الموضوع: ألو .. لأ محمد في السجن أصله كسر إشارة امبارح !

يا سيدي انا مقلتش قدوة ولا حاجة .. بس هما في النقطة دي قمة الصح !
واحد مبلطج عالناس و غلط .. يتحاسب ! مفيش أصح من كدة
بغض النظر عن سنه و جنسه .. ماهو لو اتسبب في حادثة و مات فيها حد .. هنقول اهو راجل كبير معلش فداه !؟ اي حد لازم يتحاسب

و انا كتبت في البوست بتاعتي ان باريس هيلتون و ميل جيبسون كانوا سايقين سكرانين .. و احنا عندنا هنا الشباب بيسوق سكران عادي جدا و بيتسبب في حوادث .. لو بصيت عالرصيف بتاع ميدان جيهنة عالمحور تلاقي كمية ازايز فودكا و كانزات هينيكين مرمية عشان بيبقي فيه لجنة ساعات هناك فا بيرموا الحاجة .. او بيكونوا خلصوها و عايزين يخلصوا منها

تعرف اما ضابط بيقفش شباب بيحشش في عربية نضيفة بيعمل ايه ؟!
بياخد الحشيش و يمشي !

يا جماعه المشكلة أبسط من كل ده

ماشى ياعم إعمل عقوبات تقيله و إعمل حبس لأى واحد يمشى عكسى

وده صــــــــــــــــــــــــ ـــــــــــــــــــح و كلام سمين

بــــــــــــــــــــــــ ـــــــــــــــــــــــــ ــــــــــس المشـــــــــــكلة


إن أنا و إنت و أى حد يروح يجـــــدد الرخصة يلاقى إن عليه حبس !! أو يبص يلاقيهم جايين ياخدوه من بيته عشان مشى عكس الإتجاه و هو عربيته أساسا مرفوعه !!!

طبعا كلنا عارفين الأمين إللى واقف فى الشارع يادوب بيميز الألف من كوذ الضرة بالعافيه و بيكتب الأرقام غلط و كلنا بنروح نجدد بنلاقى علينا مخالفات فى أماكن ماروحناهاش قبل كده و تقول يا عالم حرام مفيش

يعنى ممكن تبقى سوابق و رد سجون بسبب واحد جاهل سجل رقمك بالغلط إنك كسرت إشارة أو مشيت عكسى

و مووت يا حمار على ما يتعلم الجاهل نكون كلنا بقينا رد سجون

عايز تطبق العقوبة دى تبقى ملازمة بسحب الرخصة عشان يكون إثبات - أو ملازمة بتصوير العربية
غير كده يبقى بجد إستعباط


و كلنا هايبقى لينا ملفات و سوابق :)

طبعا كلنا عارفين الأمين إللى واقف فى الشارع يادوب بيميز الألف من كوذ الضرة بالعافيه و بيكتب الأرقام غلط و كلنا بنروح نجدد بنلاقى علينا مخالفات فى أماكن ماروحناهاش قبل كده و تقول يا عالم حرام مفيش

يبقى الحل هنا يا محمود انك تطالب باجراءات سليمه لتطبيق القانون .... مش انك تعترض على القانون .... ليه اخترت الحل السهل
في طبقه جديده في البلد ما بتفرقش معاها الفلوس مهما كان المبلغ
يعني الغرمات معاهم مش مجزيه
والحل الوحيد عشان الناس دي تلتزم انها تعرف انها مش فوق القانون ...
ولو خالف ها يتحبس زيه زي اي مواطن في البلد
انا مع تغليظ العقوبات على المخالفات اللي بتؤدي الى تهديد حياة الناس
وعمر ما حال الشارع المصري ممكن يتصلح الى لو خدنا الخطوه دي ... وما يترتب عليها من خطوات وأهما تطوير الجهاز اللي بينفذ القانون وهو ادارات المرور في الداخلية ........... وارواح المصريين اللي بتروح هدر كل يوم على الاسفلت تستاهل كل مليم نصرفه في التطوير ده ........

يا جماعة حبس ايه بس, من معلوماتى البسيطة عن القانون انو محدش يقدر يقيد حريتك بدون حكم محكمة, و طبعا عشان تاخد حكم محكمة انك ماشى عكس الاتجاه, اثبت بقى, و شوف المحامين و اللعب الى هيعملوه, ادارة المرور ملهاش حق تحبسك لأن ده غير دستورى.
هذا القانون غير دستورى و أغلب الظن انه لن يطبق. أو سوف ينجح المحامين فى اللعب على أوتاره و تفريغه من مضمونة.
هو فعلا نوع من التهريج, يعنى أنا أمشى عكس الاتجاه أتحبس مع تجار المخدرات و قتالين القتلة.

انا مع عقوبة السجن بس فى حالات معينة بس
زى القيادة دون السن القانونى
السير فى المخالف
القياده تحت تأثير الخمور
لكن مش واحد يكسر اشارة يدخلوه السجن
ده هبل