للكبار فقط: تعديل الميجان 2: ECU Remap في اسطنبول بالتفاصيل و الصور

**ugaritian** · 24-10-2011 02:25 PM

مية مية يا بشوات.

بوكلة باشا، انت فهمت صح مع تحفظ بسيط علي top performance اعتقد ان الريماب بيبقى اقل من التوب بشوية و اعلى من البست بشويتين، بطريقة اخرى الريمابر بيلعب في ال range بين الاثنين.

اذكر الجميع ان بارباروس اكد لي عدم وجود خطورة على الأجزاء الميكانيكية و لا الكهربية في السيارة.

**wawoo** · 24-10-2011 02:45 PM

المشاركة الأصلية كتبت بواسطة wawoo

سؤال بعيد شوية عن الموضوع ..هو اية الفرق بين موتور الميجان 2 و الميجان 3
لانى حولت ابحث فى المعلومة دى فى الانترنت بس لم اجد اى تفاصيل

محدش عندة اجابة على هذا السؤال ... ؟؟

**Hegazio** · 24-10-2011 04:05 PM

الله أكبر الله أكبر .. لقيت حد ياخد و يدي معايا فالكلام .. ده أنا لما باتكلم مع أصحابي فبعض الحاجات بيفتكروا إن كهربة مخي زيادة !!!

قبل أي سؤال .. ممكن الريماب ده يتفقس في التوكيل؟ ولا أعمله للفلونس وش ؟!!!

**SamChips** · 24-10-2011 05:04 PM

المشاركة الأصلية كتبت بواسطة ugaritian

احد اهم الأسئلة التي سالتها لبارباروس هو هل يمكن للوكيل ان يغير ملف الريماب قلي لا، يا ريت الاستاذ سامح يجاوب على هذه النقطة.

الوكيل مش هيقدر يعرف بوجود الريماب لاننا بنعمل ريماب لنفس software الموجود فى السيارة,نفس ارقام الsoftware و مش بتتغير,و لو غير الملف لأى سبب بنقدر نرجع الريماب تانى بسهولة .

**Abo_Abdullah** · 24-10-2011 05:22 PM

أنا مش مصدق نفسي..

ما شاء الله لا قوة إلا بالله ، ربنا يبارك لك في عربيتك ويحفظهالك يا أخي

وعقبالنا لما سامح باشا يتفضل علينا ونعمل الموضوع ده للميجان بإذن الله

موضوع رائع فعلا وجزا الله خيرا رجالة الميجان الكبار جدا والخدومين لأبعد الحدود

**Waleed_Fathy** · 24-10-2011 06:53 PM

لو التوكيل مش هيكتشف ان الكمبيوتر اتعمل ليه ريماب ده يبقا هايل
و الا العربيه هتخرج من الضمان
السؤال هل يمكن عمل ريماب للفلوينس؟؟؟؟

**SamChips** · 24-10-2011 07:01 PM

المشاركة الأصلية كتبت بواسطة Waleed_Fathy

لو التوكيل مش هيكتشف ان الكمبيوتر اتعمل ليه ريماب ده يبقا هايل
و الا العربيه هتخرج من الضمان
السؤال هل يمكن عمل ريماب للفلوينس؟؟؟؟

نعم ممكن زى الميجان .

**Waleed_Fathy** · 24-10-2011 07:08 PM

المشاركة الأصلية كتبت بواسطة samchips

نعم ممكن زى الميجان .

طيب سؤال كمان هل الموضوع هيبقا امن بنسبه كبيره جدا
و هل لو تم عمل ريماب من خلالك هل حضرتك بتدى اى ضمانات ضد حدوث مشاكل من نوعية كسر فى الاجزاء الميكانيكه نتيجة الريماب مثلا(بعتذر طبعا بس حضرتك عارف ان مشكله من النوع ده فى محرك هيبقا علاجها مكلف جدا خاصة فى التوكيل)
اخير تكلفة عمل الريماب كام
و لكم جزيل الشكر علي سعة الصدر

**ugaritian** · 24-10-2011 08:58 PM

^^^

أسئلة وجيهة، أتمنى التنويه أثناء الاجابة ان اي سيارة مهما كن موديلها او نوعها يمكن ان نعمل لها ريماب الشرط الوحيد ان تكون مزودة بكومبيوتر او ecu.