e36 كوبيه 16 او 18 و موديل 98 او 97

**nomair** · 28-10-2011 09:16 AM

تحية طيبة وبعد

هخش فى الموضوع علطول اهوه ..

انا ان شاء الله قررت اغير البومة ال 1600 و اجيب e36 كوبيه 16 او 18 و موديل 98 او 97 عايز بقى منكو لو تكرمتو شوية نصايح كدا و ايه رايكو تفتكروو هحس بفرق ف الركوبة وكده ولا ايه ؟ ولو كده سعر العربية دى فى حدود كام وفين سكتها يعنى كنتكت كارز ولا سوق ولا معارض معينه حضراتكم ممكن تدلونى عليها ولا ايه الكلام انا عايز الاقى عربية بحالتها يعنى ماشية 80 او 70 الف بس و برش الفبريكة و يكون سعرها معقول (طبعا دا اشبه بالمستحيل أنا عارف )
وايه نظام قطع الغيار والاعطال, يعنى هعيش حياتى كلها اصلحها زى ما بسمع ولا ايه ؟؟

اسف للاطالة وانتظر الردود ...

**MohamedGafar** · 28-10-2011 02:31 PM

ربنا معاك فعلا! ده انا على مالاقيت واحدة 2006 نظيفة قعدت 5 شهور وطلع فيها كباس التكييف بايظ كمان بعد ما إشتريتها... ولحد دلوقتي مالقيتلوش حل إلا فى التوكيل!!!

تحياتي.

**Mik_t4** · 28-10-2011 03:16 PM

لو لقيت واحدة نضيفة هتبق برنسسسسسس لا تقولي بومة ولا زلومة

**nomair** · 28-10-2011 05:11 PM

المشاركة الأصلية كتبت بواسطة MohamedGafar

ربنا معاك فعلا! ده انا على مالاقيت واحدة 2006 نظيفة قعدت 5 شهور وطلع فيها كباس التكييف بايظ كمان بعد ما إشتريتها... ولحد دلوقتي مالقيتلوش حل إلا فى التوكيل!!!

تحياتي.

rabena ybareklak feha y basha , tb w kont betdawar feen aw ro7t m3ared eh? w shokran 3la mororak el kareem :)))

**nomair** · 28-10-2011 05:13 PM

المشاركة الأصلية كتبت بواسطة Mik_t4

لو لقيت واحدة نضيفة هتبق برنسسسسسس لا تقولي بومة ولا زلومة

tefteker ya mik beeh !! :S ya3ny msh ha7es maslan en motor el puma kan 7amy 3n el 316 aw 18 masaln !!

**mohammedabdallh** · 28-10-2011 05:36 PM

الى حضرتك بتدور عليه ده
اشبه بانك تدور على ابره فى كوم قش
انا مش بعجزك بالعكس انا قعدت ادور وبقالى فترة بدور ومش لاقى حاجه كويس
وزهقت

**emadzaki** · 29-10-2011 01:33 AM

معايا 316 موديل 92 بها موتور 318 لون اسود بحاله الفبريكه , بويه فبريكه بره و جوه صالون جلد اسود ممتاز جونوط اصلى , كل ما بها فبريكه مش محتاجه اى مصاريف عاوز 67

**nomair** · 29-10-2011 06:14 AM

المشاركة الأصلية كتبت بواسطة mohammedabdallh

الى حضرتك بتدور عليه ده
اشبه بانك تدور على ابره فى كوم قش
انا مش بعجزك بالعكس انا قعدت ادور وبقالى فترة بدور ومش لاقى حاجه كويس
وزهقت

كلامك صح يا باشا والله ..
هى الحاجات دى بتيجى صدفة كدا !! بس هنعمل ايه بقى "ان الله مع الصابرين" .. انشاء الله خير :)

**nomair** · 29-10-2011 06:28 AM

المشاركة الأصلية كتبت بواسطة MohamedGafar

عليك و على الوسيط وكونتاكت كارز وطبعا منيب وشميس بس دول بيزودوا من 7 الى 10 آلاف جنيه على السعر الأصلي!

دور بالراحة جدا وما تستعجلش لأن الغلطة فى العربيات دي بجووووووون!!!!!

إكشف عند منصور اللى فى جسر السويس - مصر الجديدة....ده ممتاز على فكرة ، بصة واحدة منه بيهرش العربية على طول...بياخد من 300 ل 500 جنيه على حسب العربية وموديلها.

ربنا يوفقك بس ياريت تطلع بالموديل شوية وتدور على ال 46 e أفضل.

تحياتي.

ههههههه تمام يا باشا. كلام حضرتك يدل على انك فعلن اتعذبت عشان تلاقى العربية دى :))
بس هوا صراحة يعنى انا بحب الشيب بتاع الدبانة اوى خصوصا الكوبيه منها غير انى بحسها كده موتور عفى و مصمم للحمل التقيل اكتر منو فى ال e46
مع ان اى حاجة عليها علامة بى ام و فرصة كويسة انا دايس طبعاا هههههههه ...
وكل الشكر والتقدير لاهتمامك :)