بجد حرام اللى بيحصل دة الواحد تعب

**eska** · 30-10-2011 02:25 AM

المشاركة الأصلية كتبت بواسطة mifs

الله عليك يا طناني باشا شكلك عارف كل ملاك الاوبل في مصر
انت فتحت المندل وللا ايه ........ههههههههه
بهزر مع حضرتك طبعا

iههههههههههههههههههههههه طناني باشا اللهو الخفي

**eska** · 30-10-2011 02:30 AM

المشاركة الأصلية كتبت بواسطة ahmedgaser

بعد السلام
بجد انا مخنوق و على اخرى و زهقت من حاجة اسمها عربيات بقالى 5 شهور دايخ على عربية مستعملة كويسة .
و فى خلال المدة دى قابلت اشكال و الوان من البشر و من العربيات . اللى عمال يفتى على الفاضى و يقنعك ان العربية فله و تطلع قريبة من التوك توك
و العربيات الكويسة اللى ورقها فى مشكلة و انفض و اللى معقولة و صاحبها بيفترى فى السعر و تكلمه يقولك مش بايع .
بالامانة و الله انا اتعلمت الادب فى الكام شهر دول .

و هتستغربوا انا عملت الموضوع هنا ليه . لانى قررت بعد م شفت كذا موضوع فى القسم و خصوصا مشاركات الاخ العزيز طنانى باشا . انى اجيب العربية الاول الاسترا 2001 اللى كنت شفتها من كام شهر و لسه موجودة !!!!

الله اعلم هو دة العادى بتاع الاوبل و لا فيها حاجة بس كلمت الراجل و قلت هجيب ميكانيكى يشوفها و كان اخر كلام فيها على 46500 بالضبط

كلمت الراجل هو شباب و شكله محترم و قلتله بالامانة العربية دى فيها ايه و محتاجة ايه قالى موتورها حالتة تمام و الفتيس تمام

لكن عايزة مساعدين خلفى شمال و تمنه حوالى 250 جنيه ....!!!

اتمنى منك حد يقولى المساعدين دة يعيب العربية و لا عادى اجيبها و اتوكل على الله و اخلص لانى تعبت بجد و لو تمام يبقى اجيبه منين و سعره كام

متشكر جدا لليكم و ربنا يجزيكم الخير لانى بعتبركم املى الاخير بجد

حاسس بكل كلمه قلتها لاني بقالي شهر انا كمان بدور وطالع عيني شفت كام عربية اللي تبقى طالع ترتينها ومرشوشة بره ويقولك 48 ومش عايز ينزل واللي تبقى حلوة ومحتاجة مصاريف وبردو ماسك في السعر العالي حصل ايه يا جماعة الناس مرة واحدة بقت مفترية مش عارف ليه في حاجة اسمها سعر السوق وعربيات بتتباع واسعارها معروفة مش معقول حتى لو حالتها حلوة في ماكسمم للعربية بالموديل ده ...,والله لدرجة اني فكرت اجيب لانوس جديدة عشان اريح بالي بس مش عايز ادفع قسط لان كل اللي معايا ميعديش 47 وعلى فكرة انا كنت بدور زيك على استرا 2000

**tananybasha** · 31-10-2011 04:25 PM

ربنا يكون فى عونكم

**AbuMohammed** · 31-10-2011 10:37 PM

يا جماعه الموضوع بسيط بس انتوا مش عاوزين تتعبوا ده الواحد كان بيلف زى النحله و كلمت طوب الارض على عربية و الحمد لله
بس ليك عزرك انت فى الزقازيق برضه السوق محدود

**tananybasha** · 31-10-2011 11:15 PM

العربية النضيفه صعبة
و اندر من الدهب

**ahmedgaser** · 01-11-2011 02:02 AM

ممنون جد ا لكل اللى شارك فى الموضوع و كتب تعليق بجد متشكر قوى

الخبر الغريب بقى و اللى غصب عنى و خارج عن ارادتى للأسف انى فعلا اشتريت العربية بس مش الاول استرا 2001 اشتريت عربية كريستالة 98 كاملة مانيوال بـ47000 .....؟؟؟؟؟؟؟؟

المشكلة مش فى كدة المشكلة انى كنت بدور على لانوس و لما شفت الكريستالة عجبتنى و صرفت نظر عن اللانوس خالص لان الفرق كبير و دلوقتى بعد م شفت الاوبل و فخامة العربية دى بجد بالرغم من اى حاجة ممكن تعيبها الا انها ببساطة اتعلقت بيها جدا و بقيت شايف نفسى فيها قوى و طبعا من جوايا عملت حاجز بينى و بين الكريستالة بالرغم من انها كويسة .

و هنا تدخل والدى و نهى الموضوع خالص و فعلا اشترى الكريستالة و السبب طبعا كلكم عارفينه قطع الغيار المتوفرة و اسعارها المعقولة و يبقى حلم اقتناء الاوبل استرا فى عقلى .... على أمل اللقاء

ارجع و اقول مدام دى اللى مشيت يبقى ربى كاتب لينا فيها الخير . عايز رأيكم بخصوص الكرستالة دى يا احلى اصحاب

سلامى للجميع

**minicooper20** · 01-11-2011 07:01 AM

مبروك عليك الكرستاله
عربيه حلوه و حماله اسيه

**sniperwolf** · 01-11-2011 02:19 PM

كريستالة اية بقى 1300 ولا 1500 ولا 1600 الكريستالة حلوة فى الشد و الكلام دة لكن فى التوازن و الامان الاسترا و الفيكترا تكسب طبعا

-

-

الموضوع: بجد حرام اللى بيحصل دة الواحد تعب

LinkBack

أدوات الموضوع

عرض

-

-

-

-

المواضيع المتشابهه

ياتري بيحصل ايه في جهاز الكمبيوتر اما الواحد يقفله وينام المصدر: ياتري بيحصل ايه في

حرام بجد اللي بيحصل في الفيديو ده ... دا ولا الدول النايمة !!

مش حرام الي بيحصل في العربيات في مصر ؟

والله حرام الى بيحصل

حرام ولا حلال اللى بيحصل ده يا جماعه !!!!!

الكلمات الدلالية لهذا الموضوع

المفضلات

المفضلات

ضوابط المشاركة