تبديل زجاج صني

**ahmedman** · 25-10-2011 09:28 PM

السلام عليكم

الحمد لله على كل

كنت راكن عند سيتي استارز لمدة ساعتين رجعت لقيت ازاز الشباك اليمين الخلفي مكسور
والعربيه اتاخد منها شنطة لاب توب بس الحمد لله كان فيها كتب والاب مش فيها

فين احسن مكان اغير فيه الازاز اللي اتكسر دا

وهل لازم التوكيل عشان ضمان العربيه

واخيرا لو هيكلف في حدود كام جوا التوكيل وبرا

وجزاكم الله كل خير

**mohamedbook** · 25-10-2011 09:41 PM

الزجاج ثمنة 75ج عند دكتور جريش في العاشر من رمضان
هتروح العاشر من رمضان هتسال علي مصنع دكتور جريش مش هتكمل نص ساعة وتركبة وتمشي ان شاء الله
اما التوكيل اسعارة نار
انا ركبت الزاجاج الامامي عند جريش كان تمنة 245ج في حين انه في التوكيل سعرة 650ج
وده رقم التليفون لو حابب تعرف سعرة تحديدا 015410003

**Sameh_OO7** · 25-10-2011 10:40 PM

قدر الله وما شاء فعل وهوه دا العادى من بنك مصر
د/جريش : اللى فى العاشر من رمضان
افضل شغل وارخص سعر وربنا يسترها معانا ومعاك

**ahmedman** · 25-10-2011 11:03 PM

جزاكم الله خيرا

طيب مفيش حد اقرب هنا في مدينةنصر

**M.Nabeeh** · 26-10-2011 12:43 AM

المشاركة الأصلية كتبت بواسطة ahmedman

السلام عليكم

الحمد لله على كل

كنت راكن عند سيتي استارز لمدة ساعتين رجعت لقيت ازاز الشباك اليمين الخلفي مكسور
والعربيه اتاخد منها شنطة لاب توب بس الحمد لله كان فيها كتب والاب مش فيها

فين احسن مكان اغير فيه الازاز اللي اتكسر دا

وهل لازم التوكيل عشان ضمان العربيه

واخيرا لو هيكلف في حدود كام جوا التوكيل وبرا

وجزاكم الله كل خير

دكتور جريش

**Youssef.Awad** · 26-10-2011 02:09 AM

ربنا يعوض عليك ويسترها علينا
ما تزعلش بس موقف بايخ
انا اتعرض لسرقة شنطة لابتوب برضه وكان فيها ورق للشغل كانت فى شنطة العربية
دوست على جسم معدنى من شهر ع الطريق الزراعى قطعلى فردتين كاوتش كنت لسه مغيرهم جداد وماشى بيهم اسبوع بس
كلمت زميلى عشان ييجى ياخدهم يصلحهم ولما خدهم وكلمنى قالى واحدة مش نافعة خالص والتانية ممكن يركبلها شانبر قولت اكسب وقت قبل ما يرجعلى واغير الاستبن وكانت الشنطة مليانة شنط سفر وانا بانزل اول شنطة ع الارض وبالتفت كده كان واحد خطف الشنطة اللى فيها الكتب ونط على موتوسيكل ورا واحد مستنيه وطلع يجرى فى ثانيتين بالزبط !!!
وستر ربنا ان اللابتوب كان فى شنطة تانية صغيرة جنب اللى نتشها والكلام ده كان 4 العصر !!!
ربنا يرحمنا وننضف بقى ولا كأننا عايشين فى شيكاغو
انا حتى من ساعتها لو حاطط حاجة مهمة فى الشنطة ولا مسافر باقفل مسوجر الشنطة من جوة لأنه ممكن يكسر الازاز ويفتح من جوة لو مركونة فى اى مكان

د.جريش انسب مكان وروح وبلغنا باللى عملته باذن الله

**szaalouk** · 27-10-2011 09:59 AM

دكتور جريش انظف و احسن مكان علشان ترجع زي ما كانت بالضبط انشاء الله
فيه كذا مكان في مدينه نصر و مصر الجديده لكن حاول تيجي علي نفسك حبتين و تروح العاشر من رمضان.... هناك فنيين علي اعلي مستوي .
و ربنا يسترها معاك و معانا جميعا في الأحوال الصعبه اللي بقت حوالينا كلنا دي .