010 سوقها ماشي في مصر ولا لسه مش منتشرة وياتري عليها طلب ولا الناس بتحب الشكل القديم اكتر ...انا عن نفسي شايف ان الجديد احلي بكتير وفي عيوب كتير اختفت عن القديم زي مثلا عزل الصوت واعلي عن الارض من الشكل القديم والهاي لاين الكراسي رياضية والزينون وهكذا ولا رايكوا ايه ؟؟؟

المشاركة الأصلية كتبت بواسطة mohamed456

كلامك مضبوط يا romar لو ثبت السرعه مش حتوصل بسرع زى منتى عايز يس هوا المثبت بصراحه امان و كمان مريح جدا لل سايئق العربيه بس الراجل الجميل aaldrene i هوا عايش فى السعوديه فا الطرق طبعا منظمين عن هنا
طيب سؤال هوا ممكن اشترى حاجه من السعوديه و اركبها هنا فى مصر اصل انا عندى واحد صحبى فى جده ممكن اشتريهالى
ذى كار كيت ( اجراء اتصال و مكلمات و سماعه ) او النيفيجيشن ينفع يتركب على الشاشه الهاى لين

ممكن يبعت لك اكيد اي حاجه من هنا والموضوع سهل جدا عن طريق شركة شحن مثلا بس الاهم هتلاقي حد يعرف يركب الاجزاء دي في مصر زي مثلا الجي بي اس علي الشاشه الهاي لاين ده اشك بس لو عايز تركب جي بي اس في طريقه اسهل اللي هيه الكاسيت التوتش وهو كمان ممكن يبقي فيه ويرليس وجي بي اس وكل الحجات دي وسهل تركيبه جدا ... وفعلا انا عندي مثبت السرعه ده مهم جدا الطرق هنا كبيره والسرعات عليها تحتاج جي بي اس .

والله انا شايف ان العربية زي الفل ومش محتاجه حاجه شكلها رياضي من بره ومن جوه فيها كل الكماليات هي بس ناقصها الجي بي اس وموضوع الويرليس والكار كيت وانا برده محتاج مثبت السرعه ... وعلي فكره شكل الكاسيت التاتش جامد وانا بصراحه بفكر اجيبه وفي الرابط ده معلومات عنه 2010 Mazda 3 DVD GPS Navigation System w/ DVD Player Radio Bluetooth Phone iPod Support

المشاركة الأصلية كتبت بواسطة khaledzoom3

السلام عليكم ،.......
أولاً أنا معايا مازدا 3 2011 العادية مش الهاي لاين ....أنا لاحظت إن في الشاشة إلي هي موجودة ف التابلوه فوق خالص دي إلي بيتعرض فيها معلومات الكاسيت وفي زيها بزبط ف الهاي لاين بس بيظهر فيها كل حاجة معلومات الكاست والتكيف ...... ،.....فطبعاً أنا فكرت بمخي الذري دا وقلت مدام هي موجودة عندنا يبقى أكيد ممكن نخليها تعرض المعلومات دي بطريقة معينة برمجة بقى أو توصيلات مش عارف !

هل د ممكن يحصل ولا دي أحلام يقظة xd !

دي صورة بتوضح كلامي الشاشة الحمرة دي موجودة ف العربيتين عادي بس احنا عندنا شغال الجزء بتاع الكاست والساعة بس لكن ف الهاي لاين بتبقى زاي دي كدا
http://www.geek.com/gearlog/images/2...-sgt4dr-06.jpg

عشان الموضوع دى لو نفع بجد هيخلي التابلوه أحلى بكتير وأكيد إلي معهم العربية فهمين قصدي

بص يا باشا انا صحيح معايا مازدا 2005 ولكن على دراية كاملة بجميع الموديلات من اول 2005 حتى 2011 وبالنسبة لطلبك فدة مستحيل الا لو غيرت التكييف العادى الى تكييف تتش ديوال زون لان التكييف التتش بيبفى خارج مجموعة سلوك صغيرة و فى اخرهم فيشة صغيرة بشكل معين بتتصل بالشاشة و هى المسئولة عن القراءات على الشاشة و بالنسبة للنفيجيشن انا كنت اشتريت كاسيت تتش فية نفبجيشن و تلفزيون و دى فى دى و بلوتوث وحاجات تانية كتير و كان مخصص للمازدا 3 الشكل الاقديم وكان من السجان بسعر 3000 جنية وللاسف طلع كاسيت تييييييييييييييت لانة اول مشكلة ظهرت فية ان الفيشة اللى مسؤلة عن القراءات وصلة من الكاسيت الاصلى الى الشاشة مش موجودة فى الكاسيت الجديد... الى جانب ان خرج الصوت بتاع الكاسيت كان زى ال....... طبعا بخلاف مشاكل حصلت بعد كدة فى شغل الدى فى دى و حاجات كتيرة كدة و دة طبعا علشان صينى و على فكرة هو دة اللى موجود على النت و فى مشاكل بانسبة لنفس الكاسيت للمازدا الشكل الجديد لانة نفس الامكانيات و الصناعة مع اختلاف الشكل حسب التابلوة الجديد ياريت اللى عايز يركب النفيجيشن التتش للعربية يجيبة اصلى من اليابان من مازدا نفسها.

المشاركة الأصلية كتبت بواسطة mmazhar

بص يا باشا انا صحيح معايا مازدا 2005 ولكن على دراية كاملة بجميع الموديلات من اول 2005 حتى 2011 وبالنسبة لطلبك فدة مستحيل الا لو غيرت التكييف العادى الى تكييف تتش ديوال زون لان التكييف التتش بيبفى خارج مجموعة سلوك صغيرة و فى اخرهم فيشة صغيرة بشكل معين بتتصل بالشاشة و هى المسئولة عن القراءات على الشاشة و بالنسبة للنفيجيشن انا كنت اشتريت كاسيت تتش فية نفبجيشن و تلفزيون و دى فى دى و بلوتوث وحاجات تانية كتير و كان مخصص للمازدا 3 الشكل الاقديم وكان من السجان بسعر 3000 جنية وللاسف طلع كاسيت تييييييييييييييت لانة اول مشكلة ظهرت فية ان الفيشة اللى مسؤلة عن القراءات وصلة من الكاسيت الاصلى الى الشاشة مش موجودة فى الكاسيت الجديد... الى جانب ان خرج الصوت بتاع الكاسيت كان زى ال....... طبعا بخلاف مشاكل حصلت بعد كدة فى شغل الدى فى دى و حاجات كتيرة كدة و دة طبعا علشان صينى و على فكرة هو دة اللى موجود على النت و فى مشاكل بانسبة لنفس الكاسيت للمازدا الشكل الجديد لانة نفس الامكانيات و الصناعة مع اختلاف الشكل حسب التابلوة الجديد ياريت اللى عايز يركب النفيجيشن التتش للعربية يجيبة اصلى من اليابان من مازدا نفسها.

لو سمحت يا باشا انا كنت بفكر فى موضوع تغير التكيف ل تاتش دة انا معايا 2008
بس هل الموضوع دة سهل ولا بيبقى فيى شغل وهل ححتاج اغير الشاشة الى فوق الكاسيت ولا لا ؟؟؟

المشاركة الأصلية كتبت بواسطة omarkhaled55

لو سمحت يا باشا انا كنت بفكر فى موضوع تغير التكيف ل تاتش دة انا معايا 2008
بس هل الموضوع دة سهل ولا بيبقى فيى شغل وهل ححتاج اغير الشاشة الى فوق الكاسيت ولا لا ؟؟؟

بص يا باشا انت مش محتاج تغير الشاشة خالص وبالنسبة لتغيير التكييف اتصل بسمارت كار و اطلب الباشمهندس ايمن هو هيعملك كل حاجة و ان كان رأى الشخصى انك حتتكلف كتير جدا بدون داعى يعنى كنت جبتها من الاول بتكييف تتش ..و عموما هو طبعا فى اختلاف بين التتش و العادى سواء فى الشكل او الامكانيات ولكن مش لدرجة انى ادفع مبلغ اعتقد انة حيبقى كبير عشان اغير لانة طبعا حيجبهولك مخصوص من برة وحيبقى بيجيب قطعة واحدة مع تكلفة الشحن و التركيب ...الخ حتلاقى الموضوع دخل فى الالفات.

المشاركة الأصلية كتبت بواسطة mmazhar

بص يا باشا انت مش محتاج تغير الشاشة خالص وبالنسبة لتغيير التكييف اتصل بسمارت كار و اطلب الباشمهندس ايمن هو هيعملك كل حاجة و ان كان رأى الشخصى انك حتتكلف كتير جدا بدون داعى يعنى كنت جبتها من الاول بتكييف تتش ..و عموما هو طبعا فى اختلاف بين التتش و العادى سواء فى الشكل او الامكانيات ولكن مش لدرجة انى ادفع مبلغ اعتقد انة حيبقى كبير عشان اغير لانة طبعا حيجبهولك مخصوص من برة وحيبقى بيجيب قطعة واحدة مع تكلفة الشحن و التركيب ...الخ حتلاقى الموضوع دخل فى الالفات.

يا باشا وعلى اية يجبهولى من برة ما معلش يعنى ربنا يخليلنا الحرفين فيها منة بدل الواحد 1000
ولو على التركيب دة لازم يكون فى التوكيل او حتى فى سمارت ؟؟؟
ولا ممكن فى الحرفيين برضو ؟؟؟؟