تقييم و تجربيتي مع الfsv بعد 30.000 كيلو !

**khaledazizeg** · 05-11-2011 04:50 PM

ربنا يباركلك فيها ويعطيك خيرها ويكفيك شرها

**egyptiandiver** · 10-11-2011 11:59 PM

ربنا يباركلك فيها

**alsfah0** · 11-11-2011 04:34 AM

elalfy1000 انا قريت نفس الموضوع اللى حضرتك قريتة وشدنى جدا ومهتم اوى انى اعرف الحقيقة وقريت عن التعليق الخلفى وهكتب لحضراتكم هنا الموضوع اللى قريتة وانا حجزت fsv

**alsfah0** · 11-11-2011 04:38 AM

بعد البحث عرفت وللأسف الشديد ان البرليانس التعليق الخلفى متصل وفية واحد كتب موضع عن التعليق وانا جبتهولكو للاستفادة وياريت رئى الناس اللى راكبة العربية

التعليق المتصل ( un dependent suspension ) ودة التعليق اللى بتستخدمة معظم الشركات لتوفير تكاليف السيارة

ومن مميزات هذا التعليق قلة تكاليفة فقط سواء اثناء الصيانة او على تكلفة السيارة نفسها بالنسبة للصانع , مابياخدش مكان تحت ارضية الكنبة الخلفية

عيوبة : غير ثابت نهائى فى الملفات - مع الضغط على الفرامل اثناء المنعطفات بسهولة يتم انحراف جسم السيارة من الخلف - عفشة ذات تعليق ناشف - احساس المطبات يشعر بية جميع من فى السيارة حتى لو كان من ناحية واحدة للعجلة اللى خدت المطب ( يعنى لو خدت مطب بالجنب الشمال مثلا هيحس بية اللى قاعد فى الشمال واليمين )

* التعليق المستقل ( dependent suspension ) ودة مكلف جدا على الشركة المصنعة وتكاليف صيانتة مكلفة ايضا ودول عيوبة بس فى مقابل

1: مريح جدا فى المطبات , يمنع انحراف السيارة اثناء المنعطفات الحادة او حتى مع الضغط على الفرامل اثناء الانعطاف , كل جنب من السيارة هو بس اللى بيحس بالمطب لو كان فى جهة واحدة يعنى لو خدت مطب شمال اللى قاعد يمين مايحسش بية ) مفيد جدا فى الغرز لان العربية مع الضغط عليها من الجهة الخلفية اثناء نهاية الغرزة جنب واحد بس هو اللى بيميل فبيدى استقرار تحفة

ياريت لو حد يعرف اكتر يقولنا

**amaboubakr** · 12-11-2011 08:10 PM

رجاء حار لملاك السيارة من افادتنا والرد على موضوع التعليق ومدى تأثيره على ثبات العربية وراحة الركاب الخلفيين

**wkhater** · 12-11-2011 11:35 PM

نشكرك على المعلومات اللى بتعطيعها فى المشاركة بس انا عندى تعليق بسيط على بعض النقط وهى
اولا يعنى اية الصوت يصدر لما العربية تكون محملة كتيير انا مش شايف علاقة ثم العربية مش وزنها عالى اةى عشان انت بتقول ان العربية اصلا مونها عالى جدا
ثانيا اية المشلكة لما اركن على الرصيف على ما اظن له علاقة بالمساعدين وليس بيلي العجل
ثالثا من الطبيعى فى اى عربية لما تمشى على طريق ممهد او مصفلت بتكون كويسة وناعمة يعنى مافيش جديد وشكرا

**wkhater** · 12-11-2011 11:51 PM

المشاركة الأصلية كتبت بواسطة bassem.kamal

اولاً انا بشكر كل واحد قال كلمة من قلبة .. و ربنا يخليكوا :) و اكرم بية واحشتني والله و ردودك الجامدة هههه و عقبال الناس كلها تستلم و البريليانس تعمل شغلها بقي في الشوارع
انا بس كان ورايا حاجات كتير بعملها عشان كدة اسف علي التأخير بجد في الرد عليكم

بالنسبة للأعطال فالحمدلله الحمدلله دي محصلتش او معتقدش كمان انها تحصل اصلا في اي عربية زيرو .. دة نادر اوي لما يحصل كدة ..
لكن العربية جابت مني ( بلي عجل ) عشان كتير اوي كنت بركن فوق الرصيف .. و التوكيل قاللي حاول تخف الموضوع دة ... بس انا كنت بستغل ارتفاع العربية و كدة و مقاس الكاوتش العريض ... و دخلت الضمان في ثواني و كلة كان في التمام يعني مفيش اي مشكلة و الكل يحاول ميطلعش فوق اي رصيف كتير ... بس

بالنسبة للتوكيل بقي
في 3 توكيل ( القطامية - جسر السويس - ابو رواش (الرئيسي) ) و ال3 محترمين جدا جدا جدا جدا
الفرق بس في الزحمة و كبسة العربيات .. جسر السويس رايق جدا جدا عن القطامية و ابو رواش
جسر السويس احسن في الاسعار في المصنعيات
القطامية الشغل فيها جامد و العمال هناك كفاءة جدا جدا علي فكرة بس بتاخد وقت كتير شوية
ابو رواش مجربتوش و يارب مجربو طبعا و ربنا يحفطنا من اي حاجة تحصل

و حوار صوت تزييق من تحت دة اعتقد دة عشان ثقل العربية جامد جدا جدا ... عشان انا لما بخف العربية خالص من كل حاجة مش بسمع اي اي اي حاجة خااااالص ..... لكن لما احمل الشنطة علي الاخر و ركاب علي الاخر انا معاك بسمع الصوت دة من ورا من تحت كدة ( shiko_sla) ؟؟ صح ؟؟ بس مفيش قلق من حاجة ممكن مع الصيانات و دوريات الزيت و كدة تروح الله اعلم لكن هي مش عاملة مشكلة في حاجة بس هو مجرد صوت عشان الحمل الكتير ...

و موضوع الفرامل دة لازم ساعت الفرملة المفاجأة تدوس جامد جدا جدا عشان ال abs يعمل معاك الشغل الصح و تقف مكانك او متعومش منك ... دة ساعت الفرملة المفاجأة بــــــس طبعاً .. عشان الفرامل المفاجأة بحس انها بترد تاني برا .. فلازم تدوس عليها جامد و انت بتفرمل بيها عشان تقف

العفشة في الطرق النظيفة و المطبات الناعمة و الطرق المتسفلتة كويس بتبان طبعا ناعمة جدا جدا و حلوة
لكن في الطرق اللي مش ممهدة (مدقات) بتبقي ناشفة شوية

و اعتقد اعتقد في رأيي المتواضع بعد تغيير الكاوتش بعد 60.000 كيلو العملية هتفرق اوي .. خصوصاً الكاوتش اللي هيركب هيكون احسن من اللي نازل معاها عشان الكاوتش اللي راكب made in china و اي كاوتش هايتجاب بعد كدة بيكون صناعة تانية ف ممكن ممكن العملية تفرق في موضوع الناشفة دي و النعومة تتحس اكتر

نشكرك على المعلومات اللى بتعطيعها فى المشاركة بس انا عندى تعليق بسيط على بعض النقط وهى
اولا يعنى اية الصوت يصدر لما العربية تكون محملة كتيير انا مش شايف علاقة ثم العربية مش وزنها عالى اةى عشان انت بتقول ان العربية اصلا مونها عالى جدا
ثانيا اية المشلكة لما اركن على الرصيف على ما اظن له علاقة بالمساعدين وليس بيلي العجل
ثالثا من الطبيعى فى اى عربية لما تمشى على طريق ممهد او مصفلت بتكون كويسة وناعمة يعنى مافيش جديد وشكرا

**CryptonX** · 13-11-2011 10:20 AM

المشاركة الأصلية كتبت بواسطة alsfah0

بعد البحث عرفت وللأسف الشديد ان البرليانس التعليق الخلفى متصل وفية واحد كتب موضع عن التعليق وانا جبتهولكو للاستفادة وياريت رئى الناس اللى راكبة العربية

التعليق المتصل ( un dependent suspension ) ودة التعليق اللى بتستخدمة معظم الشركات لتوفير تكاليف السيارة

ومن مميزات هذا التعليق قلة تكاليفة فقط سواء اثناء الصيانة او على تكلفة السيارة نفسها بالنسبة للصانع , مابياخدش مكان تحت ارضية الكنبة الخلفية

عيوبة : غير ثابت نهائى فى الملفات - مع الضغط على الفرامل اثناء المنعطفات بسهولة يتم انحراف جسم السيارة من الخلف - عفشة ذات تعليق ناشف - احساس المطبات يشعر بية جميع من فى السيارة حتى لو كان من ناحية واحدة للعجلة اللى خدت المطب ( يعنى لو خدت مطب بالجنب الشمال مثلا هيحس بية اللى قاعد فى الشمال واليمين )

* التعليق المستقل ( dependent suspension ) ودة مكلف جدا على الشركة المصنعة وتكاليف صيانتة مكلفة ايضا ودول عيوبة بس فى مقابل

1: مريح جدا فى المطبات , يمنع انحراف السيارة اثناء المنعطفات الحادة او حتى مع الضغط على الفرامل اثناء الانعطاف , كل جنب من السيارة هو بس اللى بيحس بالمطب لو كان فى جهة واحدة يعنى لو خدت مطب شمال اللى قاعد يمين مايحسش بية ) مفيد جدا فى الغرز لان العربية مع الضغط عليها من الجهة الخلفية اثناء نهاية الغرزة جنب واحد بس هو اللى بيميل فبيدى استقرار تحفة

ياريت لو حد يعرف اكتر يقولنا

معظم ان لم يكن كل السيارات تحت ال 100 الف جنيه تقريبا في مصر او في الخارج بتبقى بتعليق متصل لتوفير التكاليف ..

والموضوع مش موضوع ثبات وحش او حلو .. الموضوع "اذاي صمم وطبق "في العربية .. في عربيات غالية جدا جديدة بتعليق متصل على فكرة .. مش شرط.

(انا بتكلم عامة معرفش نظام الfsv ايه)