الموضوع: موضوع للنقاش عن مزايا وعيوب مازدا 3

المشاركة الأصلية كتبت بواسطة mmazhar

انا حبيت افتح موضوع عن مزايا وعيوب المازدا 3 سواء الشكل القديم او الجديد لانهم مشتركين فى كتير من الحاجات الميكانيكل بالذات فانا قولت نفتح الموضوع دة علشان نتناقش فى المزايا و العيوب و نشوف تجربة كل واحد و بكدة يبقى كلنا استفدنا من بعض .. يعنى مثلا انا شايف ان فية عيب فى الطنابير الامامية لانة بعد فترة من الشغل بلاقى ان دركسيون العربية بيهتز جامد عند الفرملة فى السرعات العالية ودة نتيجة ان الطنابير بتبوظ بعد فترة انا عن نفسى غيرتها مرتين فى خلال 4 سنين مش عارف هل دة معقول ولا كتير؟ طبعا العيب المعروف فى المازدا وهو صوابع الميزان وان كنت شايف ان دة مش عيب فى العربية على قد ما هو عيب فى شوارعنا.. بالنسبة للمزايا فانا كدة عايز يومين كتابة علشان اتكلم عليها بس كفاية اقولكم انى عربيتى موديل 2005 وعامل بيها رقم رهيييييييييب 210000 الف كيلو والعربية والله كانها زيرو و على فكرة هى عربية يعتمد عليها بجد.
كفايا انك ممكن تفضل ماشى على سرعة 190 لمدة ساعة و نصف متواصل وعادى جدا دة مش حتلاقية فى عربيات تانية كتير حتى لو كانت بتجيب نفس السرعة او حتى سرعة اكبر.

سؤالي بقي لما بتكون على سرعة 190 الار بي ام بيبقي كام وهل موضوع ال4 غيارات بس ده مش بيتعب الماتور ولا الفتيس على السرعات العالية دي؟

المشاركة الأصلية كتبت بواسطة medo_msmsa

سؤالي بقي لما بتكون على سرعة 190 الار بي ام بيبقي كام وهل موضوع ال4 غيارات بس ده مش بيتعب الماتور ولا الفتيس على السرعات العالية دي؟

الار بى ام يا باشا بيبقى عند حوالى 5000 والسرعات العالية طبعا تتعب الموتور لما تعقد فترة طويلة بالذات لو كانت العربية 4 غيارات فقط لاكن فى المازدا بتحس وانت ماشى على الغيار الرابع ان العربية بتجيب غيار خامس بس من غير ما يبان على الشاشة لدرجة ان فى عضو معانا هنا عمل موضوع عن العربية اذا كانت اربع غيارات ولا خمسة و طبعا هى اربعة بس و هو دة اللى احنا بنقولة ان المازدا 3 عربية محترمة جدا لانك لو تاخد بالك من كلامى تلاقينى بقول انك ممكن تمشى على سرعات عالية لفترة طويلة ودة بيبقى صعب جدا فى عربيات تانية كتير من نفس الفئة . و فعلا زى ما انت قلت السرعات العالية لفترة طويلة مع عربية 4 غيار فقط بيتعب الموتور و لكن نسبة و تناسب عشان كدة تلاقى المازدا 3 بتدى نفس اداء العربية الستة غيار على نفس السرعة.

المشاركة الأصلية كتبت بواسطة mmazhar

الار بى ام يا باشا بيبقى عند حوالى 5000 والسرعات العالية طبعا تتعب الموتور لما تعقد فترة طويلة بالذات لو كانت العربية 4 غيارات فقط لاكن فى المازدا بتحس وانت ماشى على الغيار الرابع ان العربية بتجيب غيار خامس بس من غير ما يبان على الشاشة لدرجة ان فى عضو معانا هنا عمل موضوع عن العربية اذا كانت اربع غيارات ولا خمسة و طبعا هى اربعة بس و هو دة اللى احنا بنقولة ان المازدا 3 عربية محترمة جدا لانك لو تاخد بالك من كلامى تلاقينى بقول انك ممكن تمشى على سرعات عالية لفترة طويلة ودة بيبقى صعب جدا فى عربيات تانية كتير من نفس الفئة . و فعلا زى ما انت قلت السرعات العالية لفترة طويلة مع عربية 4 غيار فقط بيتعب الموتور و لكن نسبة و تناسب عشان كدة تلاقى المازدا 3 بتدى نفس اداء العربية الستة غيار على نفس السرعة.

معاك يا باشا وانا حسيت برضة بموضوع الغيار الخامس ده بس في المحصلة ان على سرعة 115 هتلاقي الار بي ام على 3 بالظبط انا بس كنت بسال عشان انا كل استخدامي جوة المدينة واقصى سرعة جبتها كانت 160 وكان الار بي ام على 4 -4.5 مش فاكر بالظبط... على فكرة معتقدش ان الار بي ام هيكون زي الـ 6 غيار هو مرضي بس مش لدرجة زي ال 6

ممكن أشارك في الموضوع ؟؟

في الحقيقة أنا معايا عربية مازدا 3 2010
عامل بيها لحد دلوقتي 25000 كم
و ليا مواضيع بالشروح التفصيلية في منتدى شقيق
ممكن أبقى أنزلها بعد كدة
بس خلاصة الموضوع

أولا : المميزات :
1- ثبات رهيب و عزل جديد جدا
2- جودة خامات و تقفيل عالية مع شكل صالون شيك و عصري
3- متعة في القيادة و راحة في السفر
4- تكييف قوي و لا يوجد تأثير ملحوظ على السحب
5- سعرها مناسب بالنسبة للإمكانيات و الكماليات
6- عموما السيارة أنا مقتنع بيها جدا .....
عموما حتى الان جيد جدا

ثانيا العيوب :
1- لو اعتبرنا التوكيل عيب من عيوب العربية فدة حايكون عيبها الأول : غبور
و صدقوني لو كنت أعرف إن التوكيل حايبقى كدة كنت فكرت تاني و تالت قبل ما أشتري ,
2- إستهلاك بنزين عالي جدا ( من وجهة نظري ) بالنسب لسيارة ياباني
داخل المدينة م عالتكييف و التحميل أحيانا 12,5 لتر / 100 كم
خارج المدينة 10 لتر / 100 كم
3- صغر الباب الخلفي مع ضيق الكنبة الخلفية ( مش قوي )
4- الجير بوكس كسول و قديم ( 4 سرعات ) مع موتور ليس بالقوة الكافية 105 حصان ( و دة عيب نسبي يعني اللي مش مهم معاه الشد و الجري مش حاتفرق معاه كتير )

المشاركة الأصلية كتبت بواسطة alymonir

ممكن أشارك في الموضوع ؟؟

في الحقيقة أنا معايا عربية مازدا 3 2010
عامل بيها لحد دلوقتي 25000 كم
و ليا مواضيع بالشروح التفصيلية في منتدى شقيق
ممكن أبقى أنزلها بعد كدة
بس خلاصة الموضوع

أولا : المميزات :
1- ثبات رهيب و عزل جديد جدا
2- جودة خامات و تقفيل عالية مع شكل صالون شيك و عصري
3- متعة في القيادة و راحة في السفر
4- تكييف قوي و لا يوجد تأثير ملحوظ على السحب
5- سعرها مناسب بالنسبة للإمكانيات و الكماليات
6- عموما السيارة أنا مقتنع بيها جدا .....
عموما حتى الان جيد جدا

ثانيا العيوب :
1- لو اعتبرنا التوكيل عيب من عيوب العربية فدة حايكون عيبها الأول : غبور
و صدقوني لو كنت أعرف إن التوكيل حايبقى كدة كنت فكرت تاني و تالت قبل ما أشتري ,
2- إستهلاك بنزين عالي جدا ( من وجهة نظري ) بالنسب لسيارة ياباني
داخل المدينة م عالتكييف و التحميل أحيانا 12,5 لتر / 100 كم
خارج المدينة 10 لتر / 100 كم
3- صغر الباب الخلفي مع ضيق الكنبة الخلفية ( مش قوي )
4- الجير بوكس كسول و قديم ( 4 سرعات ) مع موتور ليس بالقوة الكافية 105 حصان ( و دة عيب نسبي يعني اللي مش مهم معاه الشد و الجري مش حاتفرق معاه كتير )

السلام عليكم
بالنسبة لموضوع الهورس بور بتاع الموتور انا كنت قريت فى منتدى اجنبى انك ممكن تعمل ريماب لل ecu
وتوصل العربية ل 120 هورس بور واللة اعلم الكلام دة صح ولا لا
بس لو فعلن كدة يبقى المفروض ندور على حد فاهم فى الموضوع دة ونسالة
عشان 120 احسن من 105
واللة اعلم

يا جماعة خلو بالكو من حاجة مهمة جدا ان ال105 هورس بور دولnet مش grouth