من واقع تجربتى - مع عربيتى لادا 2107 2077م

1= مشكلة فى الدينامو
الملف الداخلى فاصل وعايز يتلف - وتوفيرا للوقت قلنا ندور على على ملف
استعمال او استيراد ونركبه على طول -- نتيجة البحث عدم التطابق فى القطر
الملف الاستيراد ازود فى القطر وبكده ممكن يجرح السلك ومش هيلف او هيلف بالعافيه ويتحرق

2= ترموستات الكوع
كان فى نوعين -- الوصله المثلثه وجواها الترموستات -- وجبت المشابه للى عندى
وعند التركيب لقينا الخراطيم اوسع شويه والقفيز صعب يلم الوسع وممكن يرشحوا مياه
علما بان اللى راكب كان بيركب شحط يعنى بالحشر والضغط


3= المارش
اتوماتيك المارش لفيت علشان اشترى واحد زيه جديد وكان موجود انواع صينى وروسي وانواع كتير
لكن كلهم 3 مسمار واللى عندى 2 مسمار
واضريت فى الاخر انى اصلح الاتوماتيك نفسه واغير لحد ما الاقى بديل

ملاحظه
وللعلمالقطع كلها من الخارج مكتوب عليها الكلام الروسي
ومش مكتوب عربي وكمان متشابهه خارجيا مع الروسي حجما وشكلا