الموضوع: اسبيرانزا a620 مش حتقدر تغمض عينيك و انت بتسوقها

م/ آمر انا فعلاً كنت هناك امبارح من 12.30 لغاية 4.45 و طبعاً زعلت جداً و مكنتش اتوقع انك ممكن تكون هناك معلش حظى وحش كان نفسى اقابلك فعلاً يمكن انا قصرت و مقولتش انى رايح لكن الفكرة كلها و بالذات السفر للقاهرة كانت بالليل و مكنتش مخططلها لكن خفت انى انشغل فترة طويلة و ماافضاش اسافر فانتهزت فرصة السفر امبارح .. و كنت ناوى اصين هنا فى اسكندرية .. لكن عشان انا شفت امكانياتهم و شغلهم فى النوبيرا ففكرت انهم حيكونوا على نفس المستوى فى الاسبيرانزا.
معلش يا باش مهندس وعد منى ان شاء الله زيارة مخصوص اطلعلك فيها القاهرة باذن الله.

على فكرة مشوفتش الكلام دا كله و العربيات كانت كتيرة و انا بطبعى احب الحركة و معرفش اقعد فاضى كدا عشان كدا كنت باتحرك كتير و اول مالاقى فرصة اتكلم مع حد اخش على طول ..
ياريت تقوللى كنت هناك من كام لكام ؟؟!!!!

يا خسارة فعلاً حظى وحش .. معلش خيرها فغيرها..
القدر لعب لعبته معايا .................

عزيزى م/طارق .. صباح الورد و الفل و الياسمين..
الحقيقة الموضوع مش نوم و لا حاجة .. بس ذى حضرتك ما بتقول كدا احنا اتنين بس بالنسبة للموديل الكبير و عشان كدا الاهتمام كله منصب على الموديل الصغير .. و اغلب المواضيع و الاهتمامات بالموديل 516 و بيتهيألى انا اتكلمت عن المهم بالنسبة للموديل بتاعنا و مستنى لو اكتشفت حاجة جديدة او ارد على اى استفسار من احد الاعضاء.
بالنسبة لموضوع الدواسات انا شاركت فى المواضيع بتاعته و رأيى انه مش حاجة ذات اهمية يعنى مش حكاية ان الواحد يشترى طقم لعربيته و اتا عن نفسى اشتريته .
اما بالنسبة لموضوع البنزين فمتنساش انها 2000 سىسى و اكيد لازم تحس بسحب البنزين و على فكرة انا باحطلها 92 و عن تجربة لو مش بتقرص عليها مش حتستهلك بنزين و حتحس انه عادى بعكس لو تقلت رجلك شوية ..حكاية الـ Injection دى انا مبصيتش عليها و مش عارف يعنى هل تقصد ان العربية كاربيراتير و لا ايه ؟ و عموماً حتى لو كاربيراتير فبيتهيأ لى انه احسن فى الصيانة .. اما بالنسبة للفخامة فمش رأيك لوحدك انا رأيى انها ماشاء الله جامعة بين المرسيدس و البى إم و الرولزرويس .. و تحس بيها كمان فى السفر الطويل قمة فى الثبات و الراحة..ماشاء الله.
اما بالنسبة لموضوع الانتخابات فلسة مبصيتش عليه و رأيى انك حتكون افضل منى لأن تواجدى بالمنتدى مازال متقطع و سفرياتى كتير و احياناً بتكون طويلة نوعاً ما. و الله الموفق.. و اشكر اهتمامك و سؤالك و تحت امرك فى اى وقت.

الاخ الفاضل استاذ يوسف أهلاً بيك فى مملكتك (مملكة الاسبرانزاوية) والف مبروك مقدماً ربنا يطرحلك فيها البركة و يديك خيرها و يكفيك شرها .. و ان شاء الله تستلمها فى الموعد .. و اختيارك فعلا موفق .. و الحمد لله اخيراً حنلاقى صحبة انا و م/طارق .
مستنيين يومياتك مع السيارة بفارغ الصبر.................. ويلا بسرعة روح اشترك فى الرابطة .....................