يارس ولا لانسر بومه

**apoadel_vip** · 23-10-2011 08:52 PM

المشاركة الأصلية كتبت بواسطة ahmod

انا اكيد مش هجادل حضرتك في الفيديوهات دي ابدا ولا هشكك فيها لاني عمري ماسقت الانسر فمعرفش

لكن انا هتكلم على اللى سقته وحافظه

الفيديو ده

toyota yaris acceleration 1.3l - youtube

ده مش ممكن ابدا يكون تسارع الياريس اللى انا راكبها بقالي خمس سنين

ده حاجة من الاتنين ياما المكنة فيها حاجة

ياما (وده الارجح) ان السواق حمار مع إحترامي الشديد ليه لانه ماداش الكيك داون بتاعة الغيار الاول صح ودي باينه وواضحة جدا ان الrpm في الغيار الاول طالع براحة وعلى مهله خالص وده أخر العربية في التسارع من 0-60

تقدر حضرتك تبص على الفيديو ده مثلا

toyota yaris 0-100 - youtube

واضح طبعا ان العربية مانويل وعمل تسارع في زمن 8 ثواني وهتلاقي فيديوهات كتير نفس التسارع عشان كدة بقول لحضرتك فيديوهات اليوتيوب مش بعترف بيها لا ليا ولا عليا

عموما عشان نقطع الشك باليقين ليك مني فيديو تسارع عربيتي من 0-100 في اقرب فرصة هنزله لحضرتك

خليك متابع بس من فترة للتانية في قسم تويوتا وهتلاقيه قريب اوي ان شاء الله

فعلا وبامانة المبلغ 133 الف كتير ومبالغ فيه بغباء

لكن لو حضرتك بصيت على اسعار العربيات الياباني بشكل عام

السيتي اللى هي اقرب عربية للياريس تقريبا نفس السعر 127 الف

الكرولا وصلت ل 160 الف

السيفيك ناطحة في ال 190 ! !

فماتستغربش لما تلاقي الياريس ب 130 !

استاذ أحمد ...انا بقدر كلام حضرتك جداا
بس ليه تعليق بسيط ان 130 الف دول يجيبو سيراتو هاي لاين وكمان تيدا وسيتي واعتقد انهم افضل من الياريس مع كامل احترام ليه كعربيه قويه جداا في الفئه بتعتها

**Ahmod** · 23-10-2011 09:16 PM

المشاركة الأصلية كتبت بواسطة apoadel_vip

استاذ أحمد ...انا بقدر كلام حضرتك جداا
بس ليه تعليق بسيط ان 130 الف دول يجيبو سيراتو هاي لاين وكمان تيدا وسيتي واعتقد انهم افضل من الياريس مع كامل احترام ليه كعربيه قويه جداا في الفئه بتعتها

ده كلام منطقي وانا مش معترض ابدا على فكرة وعارف ان السعر مبالغ فيه

ومنه لله الوكيل

**medo111** · 24-10-2011 12:07 AM

هههههههههههه التوقيع بتاعك جامد

**apoadel_vip** · 24-10-2011 12:07 AM

المشاركة الأصلية كتبت بواسطة angel_wolf

الى يدقعك 133 الف فى يارس 1500 روح هات بومة كاملة و استبترونك و فتحة سقف وجموط اسبور و وغتب وكساحات و اسبويلر و abs+ebd وحاجات تانية كتير وبجد هتدعليى دة لو مفيش عندك غير الاختيارين دول

لو عند حضرتك خيارات تانيه يا ريت تقولها...بس بلاش العربيات الي قطع غيرها مش متوفره زي الجين تو كده

**Dawns_Mist** · 24-10-2011 02:03 AM

الفيديو اللي حضرتك منزله أحمد باشا ..
ياريس 1500 .. و ده كلام صاحب الفيديو :
jajajaj , yep, the car is stock, the car is 1.5 , is the same car that u can buy in eny toyota place.
i dont installed anything yet,

و أنا برضه مصدق على الفيديو ده و ماقدرش أكدبه .. الياريس 1500 مانيوال أنا جامع عنها فيديوهات على موضوع خاص في منتدى ميتسوبيشي بقارنها بالانسر و قايل إن التسارع بتاعها على السرعات القليلة يناهض اللانسر 1600 مانيوال .

**Ahmod** · 24-10-2011 03:37 AM

المشاركة الأصلية كتبت بواسطة Dawns_Mist

الفيديو اللي حضرتك منزله أحمد باشا ..
ياريس 1500 .. و ده كلام صاحب الفيديو :
jajajaj , yep, the car is stock, the car is 1.5 , is the same car that u can buy in eny toyota place.
i dont installed anything yet,

و أنا برضه مصدق على الفيديو ده و ماقدرش أكدبه .. الياريس 1500 مانيوال أنا جامع عنها فيديوهات على موضوع خاص في منتدى ميتسوبيشي بقارنها بالانسر و قايل إن التسارع بتاعها على السرعات القليلة يناهض اللانسر 1600 مانيوال .

سيبك بقى يا باشا من كلام الفيديوهات ده وانا صورتلك مخصوص فيديو تسارع عربيتي 1300 اتوماتيك

من 0-100 في 12.34 بالاستوب وتش بالظبط

وشوف الفيديو في الموضوع ده

http://www.nilemotors.net/Nile/253049-0-100-12-a.html

العداد بدأ يتحرك من عند الثانية 2 ولمس 100 بالظبط عند الثانية 14

لكن فيه اجزاء من الثانية لازم ناخد بالنا منها عشان كدة انا صورت فيديو وكان واحد زميلي ماسك الاستوب واتش وبالظبط طلعت في 12.34 ثانية

وعلى فكرة العربية تجيب تسارع احسن من كدة واقرا الموضوع اللى انا كاتبه وهتفهم ليه وازاي