الموضوع: العربيه رجعت تسخن

ازيكوا يا جماعة
على فكره انا عرفت سبب السخنية مش هاتصدقوا ايه اللي حصل انما الحمد لله
المهم السخنية جت بسبب ان كان في صباب ركب جوه المكنة ومكانش بتاعها ضيعلي المكنة كلها

التفاصيل:
على فكرة انا عملت كل حاجة ليها علاقة بالسخنية بس اللي حصل ايه::
اني كنت فكيت المكنة مره عند ميكانيكي عفش للأسف كان الموضوع كله جوان وش السلندر عايز يتغير وده برده كان اخر حاجه عملتها عشان السخنية
جه المعلم لما فك الموتور قالي على فكره الصباب ده مكربن وعايز يتغير وهو ده اللي مخلي صوت المكنة عالي وفيها تكتكه وغيره
جربت العربية بعدها مشيت تمام يومين ورجعنا تاني لموضوع السخنية بس ده كله انا ما كنتش بقرص عليها اوي
جيت في يوم كنت رايح اسكندرية وفتحت شوية وقرصت عليها وصلت لحد 120 ولقيتها مش بتسحب خالص بل بالعكس كل ما تدوس بنزين السحب بيقل ركنت عشان اشوف في ايه يدوب وقفت لقيت العربية بتترج رجه جامده شوية
فتحت الكبوت لقيت المكنة غرقانة زيت
جريتها عند ميكانيكي في طنطا فك المكنة لقى كل شئ تمام جوه المكنة بس لوحده!!!!!!!! ؟؟؟؟
لقى ان الحارة او الغرفة بتاع الصباب اللي ركب غلط ده هيا اللي اتخرمت وبالتالي غرقت المكنة زيت
غير كده ان الصباب نفسه اجزاء منه اتكسرت واتوزعت جوه المكنه وعملت عتب في غرف تانية وبالتالي البستم لما بيجي يطلع وينزل بيحك جامد في العتب ده بيقلل جهد الموتور طبعا ويعلي استهلاك البنزين ويقلل من سحب العربية
اللي بينتهى بينا ف الاخر بان العربية بتسخن بدون علاقة بدوره التبريد
وعلى فكرة لقيت بستمين او تلاته اطراف منهم مكسورة نتيجة الاحتكاك بالعتب (بقايا الصباب المكسور)
واضطريت اني اغير مكنة خالص بدل ما كنت هاعمل عمره ويا عالم لأن المكنة عندي كانت اتنفخت

بس بجد يا جدعان اللي استفدته كويس اوي من الموضوع ده ان الألماني فوق الجميع بجد المكن ده فعلا حمِّال قسية اوي يعني لان الموضوع ده حصل في بحر يجي 5 شهور كده
يا رب اكون افدتكوا يا رب وما صدعتكوش

المشاركة الأصلية كتبت بواسطة mora1stromio

ازيكوا يا جماعة
على فكره انا عرفت سبب السخنية مش هاتصدقوا ايه اللي حصل انما الحمد لله
المهم السخنية جت بسبب ان كان في صباب ركب جوه المكنة ومكانش بتاعها ضيعلي المكنة كلها

التفاصيل:
على فكرة انا عملت كل حاجة ليها علاقة بالسخنية بس اللي حصل ايه::
اني كنت فكيت المكنة مره عند ميكانيكي عفش للأسف كان الموضوع كله جوان وش السلندر عايز يتغير وده برده كان اخر حاجه عملتها عشان السخنية
جه المعلم لما فك الموتور قالي على فكره الصباب ده مكربن وعايز يتغير وهو ده اللي مخلي صوت المكنة عالي وفيها تكتكه وغيره
جربت العربية بعدها مشيت تمام يومين ورجعنا تاني لموضوع السخنية بس ده كله انا ما كنتش بقرص عليها اوي
جيت في يوم كنت رايح اسكندرية وفتحت شوية وقرصت عليها وصلت لحد 120 ولقيتها مش بتسحب خالص بل بالعكس كل ما تدوس بنزين السحب بيقل ركنت عشان اشوف في ايه يدوب وقفت لقيت العربية بتترج رجه جامده شوية
فتحت الكبوت لقيت المكنة غرقانة زيت
جريتها عند ميكانيكي في طنطا فك المكنة لقى كل شئ تمام جوه المكنة بس لوحده!!!!!!!! ؟؟؟؟
لقى ان الحارة او الغرفة بتاع الصباب اللي ركب غلط ده هيا اللي اتخرمت وبالتالي غرقت المكنة زيت
غير كده ان الصباب نفسه اجزاء منه اتكسرت واتوزعت جوه المكنه وعملت عتب في غرف تانية وبالتالي البستم لما بيجي يطلع وينزل بيحك جامد في العتب ده بيقلل جهد الموتور طبعا ويعلي استهلاك البنزين ويقلل من سحب العربية
اللي بينتهى بينا ف الاخر بان العربية بتسخن بدون علاقة بدوره التبريد
وعلى فكرة لقيت بستمين او تلاته اطراف منهم مكسورة نتيجة الاحتكاك بالعتب (بقايا الصباب المكسور)
واضطريت اني اغير مكنة خالص بدل ما كنت هاعمل عمره ويا عالم لأن المكنة عندي كانت اتنفخت

بس بجد يا جدعان اللي استفدته كويس اوي من الموضوع ده ان الألماني فوق الجميع بجد المكن ده فعلا حمِّال قسية اوي يعني لان الموضوع ده حصل في بحر يجي 5 شهور كده
يا رب اكون افدتكوا يا رب وما صدعتكوش

لا حول و لا قوة الا بالله ... بجد زعلت لما قريت المشاركه ... ميكانيكى مؤذى فعلا ...

ربنا يعوض عليك فى الموتور و ان شاء الله تلاقى مووتور احسن منه