الموضوع: فرع الصيانة الجديد بالقطامية (eim)

اغلب الفنيين كنت بشوفهم في فرع المقطم
والمهندس اللى استلم العربية كان من المقطم وسألته دي ترقية ولا ............ قالي ترقية حلوة قوي وبعدين أنت اكيد عندك خبرة في العربية طالما علمت 60 ألف
افتح شباك الاستراحة وتابع الشغل بنفسك و هتلاقي بعد الفني مايخلص المهندس يتمم على الشغل

المشاركة الأصلية كتبت بواسطة tawfic

النزله اللى بعد كارفور بحوالى 5 كيلو واسمها نازله القطاميه العين السخنه
هاتنزلها وبعدين هاتلف من تحت الدائرى علشان توصل لمحمد ذكى
هاتخلى محمد ذكى على شمالك وهاتمشى كأنك طالع الدائرى تانى بالعكس هتلاقى بنزينه على شمالك ادخل من جنبها هتلاقى المركز
=================
ده وصف مصور بسيط على قدى يريت يفيد

والله مش عارف اشكرك ازاى على الوصف ده الف الف شكر لحضرتك تعبتك معايا ......
انا اصلا اتخنقت من المقطم حاسيت انهم بقوا مش زى الاول وفيه كاروته والوحيد الى كنت بحس انه بيفهم هو المهندس حسام والله هو يستاهل كل خير .

المشاركة الأصلية كتبت بواسطة gebreel

اعتقد يا دكتور تخليك في العبور دي صيانة كبيرة مفيهاش هزار

و كل سنة و انت طيب علشان مش عارف اوصلك على الموبايل خالص بقالي فترة =)

+1111111
عندك حق انا ناوى اجرب هناك فى القطامية بس عشان رايح صيانة 25000

ياريت لو حد راح يعمل صيانة تانى يحكنا ايه الاخبار - لذيادة التاكيد علي مستوى الخدمة

السلام عليكم

أنا أستلمت لوجان 2012 لزوجتى أول الشهر وكان عندى مشكلتين (العربية عاملة 320 كم):
1- السيكيوريتى كود بتاع الكاست
2- دواسة الفرامل مشوارها طويل جدا ولازم تدوس للاخر علشان تفرمل

رحت امبارح للقطامية لاهم قريبين منى ولكن للاسف انطباعى عنهم كالتالى:
-أستقبلنى مهندس (المفروض أنه مهندس والله أعلم) وعرضت عليه المشكلتين وطلع معايا علشان يجرب الفرامل وكان رده عليا كالتالى:
1- ان هى الرينو كده
2- لا اللوجان بتنزل كده وده مش عيب
3- ممكن أركبك عربية ثانية تشوف ان ده عادى فى اللوجان
4- هو حضرتك كنت راكب عربيه أيه قبل كده
الراجل أستفزنى جدا وقلت فى نفسى متحطش رأسك برأسه ده لسه عيل وتلاقيه واخد فوق دماغه من مديره والا حاجة عالصبح مع العلم انى ركبت عربيات بعدد شعر رأسه من أول ال 127 الى الأمريكانى ولله الحمد.
قررت فى نفسى انى أخليه يضبط الكاسيت الأول وبعدين لما أجى اعمل الصيانة يبقى يحلها ربنا.

قلتله طب انا عاوز اجرب اى عربية لوجان علشان اشوف الفرق
خلانى اجرب عربية من الموجودة عندهم وهى كانت عاملة 30000 كم وكانت المفاجئة بالنسبة لى ان يوجد فرق كبير بين السيارتين وبرده مع العجرفة المتناهية حاول يقنعنى انه مفيش فرق مع العلم انه جربها قبلى.
المهم ركنت وطلب منى الأنتظار لحد مايجي سالم يشوفلك الكاسيت
أنتظرت حوالى 10 دقائق وحدش جه وفى الاخر واحد من الفنيين طلب منى انى اترك العربية وهو يدخلها الورشة وانا انتظر فالاستراحة لحد ما سالم بك يظهر

طلعت فوق وانتظرت اكثر من 40 دقيقة ونزلت اشوف ايه المشكلة:
سالم ظهر والحمد لله ولكن الأترنت عندهم كانت واقعة مش عارفين يطلوا الكود ولما لقونى واقف على دماغهم اظطروا انهم يتصلوا بالموبيل مع المكز الرئيسى علشان يجيبوا الكود
المهم الموضوع اخذله حوالى ساعة وربع ويمكن اكثر علشان الكود.

الحقيقة اثناء تواجدى عندهم وملاحظة مايحدث من اول استلام العربية الى خروجها اكتشفت ان المركز ده فاشل بكل المقاييس ولن اذهب اليه مرة اخرى.

والمفاجئة الكبرى انى لما جيت النهارده الشغل وبتكلم مع أحد الزملاء وبأشتكى من المركز فوجئت انه عنده تجربة مريرة مع مركز القطامية لان عربيته كانت عاملة حادث وتم تغيير أحد الأبواب وشوية سمكرة صغيرين دفع عشرة الاف جنيه وطلع عينه معاهم وكتب فيهم شكوى ورشحلى مركز العبور وقالى معلش المشوار كبير بس مترحش حتة تانية.

الاخ العزيز aixer2002
بدون دفاع عن المركز انت عندك حق فى موضوع الانترنت
بالنسبة لموضوع الفرامل انا حصل معايا نفس الموضوع اول ماجبت العربية بس جربت عربية اخى وزميلتى فى الجامعة . هو نفس مشوار الدواسة فى كل اللوجان
بالنسبة للعربية اللى جربتها دى عاملة 3000 ولازم طبعا تحس بفرق جامد - اقراء الدليل " احسن اداء للسيارة بعد 3000 كم "
اما بالنسبة لزميلك ومشكلتة مع قسم السمكرة السعر ليس لة علاقة بفرع الصيانة دى اسعار الوكيل وممكن يتصل بخدمة العملاء ويراجع معهم المقايسة والفاتورة