حد هنا ليه فى رياضة الرماية ؟

**Ahmed Selim** · 05-05-2011 09:36 PM

السلام عليكم....

كنت عاوز أسأل لو فيه حد هنا ليه فى رياضة الرماية و يقدر يفدنى فيها

يعنى عاوز أعرف أيه أنواع المسدسات/البنادق المستخدمة فى الموضوع ده
الموضوع بيتكلف كام لكل كام طلقة
أيه أمتع أنواع الرماية....أو بمعنى أخر هل فيه فرق و أنت بتضرب ب 9 مللى عن ما تضرب بضغط هواء ؟ و أيه منهم أنت شايفه أحسن و ليه ؟

فى إنتظار الردود من قناصة المنتدى :)

**M.ADEL KAMEL** · 05-05-2011 11:44 PM

ط±ظ…ط§ظٹط©.mp3

**WalidAdel** · 05-05-2011 11:45 PM

متابع اوي

**ahmedabutaleb** · 06-05-2011 12:13 AM

ياباشا لازم تحدد الاول صيد ولا رماية
لو عايز تتعلم رماية فية فى نادى طلائع الجيش واسمع ان اسعارة رخيصة وكمان فية فرصة انك تكون فى الفريق لو سنك صغير
والرماية تلات انواع فيه الرش والرصاص والخرطوش
واكيد هتبتدى بالرش وبصراحه ووجهة نظر شخصية الرش هوا الامتع لان عايز دقة عالية
ولو هتبتدى انصك خليك فى حاجه نمرة 2 وتكون باور متوسط
وبرده الاير سوفت شغال وكويس ولو عايز اى استفسار ممكن تكلمنى
وبعت لك لينك كده شوفه واقرا المواضيع كلها وان شاء الله هتفيدك

**heshamzaky** · 06-05-2011 12:57 AM

علشان تتعلم رماية القصة مش صعبة لو مش حا تدخل مسابقات يعنى
بداي الطريق و أول السلم اتعلم تضرب ب البندقية الرش بجد بجد دى مدرسة لانك بتتعلم عليها و مفيش أى خطر كبير و بتبتدى مهارتك تكون عالية الاول أهداف ثابتة كبيرة نسبيا و تبتدى تتدرج لغاية ما ممكن جدا توصل أنك من على بعد 10 متر تضرب مسمار متثبت فى لوح خشب مسمار متثبت و باقى المسمار ظاهر طبعا و ممكن تلعب لعبة أنك تولع شمعة و تضرب على النار تطفى الشمعة بالرش يعنى الرشة حا تضرب فى الفتيل بتاع الشمعة ينزل الفتيل على الشمع السائح على الشمعة تطفى النار
لو حا تصطاد مثى عصفورة أم يمامة حا تعرف تضرب أزاى لان الهدف و خصوصا الطيور و هى واقفة على الارض حاجة و هية واقفة على غصن شجرة حاجة و و هية واقفة على أريال أو سلك كهرباء حاجة حا تتعلم كيفية القنص و زاوية الاطلاق الصحيحة بلاممارسة يعنى امتى تضرب فى الرقبة و أمتى تضرب فى الجنب و أمتى تضرب من ناحية الذيل و دة بيبقى لو اليمامة واقفة على سلك كهرباء و المكان مفتوح .
لو أيدك اصبحت متزنة تماما و عاوز تضرب ب طبنجة سواء رش أو حى الفكرة واحدة .
بص طبعا الفرق كبير جدا جدا لان الحى لة رد فعل و صوت عالى فى البداية حا تتخض من الصوت و تلاقى ان الدنيا مش متزبطة بعد فترة حا تتعود عليها
بس الحى دة مشكلة كبيرة دة سلاح قاتل و مش لعبة
لو حا تضرب فى ميدان رماية مفيش أى مشكلة فية ساتر خلف الشكل و مفيش حد واقف خلف الشكل فممكن بتعور و بيارق ((( أعلام ))) محددة أماكن ما يتخطهاش حد . أما لو حا تضرب فى مكان مفتوح دة عاوز خبرة مش غشومية لان الموضوع مش فرح العمدة لازم تبقى فاهم القاعدة بتاعت الاطلاق لان الطلقة بتوصل لمدى بعيد ممكن الى بيضرب يكون بينشن على حاجة و الطلقة عادى ما تجيش فى الشكل الى بيضرب علية و النتيجة طلقة طائشة تصيب شخص بعيد

**Scuderia.M** · 06-05-2011 01:06 AM

متابع, أنا نفسي اتعلم. أنا كنت جربت سنة في نادي الشمس رمايه طبنجة غاز, بس ده كان من زمان وبطلت, دلوقتي عايز أنزل تاني, بس عايز رماية 9 ملي حي, أنا عارف إن لازم ابتدي الاول بغاز, بس ممكن أنزل فين؟ ونادي طلائع الجيش إيه النظام؟ لازم شروط معينة؟

**heshamzaky** · 06-05-2011 01:10 AM

المشاركة الأصلية كتبت بواسطة scuderia.m

متابع, أنا نفسي اتعلم. أنا كنت جربت سنة في نادي الشمس رمايه طبنجة غاز, بس ده كان من زمان وبطلت, دلوقتي عايز أنزل تاني, بس عايز رماية 9 ملي حي, أنا عارف إن لازم ابتدي الاول بغاز, بس ممكن أنزل فين؟ ونادي طلائع الجيش إيه النظام؟ لازم شروط معينة؟

لو كنت فى نادى الشمس زمان تعرف كابتن حسام مصطفى ((( انكريدبول ))) بتاع ال وتر بولو كان بيلعب رماية أو بمعنى أدق خماسى حديث

**Scuderia.M** · 06-05-2011 01:18 AM

المشاركة الأصلية كتبت بواسطة heshamzaky

لو كنت فى نادى الشمس زمان تعرف كابتن حسام مصطفى ((( انكريدبول ))) بتاع ال وتر بولو كان بيلعب رماية أو بمعنى أدق خماسى حديث

أنا كنت بلعب سنة 2003, للاسف معرفوش, وعلى فكرة أنا كنت بلعب خماسي حديث برده قبل الرماية, أيام كابتن صبري خلاف وكابتن خالد عصفور

-

-

الموضوع: حد هنا ليه فى رياضة الرماية ؟

LinkBack

أدوات الموضوع

عرض

حد هنا ليه فى رياضة الرماية ؟ - انشر الموضوع فى :

-

-

-

المواضيع المتشابهه

رياضة الصبح على كورنيش اليكس مين قال جاى

مين فينا بيمارس رياضة من اى نوع لو حتى مشى ؟؟

لانسر رياضة - عادى

الكلمات الدلالية لهذا الموضوع

المفضلات

المفضلات

ضوابط المشاركة