لكل ملاك مازدا 3 2010-2011 !!!!

**Khaledzoom3** · 20-10-2011 02:30 AM

السلام عليكم ،.......
أولاً أنا معايا مازدا 3 2011 العادية مش الهاي لاين ....أنا لاحظت إن في الشاشة إلي هي موجودة ف التابلوه فوق خالص دي إلي بيتعرض فيها معلومات الكاسيت وفي زيها بزبط ف الهاي لاين بس بيظهر فيها كل حاجة معلومات الكاست والتكيف ...... ،.....فطبعاً أنا فكرت بمخي الذري دا وقلت مدام هي موجودة عندنا يبقى أكيد ممكن نخليها تعرض المعلومات دي بطريقة معينة برمجة بقى أو توصيلات مش عارف !

هل د ممكن يحصل ولا دي أحلام يقظة XD !

دي صورة بتوضح كلامي الشاشة الحمرة دي موجودة ف العربيتين عادي بس احنا عندنا شغال الجزء بتاع الكاست والساعة بس لكن ف الهاي لاين بتبقى زاي دي كدا
http://www.geek.com/gearlog/images/2...-sGT4DR-06.jpg

عشان الموضوع دى لو نفع بجد هيخلي التابلوه أحلى بكتير وأكيد إلي معهم العربية فهمين قصدي

**Khaledzoom3** · 20-10-2011 03:05 AM

http://www.geek.com/gearlog/images/2...-sGT4DR-06.jpg

**romar** · 20-10-2011 09:39 AM

شوف يا برنس.....

الشاشة الحمرا في الهاي لاين مافيهاش غير معلومات الكاسيت والتكييف بس، مافيش أي حاجة تانية... بقية الشغل بيبقى في الشاشة التانية، حتى الساعة في الهاي لاين بتبقى في الشاشة التانية (زي الصورة اللي انت وريتهالنا).

معنى كدة إن الفرق بين البيسك والهاي لاين بالنسبة للشاشة الحمرة هو في معلومات التكييف فقط، وبما إن التكييف في الهاي لاين بيختلف عن البيسك في عدة أشياء زي إنه أوتوماتيك (شغال بنظام درجات الحرارة) وفيه دوال زون والمروحة فيه سبع أو تمن مستويات (أعتقد إن البيسك أربعة بس) فأنا أعتقد إنه جايز يكون الاختلاف بين التكييفين ده هو سبب عدم ظهور معلومات التكييف على الشاشة الحمرة في البيسك، وذلك لأن تكييف البيسك أصلا مالوش كابل داتا واصل بالشاشة (أنا بفتي آخر حاجة على فكرة).

**Ahmed Eldreny** · 20-10-2011 12:02 PM

اعتقد ان كلام الاخ romar كلام سليم لان فعلا التكييف مختلف في الاتنين ده ديجيتال والتاني لا وفعلا الشاشه التانيه هي اللي فيها اغلب المعلومات مش الحمراء بس السؤال بقي ممكن اضيف في الشاشة الصغيره دي جي بي اس لان انا معنديش فيها جي بي اس وبالمناسبه انا معايا الهاي لاين هاتش باك

**Ayman_A1** · 20-10-2011 02:01 PM

المشاركة الأصلية كتبت بواسطة aaldrene

السؤال بقي ممكن اضيف في الشاشة الصغيره دي جي بي اس لان انا معنديش فيها جي بي اس وبالمناسبه انا معايا الهاي لاين هاتش باك

أولاً:الشاشات دى عبارة عن سطور للتكست بس بالاضافة لاشكال الأيكونز المخزنة فيه طبعا .. ماعتقدش ينفع تشغل خرائط لأن دى بتكون صورة

ثانياً: بالنسبة لتعديل شاشة البيس ماعتقدش ينفع تعديل حاجة فى الشاشة دى لأن الموضوع مش مجرد display الموضوع ان فى حاجات مرتبطة بالكلام دة .. يعنى مثلاً متوسط استهلاك البنزين دة له علاقة بالمسافة المقطوعة ودوسة البنزين والعوامة .. درجة الحرارة برة العربية أكيد فى سنسور... الخ

وطبعا التكييف فى البيس مانيوال مش ديجيتال

**mohamed456** · 20-10-2011 04:29 PM

المشاركة الأصلية كتبت بواسطة ayman_a1

أولاً:الشاشات دى عبارة عن سطور للتكست بس بالاضافة لاشكال الأيكونز المخزنة فيه طبعا .. ماعتقدش ينفع تشغل خرائط لأن دى بتكون صورة

ثانياً: بالنسبة لتعديل شاشة البيس ماعتقدش ينفع تعديل حاجة فى الشاشة دى لأن الموضوع مش مجرد display الموضوع ان فى حاجات مرتبطة بالكلام دة .. يعنى مثلاً متوسط استهلاك البنزين دة له علاقة بالمسافة المقطوعة ودوسة البنزين والعوامة .. درجة الحرارة برة العربية أكيد فى سنسور... الخ

وطبعا التكييف فى البيس مانيوال مش ديجيتال

كلام يا ايمن سليم
انا معايا مازدا 3 هاى لين 2010
طبعا اكيد مش حينفع تشغل اى حاجه على الشاشه الحمرا غير البيانات ال بتعرضا و بس
اما بلنسبه للشاشه الهاى لين
فا انا بحاول مع الوكيل و كمان مع مازدا اليابان ان الشاشه يركب لها نيفجيشن و طبعا الوكيل يقول مش ينفع رغم انها مجهزه بس قال لى انه ممنوع النيفيجشن فى مصر عشان كده مش بتنزل
النقطه التانيه ان الشاشه الهاى لين بتعرض درجه الحراره و دوسه البنزين مع استهلاك البنزين و كمان تقدر تمشى بيها اد ايه كيلو متر و الموجود فى تنك البنزين و كاست كمان
و اكتشفت حاجه اخير كمان جامده لما امشى بالعربيه و الهاند بريك مرفوعه بيدينى صوت زماره خفيفه و بيكتب ان الهاند بريك مرفوعه نزلها يا تييتتتتتتتتتتتتتتتتتتتت ههههههههههههههههههههههه
و يارات لو حد عنده افكار جديده يقول لنا للفائده

**Khaledzoom3** · 20-10-2011 09:20 PM

يا جماعة أنا كان قصدي إن مثلا هل ممكن إن أنا أعدل حاجة ف العربية بحيث اني لما استخدم التكيف العادي يظهر على الشاشة الحمرا ؟!

كأنو مثلن حاجة شبة الالة الحاسبة كدا ؟؟؟

لم أعمل على واحد يظهر أول مستوى ف المروحة ولم أعمل مثلن فؤ وتحت يظهر كدا بردو ؟؟

أنا حاسس انها مش حاجة مستحيلة يعني بس عايزة شوية مخ كدا

**himaz** · 21-10-2011 03:34 AM

المشاركة الأصلية كتبت بواسطة mohamed456

كلام يا ايمن سليم
انا معايا مازدا 3 هاى لين 2010
طبعا اكيد مش حينفع تشغل اى حاجه على الشاشه الحمرا غير البيانات ال بتعرضا و بس
اما بلنسبه للشاشه الهاى لين
فا انا بحاول مع الوكيل و كمان مع مازدا اليابان ان الشاشه يركب لها نيفجيشن و طبعا الوكيل يقول مش ينفع رغم انها مجهزه بس قال لى انه ممنوع النيفيجشن فى مصر عشان كده مش بتنزل
النقطه التانيه ان الشاشه الهاى لين بتعرض درجه الحراره و دوسه البنزين مع استهلاك البنزين و كمان تقدر تمشى بيها اد ايه كيلو متر و الموجود فى تنك البنزين و كاست كمان
و اكتشفت حاجه اخير كمان جامده لما امشى بالعربيه و الهاند بريك مرفوعه بيدينى صوت زماره خفيفه و بيكتب ان الهاند بريك مرفوعه نزلها يا تييتتتتتتتتتتتتتتتتتتتت ههههههههههههههههههههههه
و يارات لو حد عنده افكار جديده يقول لنا للفائده

يعنى البني ادم الغريب اللى منع النافيجشن ده بيفكر ازاى يعنى وليه يمنع حاجة زى ديه
ولا لازم نعيش فى مصر من الشعوب المتاخرة

بجد حاجة تضايق

**Ahmed Eldreny** · 22-10-2011 10:02 AM

والله يا جماعه انا بعد التدوير والتمحيص لقيت ان في حل للجي بي اس وهو انك تغير الكاسيت بتاعك لكاسيت تتش وتبقي شاشته فيها الجي بي اس ودي انا لقتها هنا في السعودية وكان في شاب زميل في المنتدي اتكلم عن حاجه زي كده بس كان جايبه من النت ...والله اعلم

**omarkhaled55** · 22-10-2011 03:14 PM

انا معايا مازدا 3 2008
انا كنت بفكر انى اغير التكيف واجيبة تاتش ومعاة شاشة بتاعت الهاى لاين الى بيظهر فيها التكيف ودرجة الحرارة متهيلى ان كل الكلام دة عبارة عن فيش متركبة فى بعضها يعنى مش هيبقى فيى لعب فى حاجة
والللة و اعلم بالى باقولوة دة صح ولا غلط :d