الموضوع: الخلاصه في تغيير كاوتشات السيريون

معليش وضح أكتر يا بشمهندس
دلوقتي أنهو أفضل مقاس يعرض لي العربية ... ويعليها ... وميخلهاش تحك أذا حد ركب ورى معاية ...

ويعني سالب وموجب ياريت تفهمنا بالبلدي الله يخليك على قد فهم رجل الشارع البسيط الي زي حالتي ولك جزيل الشكر

يباشا لساني عاجز عن الشكر ... أيوه كده العلم نور ، علشان كده ناس كتير بتغلط وبيجيبو فرد أكبر بالموجب ويحسو بالحكه ... مع ان كل هدفهم انهم يثبتو العربية وتبقى راسخه على الارض .
كنت زمان وانا صغير بشتغل على الفوتوشوب وأقص صورة العربيات واركب عليهم جنوط كبيرة كان شكلها حلو ... بس أكتشفت أنو مستحيل تركب في الحقيقة جنط كبير على العربية لدرجة أني فكرت انو ياترى هحصل ايه لو فكينا الكرتيره وسمعت بعد كده بعليات للسوست ... وشفت ناس بتركب كمان حاجه على طنابير الفرامل علشان تطلع فرد الجنوط لبره مسافة 1سم او 2سم ياترى حد جرب الحكاية .

وأخبار الحكه أيه معاهم ... ياريت لو في حد ركب يمدنا بالمعلومات وأشكرك جزيل الشكر يابش مهندس
</B>eng_maged وجزاك الله كل خير يارب

الف شكر الموضوع ممتاز ومعمول كويس جدااااااااا
انا فعلا مغير الكوتش ومركب 14/60/195

المشاركة الأصلية كتبت بواسطة eng_maged

السلام عليكم
ده مرجع لكل الناس اللي محتاجه تغير كاوتش العربيه وبيدورا على مقاس اكبر. يارب يكون مفيد

العربيه: دايهاتسو سيريون موديل 2005 - 2010
السيريون بتنزل موديلين الاولى جنط 14 والتانيه جنط 13



[gdwl]لو هتركب كاوتشات جديده على نفس الجنط
[/gdwl]
لو جنوطك الاصليه مقاسها 14 بوصه ده كاوتشها الاصلي 175/65/14
وده ممكن تتعدل ل 195/60/14 والفرق هيكون بالموجب بنسبة 1.1 % وده افضل تغيير
او ممكن تتعدل الى 185/60/14 والفرق هيكون بالسالب بنسبة 0.9 %

لو جنوطك الاصليه مقاسها 13 بوصه ده كاوتشها الاصلي 155/80/13
وده ممكن تتعدل ل 175/70/13 و الفرق هيكون بالسالب بنسبة 0.5 %


[gdwl]لو ناوي تجنط
[/gdwl]
لو ناوي تجنط في الحالتين ممكن تجيب :
جنط 16 مع كاوتشات 195/45/16 والفرق هيكون بالسالب بنسبة 0.2 % غير مفضل
او جنط 17 مع كاوتشات 195/40/17 والفرق هيكون بالموجب بنسبة 0.8 % افضل جنط


[gdwl]طبعا في حالة تغيير الكاوتشات عن المقاس الاصلي برجاء مراعاه النقط التاليه:
[/gdwl]
- كل لما الكاوتش عرضه هيزيد من 175 الى 185 الى 195 هتلاقي الثبات بيزيد بس استهلاك البزين بيزيد
-كل لما الرقم اللي في النص بيزيد من 45 الى 55 الى 65 هتلاقي الكاوتش بيكون ناعم في المطبات والنقر اكتر
-لما نسبة الفرق بيكون بالموجب ده افضل من السالب عشان الكاوتش هيملى مساحه اكتر من بطيخة العربيه بتاعه الكاوتش
- لا يفضل ان يزيد الفرق عن 2.5 % والا ممكن الكاوتش يحك في البطيخه


وانا في الخدمه لو في حاجه مش واضحه

.
.

يا مهندس ماجد مع ان ردي متأخر جدا والموضوع قديم بس الموضوع هايل بجد
اناا معايا سريون 1000. Cc جنط 14 المقاس الاصلي زي ما انت قايل 175/65/14 .... المهم عايز اعرض وفي نفس الوقت العزية ما طوطاش لقيت مقاس 185/60//14 بس دا هيوطي العربية المقاس الي كلة مرشحة 195/60/14 زي ترشيحك بس لما جيت اركبو كل بتوع الكاوتش قالولي لأ دا كتيير اوي وكبير على العربية واحتمال تحك وتبهدل العفشة.. انا مش عارف اعمل ادية, اركب 195 ولا 185 ولا 175 الاصلي,,انا الجنط عندي 14 عادي مش سبور,
انا معاي عربة تااني وعرض عادي بس التانية تقبل التعريض عادي السريون مش عارف اعمل اية.... افيدوني ولو حد مركب المقاس 195/60/14 يقولي عامل اية, بيحك ومريح ولا لأ??