الموضوع: بلا جواز بلا هم

المشاركة الأصلية كتبت بواسطة kareemz

عروسة تقلع حجابها يوم فرحها .. لحد دلوقتى مش قادر أفهم الفكرة دى .. المفروض ان الست بتقعد فى بيتها براحتها .. و لما بتخرج بره بتلبس هدوم تانية محتشمة .. فى الفرح بأه العكس .. هيكون فى ناس كتير جدا و كله عينه على العروسة .. و مع ذلك البنت تعمل العكس .. تتزين و تخلع حجابها .. حتى المحجبه تلاقيها لابسة بدى أبيض شفاف .. و مجسم دراعها و ايديها .. و يا سلام بأه لو حد نصحها تقول له أصل أنا بتزين لجوزى .. طيب مانتى هتبقى انتى و هو لوحديكم .. اتزينى براحتك .. انما مش قدام الناس .. مش هقول حرام عشان محدش يقول بلاش كلام فى الدين .. بس هقول عيــب .. فعلا كده عيب.

4. نفس اللى فوق بس بالنسبة للعريس .. و عارف ان مراته هتبقى فى أحلى حالاتها .. و مع ذلك يعزم كل اللى يعرفه و اللى ميعرفوش .. و الناس تصور .. و الصور تطلع على الفيس بوك و اللى ما يشترى يتفرج .. و لو حد نصح يقول بلاش تشدد و كل الناس بتعمل كده و دى ليلة فى العمر.

سبحان الله فى الجاهلية اللى الناس عايشة فيها .. بعد ما تركنا الجاهلية و ربنا من علينا بنعمة العفاف و الحترام .. اتلعب فى دماغنا و كرهنا عادتنا و تقاليدنا .. و اتصور لينا ان التقدم و الحضارة فى البعد عن الاحترام و الأدب والأخلاق .. و ان التمسك بالعادات والتقاليد تخلف و رجعية و حاجه تخلينا نتكسف منها.

ربنا يهدينا جميعا و نرجع لعادتنا و تقاليدنا و تعالييم ديننا اللى هو أكبر نعمة ربنا من علينا بيه.

الموضوع دة بيستفزني جدا
بنات كتير صاحباتي في افراحهم
احاول اقنع فيهم ما يقلعوش الحجاب
تقول لي
دة يوم في العمر
اقول لها هوا اليوم دة ربنا مش موجود فيه.؟
تبدئي حياتك ليه بمعصية ؟
للأسف نجحت مع واحدة بس هيا اللي اقتنعت بكلامي ولبسته في فرحها
اقسم بالله ان العروسه الحشمة بتبقى اجمل 100 مرة من العروسة المبتذلة في شكلها ولبسها

المشاركة الأصلية كتبت بواسطة No Comment

ههههههههههههههه ... ازيك يا استاذتنا ...؟
للأسف مازال عند أهل العروسة أو البنت فكر غلط بأن السعادة بتكون فى شبكة بالشى الفلانى .. وفستان فرح بالشى العلانى .. وقاعة فرح فى المكان البتنجانى .. والشقة اللى لازم فيها مستوى تانى .. ومتجهزة بأحسن اجهزة أصلى مش تيوانى .. حتى لو استخدمت مرة واحدة ملهاش تانى .
وفى الآخر وبعد ده كله ... ممكن يروحوا للمأذون تانى علشان يلغوا العقد الأولانى ههههههه .
لا بجد محتاجيين حملة توعية أو ثورة على الافكار الغلط دى وإلا بقى على رايــك ... بلا جواز بلا هــــــــــم .

ههههههههههه
اهلا استاذ احمد
ماشاء الله عالسجع الجميل
اعتقد ان لازم يكون في توعية طبعا
لان الجواز دة شر لا بد منه


سؤال هام لك يا استاذ احمد
نفسي اسأله من زمان
بيجيلك طولة بال ازاي في كل مشاركة تقعد تضبط في الوان الكلام

غير ده كله ان الفرح مش بيعجب حد
يعنى لو فى القاعة الفلانية هتلاقى الى طالع بيقول متعملش ليه فى القاعة العلانية

لو اتزفو فى عربية هتلاقى الى بيقول متزفش ليه فى عربية تانية
وقيسى على كده اساسا فى العروسة و العريس
ده يستحق احسن منها
وهى تستحق احسن منه
ربنا يرحمنا يا رب

يا جماعة بلاش كلمة شر لابد منه دى هوا مش شر ولا حاجة لكن احنا اللى خليناه شر

كلام جااااامد جدا و مقنع كمان بس غريب انه يطلع من بنت
لأن اللى بيفكروا زيّك حاليا يتعدوا على الصوابع