| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 5 من 5

  1. #1

    الصورة الرمزية ahgendy

    رقم العضوية : 67647

    تاريخ التسجيل : 11Apr2010

    المشاركات : 55

    النوع : ذكر

    الاقامة : Cairo

    السيارة: لانوس

    السيارة[2]: مكسوف أقول

    الحالة : ahgendy غير متواجد حالياً

    افتراضي إشارة روكسي على جسر السويس - Facebook Twitter whatsapp انشر الموضوع فى :

    hasad">

    إشارة روكسي في ميدان روكسي متهيألي ملهاش حل غير من عند ربنا

    بس أنا بصراحة اللي فكرت فيه هو مشكلة إشارة روكسي اللي على جسر السويس

    اللي بيحصل إن البهوات بتوع المرور بيوقفوا الإتجاه اللي الإشارة بتاعته مفتوحة علشان يمشوا العربيات اللي جايه من الإتجاه المقابل وعايزه تلف وكذلك علشان العربيات اللي جت من العمودي ومنتظرة تلف

    يعني على سبيل المثال أنا لما أبقى جاي من ميدان روكسي ورايح سراي القبة وإشارتي مفتوحة أبص ألاقي العسكري موقفني علشان فيه عربيات جايه من سراي القبة وعايزه تدخل جسر السويس رايحه إتجاه الألف مسكن، وكمان بيوقفونا علشان العربيات اللي جايه في جسر السويس من رمسيس وعايزه تدخل شمال على سراي القبة، ويوقفونا كمان علشان العربيات اللي جايه من جسر السويس من إتجاه الألف مسكن وعايزة تلف شمال علشان تروح ميدان روكسي، ده بالإضافة إلى اللي جايين معانا وعايزين يلفوا شمال رايحين إتجاه رمسيس وبيعطلونا هم كمان...

    ولو جاي من الألف مسكن ورايح رمسيس بيوقفونا علشان اللي بيلفوا رايحين سراي القبة رغم إن إشارتنا مفتوحة ده غير إن اللي جايين معانا وعايزين يلفوا شمال على ميدان روكسي هم كمان بيعطلونا لأنهم بيقفوا يستنوا اللي جايين من رمسيس يلفوا...

    وهكذا .. كل الإتجاهات بتقف رغم إن إشارتهم مفتوحة أو أضعف الإيمان بيتعطلوا علشان اللي جايين معاهم بيلفوا أو عايزين يلفوا.

    الواحد ساعتها يبقى هيتجنن لأنه أصلاً وقف في الإشارة دي كتير وما صدق إنها تفتح، وأحيانا والله تبص تلاقي على ما حنوا علينا وفتحوا لنا الطريق تلاقي الإشارة قفلت تاني، ويادوب كام عربية هم اللي عدوا، وأحيانا مفيش عربيات تلحق تعدي قبل قفل الإشارة
    ده بالإضافة إلى إن الوقت اللي بيروح في التبديل بين الإتجاهات بيبقى كبير وبيسبب تعطيل وتكدس للعربيات في كل الإتجاهات

    متهيألي إن الحل وبكل بساطة يكمن في منع الدوران في الميدان نفسه...

    اللي جاي من سراي القبة وعايز يدخل شمال على الألف مسكن يكمل في إتجاه ميدان روكسي شوية صغيرين ويلف شمال في أول يوتيرن "محور أو دوران أو أياً ما كان اسمه" وياخد يمينه في الإشارة اللي هتكون غالبا رايقه لأن محدش بيلف فيها.
    أو ياخد يمين في جسر السويس إتجاه رمسيس وياخد أول يوتيرن ويرجع يكمل على طول.

    اللي جاي من رمسيس وعايز يدخل شمال على سراي القبة ممكن برضه يدخل يمين في إتجاه روكسي ويوترن وبعدين طوالي أو طوالي في إتجاه الألف مسكن وبعدين يوترن ثم يمين في الإشارة

    أظن كده وضحت بالنسبة للباقيين... اللي جاي من الألف مسكن وعايز يلف شمال في إتجاه روكسي ممكن يطلع طوالي ويلف من جسر السويس شمال في يمين، واللي جاي روكسي وعايز يخش شمال على اتجاه رمسيس ممكن يخش يمين في إتجاه الألف مسكن ويرجع من أول يوترن طوالي أو يطلع طوالي في إتجاه سراي القبة وشمال في يمين.

    متهيألي كده يبقى عملنا إنسيابيه في الميدان اللي هو أس المشكلة ووفرنا وقت لا يمكن نستهلك ربعه في عملية الإنطالق طوالي والدوران من اليوتيرن التالي.

    هذا والله أعلم

    وإلى اللقاء في فكرة أخرى

    التعديل الأخير تم بواسطة ahgendy ; 09-08-2010 الساعة 04:59 PM سبب آخر: ضبط إملائي


  2. #2

    الصورة الرمزية ahgendy

    رقم العضوية : 67647

    تاريخ التسجيل : 11Apr2010

    المشاركات : 55

    النوع : ذكر

    الاقامة : Cairo

    السيارة: لانوس

    السيارة[2]: مكسوف أقول

    الحالة : ahgendy غير متواجد حالياً

    افتراضي -

    لو حسبنا الفرق هنلاقي إن الوقت اللي ممكن نستهلكه في الوصول إلى أول يوترن لا يتجاوز عشرين ثانية بأي حال من الأحوال
    ونضيف عليهم زيهم علشان الرجوع نفس المسافة
    لما أوصل الإشارة المفترض -بإذن الله- إني هالاقيها رايقة علشان مفيش حد بيوقف حد وإشارته مفتوحة وحتى لو لقيتها مقفولة يبقى أقصاها ستين ثانية كمان
    مع العلم إني المفروض ألا أعاني كثيرا من الإشارة الثانية لأني المفروض إني هاكسر يمين واليمين المفروض إنه مبيقفش ومخصص للي هيكسروا يمين
    يعني العملية كلها موش هتستغرق أكثر من دقيقتين في أسوأ الظروف وأكثرها تعقيدا
    شوفوا إحنا دلوقتي بنستهلك قد الدقيقتين دول كام مرة نتيجة اللعبكة الللي بتحصل نتيجة السماح بالدوران في الميدان

    نقطة صغيرة على جنب
    المفترض أخلاقياً وثقافيا إن السائقين في الإشارة يتركوا أقصى اليمين فاضي علشان اللي عايز يكسر يمين ميقفش في الإشارة ويعمل تكدس مالوش لزوم، وكده كده اللي هيكمل طوالي منتظر في الإشارة يبقى مالوش لازمة يعطل غيره
    لكن تبص تلاقي ناس متعرفش عامله ناصحه وللا شايفة نفسها ميجبش تقف وسط الجرابيع اللي زينا وتستنى دورها في الإشارة، وللا يمكن شايفة إن الأغبياء أمثالي سايبين اليمين فاضي غباوة منهم، تلاقي العالم دي كبست على اليمين لما تشوفه فاضي وتقف في أول الإشارة علشان لما الإشارة تفتح تكون في الأول، أصل الكام ثانية دول هم اللي هيفرقوا وهم دول اللي خلوا جوز نادين العقاد يعرف يوصل من ميدان الإسماعيلية لمدينة زايد في خمسة وعشرين دقيقة

    في نفس الوقت تلاقي ناس باااااااااااااااارده عارفه إنها هتخش يمين (أو شمال في حالات أخرى) وعلى الرغم من كده فضلت ماشية في الشمال علشان هو اللي سالك، ومرة واحدة أول الشمال ما يقف تكسر يمين علشان تخش يمين وتقطع الطريق بالعرض.. بالعرض فعلا موش مبالغة لأنك بتلاقي العربية بقت فعلاً عمودية على الإتجاه اللي جايه منه، وتلاقيه في منتهى السماجة مصر يجيب الطريق بالعرض وكأنه لو كمل طوالي ورجع من أول يوترن أو فتحة الدنيا هتقف، أو إن اليمين اللي عايز يدخله ده هو آخر يمين في الدنيا وبعد كده كله شمال.

    الصنفين دول من البشر حلهم إيه؟!!!

    دول حلهم إن في أقصى يمين الإشارة يتعمل زي محور صغنن جاي من بطن الشارع قبلها بمسافة صغننة بتاع عشرين متر أو حتى أقل، أنا شايف إن في حالة الإشارة اللي بنتكلم عليها ثلاثة متر حلوين قوي وكفاية...
    أقصد تقسيم أو تفريع للطريق برصيف صغنن أو بلدورة عرضها مياخدش أكتر من عشرين سنتيمتر موش هيفرقوا مع الطريق خالص، وعليها عمود فسفوري أو علامة علشان اللي مبيشوفش ياخد باله إن الطريق بيتفرع.
    .
    علشان اللي عايز يخش يمين يضطر يحضّن على اليمين من بدري وميعملش أزمة عند المفارق أو عند الإشارة
    وكله يعرف حدوده ومحدش يبلطج على حد

    هو ممكن حد يقول إنها كده هتضيق من عرض الشارع، وممكن يكون عنده حق إلى حد ما، بس شوفوا مقابل إنسيابية في المرور شكلها إيه

    هذا والله أعلم


  3. #3

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,692

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    شكراً على المقترح يا باشا

    فعلاً إشراة روكسي جسر السويس معضلة بصحيح
    رغم إنها تعتبر وصلة بين القصر الجمهوري بمصر الجديدة وقصر القبة بالقبة

    وهذا مقترح قديم لهذا التقاطع:
    http://www.nilemotors.net/Nile/18203-a.html

    مهندس أحمد. facebook.com/AHMED1981
    facebook.com/AHMED1981MECHANICAL


  4. #4

    الصورة الرمزية ahgendy

    رقم العضوية : 67647

    تاريخ التسجيل : 11Apr2010

    المشاركات : 55

    النوع : ذكر

    الاقامة : Cairo

    السيارة: لانوس

    السيارة[2]: مكسوف أقول

    الحالة : ahgendy غير متواجد حالياً

    افتراضي -

    العفو يا أحمد باشا

    ده تبين إن إنتم السابقون ونحن اللاطشون :)

    مكنتش أعرف إن فيه فكرة قديمة لحل الموضوع والله

    بس عموماً هو الفرق بين الفكرتين إن فكرة حضرتك تتخص في إلغاء الإشارة وتحويلها لمحاور ودي فكرة جميلة بالمناسبة

    أما فكرتي فهي عدم السماح بالدوران عند الإشارة

    وأنا لجأت للفكرة دي علشان شغلي علمني إني أراعي ثقافة متخذ القرار، والبهوات اللي ماسكين المرور فكرهم الحالي بعيد عن موضوع المحاور ده
    كانت موضة من كام سنة كده وعدت
    فقلت أحاول أقدم فكرة تضبط الوضع القائم وخلاص

    بس فعلاً فكرتك أحلى من فكرتي

    المهم بقى، الكلام ده يوصل إزاي ويتطبق إزاي؟

    حد معانا هنا ضابط مرور؟


  5. #5

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,692

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    hasad">

    يا باشا ربنا يكرمك

    هما لو بيفكروا كانوا جربوا 100 حل
    لكن من 20 سنة وهذا التقاطع كما هو
    والحمد لله

    مهندس أحمد. facebook.com/AHMED1981
    facebook.com/AHMED1981MECHANICAL



 

المواضيع المتشابهه

  1. لماذا الصراع مع تايمر إشارة المرور ؟؟؟!!!!!
    بواسطة graffittiii في المنتدى المنتــــــدى العـــــــــــام للسيــارات
    مشاركات: 41
    آخر مشاركة: 30-05-2012, 05:42 AM
  2. أخطر إشارة مرور في العالم
    بواسطة marsguy في المنتدى المنتــــــدى الاجتمــاعى
    مشاركات: 37
    آخر مشاركة: 27-05-2011, 06:11 PM
  3. اشاره روكسي بايظه
    بواسطة AboELsoud في المنتدى المنتــــــدى الاجتمــاعى
    مشاركات: 0
    آخر مشاركة: 10-05-2011, 07:17 PM
  4. إقتراح لتعديل مروري بإشارة روكسي بشارع جسر السويس لزيادة السيولة المرورية
    بواسطة ahmed1981 في المنتدى مقـتـــرحـــــات لحــــل الأزمـــات المــرورية
    مشاركات: 16
    آخر مشاركة: 15-09-2008, 06:57 PM
  5. ألو .. لأ محمد في السجن أصله كسر إشارة امبارح !
    بواسطة MoToRiZeR في المنتدى المنتــــــدى الاجتمــاعى
    مشاركات: 49
    آخر مشاركة: 01-06-2008, 06:39 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2