الموضوع: اسبيرانزا a620 مش حتقدر تغمض عينيك و انت بتسوقها

المهم 27 / 6 دخل عليه التعديل ولا لأ ولا عاجبكم موضوع الحلم ده

حسام بك مكاوى إنت وحشنى فعلاً ياراجل ونفسى نتجمع تانى ونجيب معانا عدد أكبر من حبايبنا فى المنتدى ونتعرف على بعض أكتر
على فكره ياجماعه اليومين دول يومين ميزانيه فى الشركه والسهر فى الشغل يومى ومش بركب العربيه خالص

بسم الله الرحمن الرحيم

قد وعدت ان ابدا في ابدا انطبعي الشخصي عن السياره سبيرانزا 620 وهي ليست اراء شخصيه ولكنها مشاهدات من تجربتي مع السيارة نفسها

اولاً : لم يدع لي الاخ الفاضل حسام مجالاً للسناء او لسرد المزايا الموجدة في الموديل سبيرانزا 620 فمن سرده لمزاياها فكارت اشتري اسبيرانزا 620 تانيا ! ولكاني اليوم بصدد الحديث عن اداء السياره

1- عند استلامي للسياره من فرع ابو الفتوح المعادي لم الحظ الاتي : قطع في العازل البلاستك المحيط بشنطة السياره من الداخل

2- عدم وجود الغطاء البلاستك تحت اكرات فتح الباب من الداخل

3- الضمان بعد ثلاث اسابيع ليه مش عارف

4- البنزين الموجود بالسياره قد لا يكفيك حتي تصل لاقرب محطة بنزين ( المفروض عند الاستلام الوحد يجيب جركن بنزين معاه ؟

اما الانطباع الاول عند التحرك بالسياره كان غريب شويه ليه

5 - مش شايف ابعاد العربيه حتي لما رفعت الكرسي علي الاخر

6- العازل داخل السياره ممتاز , لكن بعد استخدام فتحت السقف ثلاث مرات وجدت انها اصبحت غير محكمت الغلاق مما ادا الي دخول صوت الهواء والتراب الي الصالون

7- ولان الجو كان حر شغلت التكيف رغم انه المفروض في التالين مشغلش التكيف كان ادائه ممتاز لكن الشخص الموجد في الكنابه الخلفيه لم يشعر بالتاكيف الا بعد عشر دقائق تقريباًُ من تشغيله , اما اليوم وبعد الالف كيلو الاول اداء التكيف مش كويس ابداً

8- الدراكسيون اثقل من ان يكون باور مما جعلني اكشف علي زيت الدراكسيون مرة اخري بعد التحرك ,

اما الغريب الذي جعلني اكشف علي العجل اكثر من 6 مرات هو الحدفه ناحيت اليميين ؟

9- الكيك دون بصراحه حكايه مينفعش احكي عنه لزم تجربه بنفسك وهو السر الذي جعلاني اتخطا سيارات كثير , ولكن الغريب ان سحب العربيه بدا يضعف ! بعد اول 500 كيلو ,

درجة ثابت السياره في السرعات حتي 130 السياره زي الفل لكن بعد 140 بتعوم رغم وزنها المهم لم اتخطا ال 160 لان العربيه اصبحت خارج السيطره

10 - ارتفاع السياره عن الارض محتاج نظره وخصوصاً في بلد المطباط والبلاعات العجيبه وعلي الرغم من ذلك السياره محميه من الاسفل ولا تستطيع ان تراء غير مسورة الشكمان لكن من الافضل رفع العربيه عن الارض

11- استهلاك البنزين اكثر من الطبيعي ولكن قد يكون السبب التكيف

12 - بعد 700 كيلو بداء يظهر رمز البطاريه بصوره متقطعه عند وضع المفتاح علي on رغم اني لا اشغل التكيف او التسجيل والسياره وقفه

13 – الصالون واسع جداُ ما شاء الله الفرش الجلد جميل جداً

14- الشنطه حكايه وخصوصاً في وجود فتحه من قونصل الكنابه الخلفيه للشنطه مبشرتاً يعني ممكن تجيب أي شاء من شنطة العربيه من غير ما تقف بس طبعاً مش الاستبن !

المهم لا ينفي كل ما قالت الان ان مميزات الموديل 620 اسبيرانزا اكثر من عيوبه فما تم سرده هي المشاكل التي واجهاتني ولم اسرد ما استمتعت بهي من مميزات السياره لان الاخواه الافاضل قد سبقوني الي هذا واعتقد ان شاء الله العلي القدير ان كل ما تم سرده سوف يحل عند زيارتي للتوكيل في صيانة الاف ان شاء الله بعد رجوعي الي مصر

وللحديث بقيه

ركبت الناقة وشرخت على الساحل الشمالى ودى أول إنطباعات على هذه السيارة :
أولاً : المساحه داخل السيارة أكثر من ممتازه وتعطى الراحه الكاملة لكل إللى فيها والشنطه ممتازة ونقلت حاجات كتير فى شنطة العربية بلا أى مشاكل يعنى أماكن التخزين فى السيارة جيد وكذلك الكنبه الخلفية .
ثانياً :ثبات السيارة على الطريق جيدوصلت حتى 140 كم / ساعة ولم أشعر بأى إهتزاز . السيارة ثابته رغم الهزه الصغيرة فى الدريكسيون التى كنت أقوم بعملها قاصداً للإختبار ثبات السيارة على الطريق والـ 120 كم / ساعة كأنك ماشى على 90 مثلاً فى السيارة الأصغر .
ثالثاً : التقفيل كويس ولم أشعر بأى تنفيث هواءبالسيارة إلى الأن ومش هقول إنه 100 % أقدر أقول مثلاً إن تقفيل منتراك أفضل هوه بس فيه شوية حاجات صغيره زى تبييت كاوتش الزجاج الخارجى مثلاً وخامة هوايات التكييف بس مش عاوز أبقى حنبلى يعتبر كويس برضه .
رابعاً : السحب كويس وأعتقد إنه نتيجه لثبات السيارة بشكل جيد ممكن تحس إنها مبتسحبش .
خامساً : شعرت بأن السيارة بها إنحراف بسيط أثناء السير لجهة اليمين ( ضبط هواء أو زوايا ) وأعتقد إن ده كلام فارغ .
سادساً : شعرت بالدبه البسيطه فى العجله اليسرى الأماميه فى تمويجه جامده من تمويجات الطريق بس حتى الأن مش حدوته وأى عربية هتتهبد الهبده دى لازم يبان خبطه .
سابعاً : حتى الأن معرفتش أشغل الإنذار . ارجو تفسير الأمر بشكل أوضح علشان أشغله .
ثامناً : سيارة عائلية من الطراز الأول . إبنى لمَا ركبها قال حاسس إنَى راكب عربية عمو فلان المرسيدس ودى عربيه 2007 على فكره .... والخلاصه نقدر نقول :
أنا حتى الأن مبسوط من العربية دى ... ونقدر نقول كمان :
ليه تدفع أكتر لمَا تقدر تدفع أقل[/u][/b]

نفس الموضوع مع ابني عبد الرحمن و لا تتخيل سعادتي بانه مبصوط
ومن الواضح ان حضرتك حبيت تفند وترد علي انطباعي عن السيارة بشكل عملي
اقوال لحضرتك سر 8) انا كل خبرتي في السيارات هما الالف كيلو الي مشتهم بلا 620
فا من واقع خبرة حضرتك ممكن تفسير الامر افضل مني