الموضوع: بلا جواز بلا هم

المشاركة الأصلية كتبت بواسطة yousef1978

- لما الست ما تحسش باللي عملته مع جوزها وإزاي بهدلته لغاية ما طلع من هدومه وبقى مديون لعشر سنين قدام - وما تعرفش كده غير لما تشوفه بيتعمل مع أخوها أو إبنها في المستقبل - يبقى إنت أكيد متجوز مصرية

- لما الزوجة ما تعرفش حجم المسئولية اللي على دماغ جوزها غير لما يموت ويفاجأ أولادها إن أبوهم كان أرحم مائة مرة - يبقى انت أكيد متجوز مصيرة

- لما الزوجة بعد أول حمل تتحول من زوجة ل " أم العيال " ويزيد وزنها خمس ست مرات وتضيع معالمها وما تهتمش بجوزها - ويبقى المسكين اللي كان بيكوي هدومه لنفسه و بعدين اتعود لمدة خمس شهور إنها تكويهاله وبعد كده بيروح الشغل بالقميص مكسر واللياقة وسخة - يبقى إنت أكيد متجوز مصرية

- لما الزوجة تهتم بأهلها وعاوزه جوزها يشرفها بالمرواح هناك كل شوية ولو مرة واحدة من أهل جوزها جت عندهم تتأفف وتبقى متضايقة - وعاوزه جوزها يجامل أهلها في كل مناسبة ومن غير مناسبة لكن يجامل أهله يبقى الفلوس دي أولى بيها العيال - تبقى أكيد مراتك مصرية

- لما الزوجة تسمح لأهلها إنهم يسيطروا على ورثها ولا يصادرواه بالكامل ومرتبها يبقى ليها ولأهلها ولو جوزها حد يساعد أخوه أو يجامل أمه يبقى مش من حقه يتصرف في فلوسه لوحده لأن هو مش عايش لوحده ومراته وأولاه ليهم حق في فلوسه وده مش رزقه لوحده - تبقى مؤكددددد مراته مصرية

- لو الراجل كره مراته وحب يطلقها يدفعلها المؤخر وباقي المهر ويسيبلها الشبكة والعفش والعيال وهدومه كمان


ولو الزوجة كرهت زوجها فتخلعه وتاخد القايمة ( شبكة وعفش ) والعيال وتكتفي إنها تسيبله هدومه وما تطالبش بالمؤخر لكن تاخد النفقة بس


يبى بدون شك وحتما ولابد متجوز مصريييييييية

- لو مسلم ومتحرم عليك تتجوز على مراتك لأي سبب وغير مسموح ليك تبص لأي واحدة حتى لو مراتك بقت شبهك تماما في حين إن مراتك من حقها تتفرج وتحلم بمهند ويحي التركي - يبقى لازم انت مراتك مش تركية وأكيد مصرية

- لو مراتك كل اللي بتعمله في حياتها إنها تنام وتصحى بعد الظهر وتخلف وتولد وتعمل أكل تبقى أكيد مراتك من النوع المصري

يحكى أن رجلا مصريا تزوج من اربعة نسوة

صحي من النوم دخل غرفة نوم لقى زوجته الروسية ببتزوق قالها إنتي بتعملي إيه قالتله لازم تصحى من النوم تشوفني في أحلى منظر علشان تتبسط وتعرف تروح شغلك وكفاية عليك تعبك في الشغل

سابها طلع البلكونة لقى مراته الفرنسية عماله تسقى الورد وتنسقه وأول ما شافته قطفت أحلى وردة وقالتله قبل ما تمشي الشغل لازم تشم الوردة دي علشان تبقى مبسوط وترجع البيت مبسوط

دخل المطبخ لقى الأمريكية قربت تخلصله أحلى فطار

سابهم وراج يلبس هدومه فوجئ بزوجته المصرية لسه صاحية من النوم فسألها إنتي بقى صاحية بدري ليه قالتله : إسمع أنا تعبانة ومش فاضيالك - إوعى تقولي على حاجة دلوقتي - حل عن نفوخي أنا رايحه الحمام وراجعة أكمل نومي

لو انتي قريتي الكلام ده واتبسطي بدل ما تحزني على وضع جوزك وحياته اللي اتحولت من حلم لكابوس بعد جوازك

يبقى إنت أكيد زوجة مصرية بنت مصرية كابرا عن كابر

يعني انا عاملة موضوع متعاطفة مع الرجل ومش عاوزة البنات تتقل عليهم في الجواز
تقوم انت تقلب عالست المصرية

طيب مين الست اللي بتقف جنب جوزها لما الظروف تعاكسه او عنده مشاكل في شغله

مين اللي بتقف وهيا حامل وتعبانة والدكتور مانعها من الوقفة واي مجهود انها تعمل الاكل وتشم روايح تتعبها

مين اللي بتفضل قاعدة سهرانة لحد ما يرجه من الشغل بالليل وما تعرفش تنام الا اما تطمن وتحضر له العشا

مين اللي ممكن تبقى عيانة وحرارتها مرتفعة ومع ذلك تقوم تعمل له اكله وحاجته

مين اللي بتخبي عليه مشاكلها ومشاكل العيال ولما يرجع تقابله بابتسامه ولما يقول لها مالك تقول له ابدا شوية صداع

مين اللي بيبقى مزعلها ومنكد عليها وعمرها ما تشتكيه لأهلها ولو قالوا عليه ربع كلمة بترد غيبته

مين اللي ممكن يبقى فيها اللي فيها وما تشتكيش عشان عارفة انه بيرجع تعبان وما يكتشفش انها تعبانة الا لما تقع خالص

ما ينفعش نعمم
في كل النماذج
في الست المتفانية في بيتها
وفي الست المستهترة المهملة
وفي الست الانانية اللي مش بتحب الا نفسها
ما تظلمش كل الستات

المشاركة الأصلية كتبت بواسطة أبو إياد

انا كنت محظوظ جدا فى جوازى وده بسبب التفكير العملى فتره خطوبه 11 شهر بالظبط كتب كتاب فى مسجد عربيه الزفه كانت كابورليه مجامله وتقريبا كانت اكبر زفه فيها عربيات شوفتها فى حياتى لدرجه فى ظابط صاحبى كان ماشى فى الزفه بالونش والشبكه حمايا قالى انت وذوقك الفرش كله بالمناصفه بس مافيش حاجه تانى اخويا نفس الكلام بالظبط معظم اصحابى نفس الكلام ماعدا اخر واحد بس كان عامل فرح فى قاعه كلف 20000ج وبيندم ههههههههههه وصارف على جوازه 100000ج وفى الاخر شقته على الطوب الاحمر وقاعد فى قانون جديد وده بسبب انه ماكنش معاه فلوس يجهز شقته ولما اكتش انه صرف المبلغ ده اتصدم طبعا

فى بقا كلمه بصراحه انا مش معاكى فيها وهى بلا جواز بلا هم

هو فعلا هم بس بيكون على قلب الراجل زى العسل زى ما بيقولوا .
يكفى الاحساس بالمسئوليه والاعتماد على النفس وبناء حياه جديده خاصه به وبمن حوله وتربيه اولاده وان يرى فيهم ما لم يستطيع تحقيقه

المشكله الكبيره اللى واجهتنى فى حياتى هى صله الرحم والود بين الاقارب فعلا اصعب شىء باستثناء والدتى واخواتى طبعا

مش مقصود انه هم بالمعني الصريح
هيا مجرد سخرية من المغالاة اللي موجودة في الوقت الحالي

المشاركة الأصلية كتبت بواسطة ainshouka

لان الموضوع دا اتفتح من زمان وكنا بنتكلم ايه لازمة الفرح وفستان الفرح لقينا اعتراض شديد بان البنت بيكون حلمها يوم ماتبلس الفستان الابيض

والموضوع كله اوهام بتتحط فى الدماغ ولو كان الفستان الابيض دا حلال المشاكل مكنش ناس كتير اطلقت

ففعلا بجد بيكون غريب لما نلاقى واحدة بتقول الكلام دا

بصراحة هيا الحاجة الوحيدة الحلوة هيا فستان الفرح وصورة الفرح
مش شرط الفستان يكون غالي المهم انه يكون حلو وحلو عالعروسة
ماهو ممكن يكون غالي ومش لايق عليها
اما الفرح
هيصة ودوشة وناس بتتفرج على ناس

وذنوب بنشيلها على كتافنا واحنا ماشيين

المشاركة الأصلية كتبت بواسطة i_boy

علشان مخادوش بالهم من مشاركتك اللي بتقولي فيها انك دبستي الزبون ( اقصد العريس ) خلاص
وانك جبتي سفره ونيش واكيد اكيد اكيد نص عفش البيت محدش استخدمه لسه
مبروك
الف مبروك
:)

هههههههههههه
لا العفش الحمد لله كله استخدم لأنه مش كتير
يعني مش 2 صالون و3 انتريه وسفرة 12 كرسي ونيش وبوفيه ودولاب فضية
لا
العادي بتاع الناس العادية

الله يبارك فيك يا سيدي

المشاركة الأصلية كتبت بواسطة No Comment

هههههههههههههههه يا فندم حضرتك فهمتينى غلط ... كبيرة مقاماً وليس سناً .

المشاركة الأصلية كتبت بواسطة nonetta

يعني انا عاملة موضوع متعاطفة مع الرجل ومش عاوزة البنات تتقل عليهم في الجواز
تقوم انت تقلب عالست المصرية

طيب مين الست اللي بتقف جنب جوزها لما الظروف تعاكسه او عنده مشاكل في شغله

مين اللي بتقف وهيا حامل وتعبانة والدكتور مانعها من الوقفة واي مجهود انها تعمل الاكل وتشم روايح تتعبها

مين اللي بتفضل قاعدة سهرانة لحد ما يرجه من الشغل بالليل وما تعرفش تنام الا اما تطمن وتحضر له العشا

مين اللي ممكن تبقى عيانة وحرارتها مرتفعة ومع ذلك تقوم تعمل له اكله وحاجته

مين اللي بتخبي عليه مشاكلها ومشاكل العيال ولما يرجع تقابله بابتسامه ولما يقول لها مالك تقول له ابدا شوية صداع

مين اللي بيبقى مزعلها ومنكد عليها وعمرها ما تشتكيه لأهلها ولو قالوا عليه ربع كلمة بترد غيبته

مين اللي ممكن يبقى فيها اللي فيها وما تشتكيش عشان عارفة انه بيرجع تعبان وما يكتشفش انها تعبانة الا لما تقع خالص

عفوا


حضرتك حطيتي أسئلة كتييييييير وما عرفناش إيه الإجابة

ولا عاوزانا نقولك : عروستي

انا مش واخد هي صحيح مين اللي حضرتك بتتكلمي عليها ؟؟؟؟؟؟

المشاركة الأصلية كتبت بواسطة yousef1978

عفوا


حضرتك حطيتي أسئلة كتييييييير وما عرفناش إيه الإجابة

ولا عاوزانا نقولك : عروستي

انا مش واخد هي صحيح مين اللي حضرتك بتتكلمي عليها ؟؟؟؟؟؟

الزوجة المصرية بردو
اللي هيا امي وامك وام كل واحد هنا تعبت علشانه
وعمرنا ما هنقدر نوفيها حقها