الموضوع: امتحان رياضة ساخر

-----------------------------------------------------------
السؤال الاول


اشارمجلس الوزراء إلي أن الناتج الاجمالي المحلي خلال هذه الفترة بلغ 5،226 مليار جنيه. كما زاد النمو الاقتصادي إلي 5،7 % وارتفع نصيب الفرد من الناتج إلي 9946 جنيها.. بالبلدي كده احسب الفرق بين الراتب الشهري والمبلغ المكتوب قدامك. ولو مبتعرفش تحسب هات اله حاسبه وريح دماغك

احسب مصروفاتك الشهريه واطرحها من نصيبك (اللي هو 9946 زي ما قالت الحكومه ) وادي الباقي للبيه المراقب

-----------

السؤال الثاني

مع انخفاض سعر جرام الذهب الي 109 جنيه ( ده مؤقتا بس )
في ظل المستجدات اللي بتقول ان انتاج الذهب في مصر زاد في الفتره الاخيره

اجب عن الاتي

ذهب الليل وطلع الفجر والكتكوت صوصو ... تفتكر يبقي الكتكوت بكااااام

احسب كام جرام بمبلغ 1000 بناء علي القاعده اللي بتقول .. المنحوس منحوس


-----------

السؤال الثالث

اذا كان عدد الخطوط المتاح لشركة موبينيل في الكود الواحد مثل 012 هو 10000000 خط (يعني عشره مليون خط )
وتكلفة الكود الواحد مليار جنيه واذا كانت موبينيل دلوقتي عندها 3 اكواد .

احسب مكسب نجيب باشا في كل مكالمه بتتكلمها كام
مستخدما القانون العام للمكالمه ...(( انا فودافون ))

واذا كانت تكلفة ابراج النايل سيتي حتي الان 25 مليار جنيه
قوللي بنباهتك كده يا عم الفقري ده هيكسبه كام ؟؟؟


----------

السؤال الرابع ( يارب نخلص )

اذا كان الهدف من مدينة الانتاج الاعلامي هو انتاج ما يقارب ال3500 ساعه من الاعمال التليفزيونيه سنويا ..
وتوفير انتاج سينمائي بقوة 100 فيلم سنويا ..

من واقع خبراتك بالسينما والتليفزيون المصري احسب عدد الاعمال الناجحه
ثم قم بطرحها من الاجمالي ثم اضرب الناتج في وش المراقب
وابقي قابلني لو عملنا فيلم عدل

----------

السؤال الخامس

سافر اللاعب المصري عصام الحضري الي نادي سيون السويسري مقابل 400 ألف دولار
تاركا النادي الاهلي

احسب كم يساوي كفر البطيخ بدمياط استنبادا للمادة رقم 17 من قانون الإتحاد الدولي لكرة القدم "الفيفا"

كم عدد لاعبي كرة القدم المنحرفين

ايه يا باشا الاسئلة الصعبة دى
ومما انا لو كنت بعرف احسب واحل المسائل ديه ما كاكنش الحال بقة الحال

بجد شر البلية ما يضحك
بس انا ممكن اضيف سؤال
بما ان سعر الحديد قارب ال 8000 جنيه واحتمال صعوده الى 8500 جنيه
احسب عدد الشباب اللى عايز يتجوز؟ وكم منهم اتجوز فعلا ونسبتهم المئوية اد ايه؟
بس انا متفائل برغم كل الظروف اللى فى البلد