تيل الفرامل

**mahranoo** · 21-10-2011 05:51 AM

يا جماعة السلام عليكم

هل حد جرب تيل الفرامل الامامى اللى 150ب جنيه اليابانى اللى موجود فى التوفيقية وايه الفرق بينه وبين بتاع التوكيل ابو 330 جنيه - يا ريت يشاركنى التجربة - عربتى صنى اتوماتيك 2006

شكرا جزيلا

**Ahmed.TV** · 21-10-2011 06:10 AM

انتظر باذن الله تجارب الناس فى الموضوع ده .. عشان لو حد جربه يقولك

بخصوص رائى

اغلب تيل الفرامل اللى موجود فى المحلات فى التوفيقية او شارع دمشق تايوانى وكورى

ولو فى يابانى بيكون يابانى شركات مش اليابانى الاصلى بتاع نيسان نفسه ..

ولو كان يابانى فعلا يبقا افضل من التايوانى .. بس طبعا زى ما قولتلك استحالة يكون يابانى زى بتاع التوكيل الاصلى .. لان اللى فى السوق ده درجات

والاصلى مفروض انه بيحافظ على الطنابير بتاعت العربية .. وبيقعد فى العربية فترة كبيرة سواء كانت مانيول او اتوماتيك

والناس اللى بتحط من التوكيل الاصلى بتغيره بعد فترة كبيرة

تحياتى

**mohamedbook** · 21-10-2011 12:03 PM

المشاركة الأصلية كتبت بواسطة hanyaly

رايى حضرتك جيب اللى فى التوكيل وده عن تجربه لان انا جبت التيل اليابانى اللى 150 جنيه
وبعد ثلاثه ايام من تركيبه بسمع صوت الصفاره مع ضغط الفرامل وعند الكشف وجدت
انه فى ريجه بسيطه فى الطنابير
فرحت على توكيل السبع وركبت الاصلى من حوالى 45 يوم
ولم اشتكى منه حتى الان
فحضرتك جيب الاصلى وريح بالك
وشكرا

ممكن نعرف كلف حضرتك كام بالتركيب وسعرة لوحده كام والمصنعية كام
ولك جزيل الشكر